Aṅguttara Nikāya
Catukka Nipāta
XIII: Bhaya Vagga

Sutta 125

Tatiya Puggala Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[128]

[1][pts][than][nymo] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

2. Cattāro'me bhikkhave puggalā santo saṁvijj'amānā lokasmiṁ.|| ||

Katame cattāro?|| ||

Idha, bhikkhave, ekacco puggalo mettā-saha-gatena cetasā disaṁ pharitvā viharati||
- tathā dutiyaṁ||
- tathā tatiyaṁ||
- tathā catutthiṁ,||
iti uddamadho tiriyaṁ sabbadhi sabbattatāya sabbā-vantaṁ lokaṁ mettā-saha-gatena cetasā vipulena mahaggatena appamāṇena averena akyāpajjhena pharitvā viharati.|| ||

So tad assādeti taṁ nikāmeti tena ca vittiṁ āpajjati.|| ||

Tattha ṭhito tad-adhimutto tabbahula-vihārī aparihīno kālaṁ kurumāno brahma kāyikānaṁ devānaṁ saha-vyataṁ uppajjati.|| ||

Brahma-kāyikānaṁ bhikkhave devānaṁ kappo āyu-p-pamāṇaṁ.|| ||

Tat puthujjano yāvatāyukā ṭhatvā yāvatakaṁ tesaṁ devānaṁ āyu-p-pamāṇaṁ taṁ sabbaṁ khepetvā Nirayam pi gacchati.|| ||

Tiracchāna-yonim pi gacchati.|| ||

Bhagavato pana sāvako tattha yāvatāyukaṁ ṭhatvā yāvatakaṁ tesaṁ devānāṁ āyu-p-pamāṇaṁ taṁ sabbaṁ khepetvā tasmiṁ yeva bhave parinibkhāyati.|| ||

Ayaṁ kho bhikkhave viseso ayaṁ adhippāyo idaṁ nānā-karaṇaṁ sutavato ariya-sāvakassa a-s-sutavatā pujjanena yad idaṁ gatiyā upapattiyā sati.|| ||

■

Puna ca paraṁ bhikkhave idh'ekacco puggalo karuṇā-saha-gatena cetasā vipulena mahaggatena appamāṇena averena akhyāpajjhena pharitvā viharati.|| ||

So tad assādeti taṁ nikāmeti tena ca vittiṁ āpajjati.|| ||

Tattha ṭhito tad-adhimutto tabbahula-vihārī aparihīno kālaṁ kurumāno Ābhassarānaṁ devānaṁ saha-vyataṁ uppajjati.|| ||

Ābhassarānaṁ bhikkhave devānaṁ dve kappā āyu-p-pamāṇaṁ.|| ||

Taṁ sabbaṁ khepetvā Nirayam pi gacchati.|| ||

Tiracchāna-yonim pi gacchati.|| ||

Petti-visayam pi gacchati.|| ||

Bhagavato pana sāvako tattha yāvatāyukaṁ ṭhatvā yāvatakaṁ tesaṁ devānaṁ āyu-p-pamāṇaṁ taṁ sabbaṁ khepetvā tasmiṁ.|| ||

Yeva bhave parinibkhāyati.|| ||

Ayaṁ kho bhikkhave viseso ayaṁ adhippāyo idaṁ nānā-karaṇaṁ sutavato ariya-sāvakassa a-s-sutavatā puthujjanena yad idaṁ gatiyā upapattiyā sati.|| ||

■

Puna ca paraṁ bhikkhave idh'ekacco puggalo muditā saha-gatena cetasā ekaṁ disā paritvā viharati||
- tathā dutiyaṁ||
- tathā tatiyaṁ||
- tathā catutthiṁ,||
iti uddamadho tiriyaṁ sabbadhi sabbattatāya lokaṁ muditā saha-gatena cetasā vipulena mahaggatena appamāṇena averena akhyāpajjhena pharitvā viharati.|| ||

So tad assādeti taṁ nikāmeti tena ca vittaṁ āpajjati.|| ||

Tattha ṭhito tad-adhimutto tābbahulavihārī aparihīno kālaṁ kurumāno Subhakiṇanhānaṁ devānaṁ saha-vyataṁ uppajjati.|| ||

Subhakiṇhānaṁ bhikkhave devānaṁ cattāro kappā āyuppamānaṁ.|| ||

Tattha puthujjano yāvatāyukaṁ ṭhatvā yāvatakaṁ tesamaṁ devānaṁ āyu-p-pamāṇaṁ taṁ sabbaṁ khepetvā ninarayam pi gacchati.|| ||

Tiracchāna-yonim pi gacchati.|| ||

Petti-visayam pi gacchati.|| ||

Bhagavato pana sāvako tattha yāvatāyukaṁ ṭhatvā yāvatakaṁ tesaṁ devānaṁ āyu-p-pamāṇaṁ taṁ sabbaṁ khepetvā tasmiṁ yeva bhave parinbkhāyati.|| ||

Ayaṁ kho bhikkhave viseso,||
ayaṁ adhippāyo.|| ||

Idaṁ nānā-karaṇaṁ sutavato ariya-sāvakassa a-s-sutavatā puthujjanena yad idaṁ gatiyā upapattiyā sati.|| ||

■

Puna ca paraṁ bhikkhave idh'ekacco puggalo upekkhā-saha-gatena cetasā ekaṁ disaṁ pharitvā viharati||
- tathā dutiyaṁ||
- tathā tatiyaṁ||
- tathā catutthiṁ,||
iti uddham-adho tiriyaṁ sabbadhi sabbattatāya sabbā-vattaṁ lokaṁ upekkhā-saha-gatena cetasā vipulena mahaggatena appamāṇena averena akhyāpajejhana pharitvā viharati.|| ||

So tad assādeti taṁ nikāmeti tena ca vittiṁ āpajjati.|| ||

Tattha ṭhito tad-adhimutto tabbahula-vihārī aparihīno kālaṁ kurumano Vehapphalānaṁ devānaṁ saha-vyataṁ uppajjati.|| ||

Vehapphalānaṁ bhikkhave devānaṁ pañca kappa-satāni āyu-p-pamāṇaṁ.|| ||

Tattha puthujjano yāvatāyukaṁ ṭhatvā yāvatakaṁ tesaṁ devānaṁ āyu-p-pamāṇaṁ taṁ sabbaṁ khepetvā Nirayam pi gacchati.|| ||

Tiracchāna-yonim pi gacchati.|| ||

Petti-visayam pi gacchati.|| ||

Bhagavato pana sāvako tattha yāvatāyukaṁ ṭhatvā yāvatakaṁ tesaṁ devānaṁ āyu-p-pamāṇaṁ taṁ sabbaṁ khepetvā tasmiṁ yeva bhave parinibkhāyati.|| ||

Ayaṁ kho bhikkhave viseso ayaṁ adhippāyo.|| ||

Idaṁ nānā-karaṇaṁ sutavato ariya-sāvakassa a-s-sutavatā puthujjanena yad idaṁ gatiyā upapattiyā sati.|| ||

Ime kho bhikkhave cattāro puggalā santo saṁvijj'amānā lokasmin ti.|| ||