Aṅguttara Nikāya
Sattaka Nipāta
VIII. Vinaya Vagga

Sutta 79

Satth'Usāsana Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[143]

[1][pts][than] Sāvatthi nidānaṁ|| ||

Atha kho āyasmā Upāli, yena Bhagavā ten'upasaṅkami.|| ||

Ten upasaṅkamitvā Bhagavantaṁ abhivādetvā eka-m-antaṁ nisīdi.|| ||

Eka-m-antaṁ nisinno kho ayasmā Upāli||
Bhagavantaṁ etad avoca:|| ||

"Sādhu me bhante,||
Bhagavā saṅkhittena Dhammaṁ desetu yaṁ ahaṁ Bhagavato Dhammaṁ sutvā eko vupakaṭṭho appamatto ātāpi pahit'atto vihareyyan" ti.|| ||

"Ye kho tvaṁ Upāli Dhamme jāneyyāsi:|| ||

'Ime dhammā na ekanta-nibbidāya virāgaya nirodhāya upasamāya abhiññāya sambodhāya Nibbānāya saṁvaṭṭantī' ti,||
ekaṁ-sen'Upāli dhāreyyāsi:|| ||

'N'eso dhammo,||
n'ese vinayo,||
n'etaṁ Satth-usāsanan' ti.|| ||

 

§

 

Ye ca kho tvaṁ Upāli, Dhamme jāneyyāsi:

'Ime dhammā ekanta-nibbidāya virāgaya nirodhāya upasamāya abhiññāya sambodhāya Nibbānāya saṁvaṭṭantī' ti,||
ekaṁ-sen'Upāli, dhāreyyāsi:

'Es Dhammo,||
es vineyo,||
etaṁ Satth-usāsanan' tī|| ||