Saṃyutta Nikāya
I. Sagātha Vagga
1. Devatā-Saṃyutta
II. Nandana Vagga
Adapted from the 1995 edition of the digital version of the
Sri Lanka Buddha Jayanti Tripitaka Series.
Sutta 11
Nandana Suttaṃ
[11.1][rhyc][bodh] Evam me sutaṃ.|| ||
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
"Bhūta-pubbaṃ bhikkhave aññatarā Tāvatiṃsakāyikā devatā Nandanavane accharā-Saṇgha-parivutā dibbehi pañca-kāma-guṇehi samappitā samaṇgi-bhūtā paricāriyamānā tāyaṃ velāyaṃ imaṃ gāthaṃ abhāsi:|| ||
Na te sukhaṃ pajānanti ye na passanti Nandanaṃ,||
Āvāsaṃ naradevānaṃ tidasānaṃ yasassinan" ti.|| ||
[6] Evaṃ vutte bhikkhave aññatarā devatā taṃ devataṃ gāthāya paccabhāsi:|| ||
"Na tvaṃ bāle pajānāsi yathā arahataṃ vaco,||
Aniccā sabbe saṇkhārā uppāda-vaya-dhammino,||
Uppajjitvā nirujjhanti tesaṃ vūpasamo sukho" ti.|| ||
Sutta 12
Nandati Suttaṃ
[12.1][rhyc][bodh] Evam me sutaṃ.|| ||
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
Eka-m-antaṃ ṭhitā kho sā devatā Bhagavato santike imaṃ gāthaṃ abhāsi:|| ||
"Nandati puttehi puttimā gomiko gohi tath'eva nandati,||
Upadhī hi narassa nandanā na hi so nandati yo nirūpadhī" ti.|| ||
(Bhagavā:)|| ||
"Socati puttehi puttimā gomiko gohi tath'eva socati,||
Upadhī hi narassa socanā na hi so socati yo nirūpadhī" ti.|| ||
Sutta 13
N'atthiputta Suttaṃ
[13.1][rhyc][bodh] Evam me sutaṃ.|| ||
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
Eka-m-antaṃ ṭhitā kho sā devatā Bhagavato santike imaṃ gāthaṃ abhāsi:|| ||
"N'atthi puttasamaṃ pemaṃ n'atthi gosamitaṃ dhanaṃ,||
N'atthi suriyasamā ābhā samudda-paramā sarā" ti.|| ||
(Bhagavā:)|| ||
"N'atthi attasamaṃ pemaṃ n'atthi dhaññasamaṃ dhanaṃ,||
N'atthi paññāsamā ābhā vuṭṭhi ve paramā sarā" ti.
Sutta 14
Khattiya Suttaṃ
[14.1][rhyc][bodh] Evam me sutaṃ.|| ||
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
Eka-m-antaṃ ṭhitā kho sā devatā Bhagavato santike imaṃ gāthaṃ abhāsi:|| ||
"Khattiyo dipadaṃ seṭṭho balivaddo catu-p-padaṃ,||
Komārī seṭṭhā bhariyānaṃ yo ca puttāna pubbajo" ti.|| ||
(Bhagavā:)|| ||
"SamBuddho dvi-padaṃ seṭṭho ājānīyo catu-p-padaṃ,||
Sussūsā seṭṭhā bhariyānaṃ yo ca puttānam assavo" ti.|| ||
Sutta 15
Sanamāna (or Santikāya) Suttaṃ
[15.1][rhyc][bodh] Evam me sutaṃ.|| ||
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
(Devatā:)|| ||
[7] "Ṭhite majjhantike kāle sannisnnesu pakkhisu,||
Sanat'eva mahāraññaṃ taṃ bhayaṃ paṭihāti man" ti.|| ||
(Bhagavā:)|| ||
"Ṭhite majjhantike kāle sanni-sinnesu pakkhisu,||
Sanat'eva mahāraññaṃ sā ratī paṭibhāti man" ti.|| ||
Sutta 16
Niddātandi Suttaṃ
[16.1][rhyc][bodh] Evam me sutaṃ.|| ||
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
(Devatā:)|| ||
"Niddā tandi vijambhikā aratī bhatta-sammado,||
