Mitta Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][than] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Tīhi bhikkhave aṅgehi samannāgato mitto sevitabbo.|| ||

Katamehi tīhi?|| ||

Idha, bhikkhave, bhikkhu duddadaṁ dadāti,||
dukkaraṁ karoti,||
dukkhamaṁ khamati.|| ||

Imehi ko bhikkhave tihi aṅgehi samannāgato mitto sevitabbo" ti.|| ||