Etena na ppakāsati ariyaMaggo idha pāṇinan" ti.|| ||
(Bhagavā:)|| ||
"Niddaṃ tandiṃ vijambhikaṃ aratiṃ bhatta-sammadaṃ||
Viriyena naṃ paṇāmetvā ariyaMaggo visujjhatī" ti.|| ||
Sutta 17
Dukkara (or Kumma) Suttaṃ
[17.1][rhyc][bodh] Evam me sutaṃ.|| ||
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
(Devatā:)|| ||
"Dukkaraṃ duttitikkhañ ca avyattena ca sāmaññaṃ,||
Bahū hi tattha sambādhā yattha bālo visīdatī" ti.|| ||
(Bhagavā:)|| ||
"Kati'haṃ careyya sāmaññaṃ cittaṃ ce na nivāraye,||
Pade pade visīdeyya saṇkappānaṃ vasānugo.|| ||
Kummo va aṇgāni sake kapāle||
samodaḷhaṃ bhikkhu manovitakke,||
Anissito aññam aheṭhayāno||
parinibbuto na upavadeyya kañcī" ti.|| ||
Sutta 18
Hiri Suttaṃ
[18.1][rhyc][than][bodh] Evam me sutaṃ.|| ||
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
(Devatā:)|| ||
"Hirīnisedho puriso koci lokasmiṃ vijjati,||
Yo nindaṃ appabodhati asso bhadro kasām ivā" ti.|| ||
(Bhagavā:)|| ||
"Hirīnisedhā tanuyā ye caranti sadā satā,||
Antaṃ dukkhassa pappuyya caranti visame saman" ti.|| ||
Sutta 19
Kuṭikā Suttaṃ
[19.1][rhyc][bodh] Evam me sutaṃ.|| ||
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
(Devatā:)|| ||
"Kacci te kuṭikā n'atthi kacci n'atthi kulāvakā,||
Kacci santānakā n'atthi kacci mutto'si bandhanā" ti.|| ||
(Bhagavā:)|| ||
"Taggha me kuṭikā n'atthi taggha n'atthi kulāvakā,||
Taggha santānakā n'atthi taggha mutto'mhi bandhanā" ti.|| ||
(Devatā:)|| ||
"Kin tāhaṃ kuṭikaṃ brūmi kin te brūmi kulāvakaṃ,||
Kin te santāna1kaṃ brūmi kin tāhaṃ brūmi bandhanan" ti.|| ||
(Bhagavā:)|| ||
"Mātaraṃ kuṭikaṃ brūsi bhariyaṃ brūsi kulāvakaṃ,||
Putte santānake brūsi taṇhaṃ me brūsi bandhanan" ti.|| ||
(Devatā:)|| ||
"Sāhu te kuṭikā n'atthi sāhu n'atthi kulāvakā,||
Sāhu santānakā n'atthi sāhu mutto'si bandhanā" ti.|| ||
Sutta 20
Samiddhi Suttaṃ
[20.1][rhyc][than][bodh] Evam me sutaṃ.|| ||
Ekaṃ samayaṃ Bhagavā Rājagahe viharati Tapodārāme.|| ||
Atha kho āyasmā Samiddhi rattiyā paccūsa-samayaṃ paccu-ṭṭhāya yena Tapodā ten'upasaṇkami gattāni parisiñcituṃ.|| ||
Tapode gattāni parisiñ-citvā pacc'uttaritvā eka-cīvaro aṭṭhāsi gattāni pubb-ā-paya-māno.|| ||
Atha kho aññatarā devatā abhikkantāya rattiyā abhikkanta-vaṇṇā kevala-kappaṃ Tapodaṃ obhāsetvā yen'āyasmā Samiddhi ten'upasaṇkami.|| ||
Upasaṇkamitvā vehāsaṃ ṭhitā āyasmantaṃ Samiddhiṃ gāthāya ajjhabhāsi:||| ||
"Abhutvā bhikkhasi bhikkhu na hi bhutvāna bhikkhasi,||
Bhutvāna bhikkhu bhikkhassu mā taṃ kālo upaccagā" ti.|| ||
(Samiddhi:)|| ||
[9] "Kālaṃ vo'haṃ na jānāmi channo kālo na dissati,||
Tasmā abhutvā bhikkhāmi mā maṃ kālo upaccagā" ti.|| ||
Atha kho sā devatā paṭhaviyaṃ patiṭṭhahitvā āyasmantaṃ Samiddhiṃ etad avoca:|| ||
"Daharo tvaṃ bhikkh pabba-jito susu kālakeso bhadrena yobbanena samannāgato paṭhamena vayasā anikīḷitāvī kāmesu.|| ||
Bhuñja bhikkhu mānusake kāme.|| ||
Mā sandiṭṭhikaṃ hitvā kālikaṃ anudhāvī" ti.|| ||
(Samiddhi:)|| ||
"Na khv'āhaṃ āvuso sandiṭṭhikaṃ hitvā kālikaṃ anudhāvāmi.|| ||
Kālikañ ca khv'āhaṃ āvuso hitvā sandiṭṭhikaṃ anudhāvāmi.|| ||
Kālikāhi āvuso kāmā vuttā Bhagavatā bahu-dukkhā bah'ūpāyāsā ādīnavo ettha bhiyyo.|| ||
Sandiṭṭhiko ayaṃ dhammo akāliko ehi passiko opanayiko paccattaṃ veditabbo viññūhī" ti.|| ||
(Devatā:)|| ||
"Kathañ ca bhikkhu kālikā kāmā vuttā Bhagavatā bahu-dukkhā bah'ūpāyāsā ādīnavo ettha bhiyyo?|| ||
Kathaṃ sandiṭṭhiko ayaṃ dhammo akāliko ehi passiko opanayiko paccattaṃ veditabbo viññūhī" ti?|| ||
(Samiddhi:)|| ||
"Ahaṃ kho āvuso navo acira-pabba-jito.|| ||
Adhunāgato imaṃ Dhamma-Vinayaṃ||
na khv'āhaṃ Sakkomi vitthārena ācikkhituṃ.|| ||
Ayaṃ so Bhagavā arahaṃ Sammā Sambuddho Rājagahe viharati Tapodārāme.|| ||
Taṃ Bhagavantaṃ upasaṇkamitvā etam atthaṃ puccha.|| ||
Yathā te Bhagavā vyākaroti,||
tathā naṃ dhāreyyāsī" ti.|| ||
(Devatā:)|| ||
"Na kho bhikkhu sukaro so Bhagavā amhehi upasaṇkamituṃ||
aññāhi mahesakkhāhi devatāhi parivuto.|| ||
Sa ce kho tvaṃ bhikkhu taṃ Bhagavantaṃ upasaṇkamitvā etam atthaṃ puccheyyāsi||
mayam pi āgaccheyyāma dhamma-savaṇāyā" ti.|| ||
"Evam āvuso" ti kho āyasmā Samiddhi tassā devatāya paṭi-s-sutvā yena Bhagavā ten'upasaṇkami.|| ||
Upasaṇkamitvā Bhagavantaṃ abhivādetvā eka-m-antaṃ nisīdi.|| ||
[10] Eka-m-antaṃ nisinno kho āyasmā Samiddhi Bhagavantaṃ etad avoca:|| ||
"Idāhaṃ bhante rattiyā paccūsa-samayaṃ paccu-ṭṭhāya yena Tapodā ten'upasaṇkamiṃ gattāni parisiñcituṃ.|| ||
Tapode gattāni parisiñ-citvā pacc'uttaritvā eka-cīvaro aṭṭhāsiṃ gattāni pubb-ā-paya-māno.|| ||
Atha kho bhante aññatarā devatā abhikkantāya rattiyā abhikkanta-vaṇṇā kevala-kappaṃ Tapodaṃ obhāsetvā yenāhaṃ ten'upasaṇkami.|| ||
Upasaṇkamitvā vehāsaṃ ṭhitā imāya gāthāya ajjhabhāsi:|| ||
'Abhutvā bhikkhasi bhikkhu na hi bhutvāna bhikkhasi,||
Bhutvāna bhikkhu bhikkhassu mā taṃ kālo upaccagā' ti.|| ||
Evaṃ vutte ahaṃ bhante taṃ devataṃ gāthāya paccabhāsiṃ.|| ||
'Kālaṃ vo'haṃ na jānāmi channo kālo na dissati,||
Tasmā abhutvā bhikkhāmi mā maṃ kālo upaccagā' ti.|| ||
Atha kho bhante sā devatā paṭhaviyaṃ patiṭṭhahitvā maṃ etad avoca:|| ||
'Daharo tvaṃ bhikkhu pabba-jito susu-kālakeso bhadrena yobbanena sammanāgato paṭhamena vayasā,||
anikīḷitāvī kāmesu.|| ||
Bhuñja bhikkhu mānusake kāme.|| ||
Mā sandiṭṭhikaṃ hitvā kālikaṃ anudhāvī' ti.|| ||
Evaṃ vutte'haṃ bhante taṃ devataṃ etad avocaṃ:|| ||
'Na khv'āhaṃ āvuso sandiṭṭhikaṃ hitvā kālikaṃ anudhāvāmi.|| ||
Kālikaṃ ca khv'āhaṃ āvuso hitvā sandiṭṭhikaṃ anudhāvāmi.|| ||
Kālikā hi āvuso kāmā vuttā bahu-dukkhā bah'ūpāyāsā ādīnavo ettha bhiyyo.|| ||
Sandiṭṭhiko ayaṃ dhammo akāliko ehi passiko opanayiko paccattaṃ veditabbo viññūhī' ti.|| ||
Evaṃ vutte bhante sā devatā maṃ etad avoca:|| ||
'Kathañ ca bhikkhu kālikā kāmā vuttā Bhagavatā bahu-dukkhā bah'ūpāyāsā ādīnavo ettha bhīyyo?|| ||
Kathaṃ sandiṭṭhiko [11] ayaṃ dhammo akāliko ehi passiko opanayiko paccattaṃ veditabbo viññūhī' ti?|| ||
Evaṃ vutte'haṃ bhante taṃ devataṃ etad avocaṃ:|| ||
'Ahaṃ kho āvuso navo acira-pabba-jito.|| ||
Adhunāgato imaṃ Dhamma-Vinayaṃ||
na khv'āhaṃ Sakkomi vitthārena ācikkhi-tuṃ.|| ||
Ayaṃ so Bhagavā arahaṃ Sammā Sambuddho Rājagahe viharati Tapodārāme.|| ||
Taṃ Bhagavantaṃ upasaṇkamitvā etam atthaṃ puccha.|| ||
Yathā te Bhagavā vyākaroti tathā naṃ dhāreyyāsī' ti.|| ||
Evaṃ vutte bhante sā devatā maṃ etad avoca:|| ||
'Na kho bhikkhu sukaro so Bhagavā amhehi upasaṇkamituṃ,||
aññāhi mahesakkhāhi devatāhi parivuto.|| ||
Sace kho tvaṃ bhikkhu taṃ Bhagavantaṃ upasaṇkamitvā etam atthaṃ puccheyyāsi||
mayam pi āgaccheyyāma dhamma-savaṇāyā' ti.|| ||
Sace bhante tassā devatāya saccaṃ vacanaṃ,||
idh'eva sā devatā avidūre" ti.|| ||
Evaṃ vutte sā devatā āyasmantaṃ Samiddhiṃ etad avoca:|| ||
"Puccha bhikkhu,||
puccha bhikkhu,||
ayam ahaṃ anuppattā" ti.|| ||
Atha kho Bhagavā taṃ devataṃ gāthāya ajjhabhāsi:|| ||
"Akkheyya-saññino sattā akkheyyasmiṃ pati-ṭ-ṭhitā,||
Akkheyyam apariññāya yogam āyanti maccuno.|| ||
Akkheyyañ ca pariññāya akkhātāraṃ na maññati,||
'Taṃ hi tassa na hotī' ti yena naṃ vajjā na tassa atthi,||
Sace vijānāsi vadehi yakkhā" ti.|| ||
(Devatā:)|| ||
"Na khv'āhaṃ bhante imassa Bhagavatā saṇkhittena bhāsitassa vitthārena atthaṃ ājānāmi.|| ||
Sādhu me bhante Bhagavā tathā bhāsatu||
yathā'haṃ imassa Bhagavatā saṇkhittena bhāsitassa vitthārena atthaṃ ājāneyyan" ti.|| ||
(Bhagavā:)|| ||
[12] "Samo visesī atha vā nihīno yo maññati so vivadetha tena,||
Tīsu vidhāsu avikampamāno samo visesī ti na tassa hoti,||
Sace vijānāsi vadehi yakkhi" ti.|| ||
(Devatā:)|| ||
"Imassa pi khv'āhaṃ bhante Bhagavatā saṇkhittena bhāsitassa na vitthārena atthaṃ ājānāmi.|| ||
Sādhu me bhante Bhagavā tathā bhāsatu||
yathā'haṃ imassa Bhagavatā saṇkhittena bhāsitassa vitthārena atthaṃ jāneyyan" ti.|| ||
(Bhagavā:)|| ||
"Pahāsi saṇkhaṃ na vimānam ajjhagā acchecchi taṇhaṃ idha nāma-rūpe,||
Taṃ chinna-ganthaṃ anīghaṃ nirāsaṃ||
pariyesamānā nājjhagamuṃ||
Devā manussā idha vā huraṃ vā||
saggesu vā sabba-nivesanesu,||
Sace vijānāsi vadehi yakkhā" ti.|| ||
(Devatā:)|| ||
"Imassa khv'āhaṃ bhante Bhagavatā saṇkhittena bhāsitassa evaṃ vitthārena atthaṃ ājānāmi.|| ||
Pāpaṃ na kayirā vacasā manasā||
kāyena vā kiñ cana sabba-loke,||
Kāme pahāya satimā sampajāno||
dukkhaṃ na sevetha anattha-saṃhitan" ti.|| ||
Nandana Vagga Dutiyo
