Kosambī Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][than][bodh] Evaṁ me sutaṁ.|| ||

Ekaṁ samayaṁ āyasmā ca Mūsīlo||
āyasmā ca Saviṭṭho||
āyasmā ca Nārado||
āyasmā ca Ānando||
Kosambīyaṁ viharanti Ghositārāme.|| ||

Atha kho āyasmā Saviṭṭho āyasmantaṁ kho Mūsīlaṁ etad avoca:|| ||

"Aññatr'eva āvuso Mūsīla, saddhāya,||
aññatra ruciyā,||
aññatra anussavā,||
aññatra ākāra-parivitakkā,||
aññatra diṭṭhi-nijjhāna-k-khantiyā||
atth-ā-yasmato Mūsilassa paccattam eva ñāṇaṁ||
jāti-paccayā jarā-maraṇan" ti?|| ||

"Aññatr'eva āvuso Saviṭṭha, saddhāya,||
aññatra ruciyā,||
aññatra anussavā,||
aññatra ākāra-parivitakkā,||
aññatra diṭṭhi-nijjhāna-k-khantiyā,||
ahame taṁ jānāmi ahame taṁ passāmi,||
jāti-paccayā jarā-maraṇan" ti.|| ||

[116] "Aññatr'eva āvuso Mūsīla, saddhāya,||
aññatra ruciyā,||
aññatra anussavā,||
aññatra ākāra-parivitakkā,||
aññatra diṭṭhi-nijjhāna-k-khantiyā||
atth-ā-yasmato Mūsilassa paccattam eva ñāṇaṁ||
bhava-paccayā jātī" ti?|| ||

■

"Tena hāyasmā Mūsilo arahaṁ khīṇ'āsavo" ti.|| ||

Evaṁ vutte āyasmā Mūsilo tuṇhī ahosi.|| ||

Autha kho āyasmā Nārado āyasmantaṁ Saviṭṭhaṁ etad avoca:|| ||

"Sādh'āvuso Saviṭṭha,||
ahame taṁ pañhaṁ labheyyaṁ,||
mame taṁ pañhaṁ puccha.|| ||

Ahaṁ te etaṁ pañhaṁ vyākarissāmī" ti.|| ||

"Labhat'āyasmā Nārado etaṁ pañhaṁ.|| ||

Pucchām ahaṁ āyasmantaṁ Nāradaṁ etaṁ paññaṁ.|| ||

Vyākarotu ca me āyasmā Nārado etaṁ pañhaṁ.|| ||

"Aññatr'eva āvuso Nārada, saddhāya,||
aññatra ruciyā,||
aññatra anussavā,||
aññatra ākāra-parivitakkā,||
aññatra diṭṭhi-nijjhāna-k-khantiyā||
atth-ā-yasmato Mūsilassa paccattam eva ñāṇaṁ||
jāti-paccayā jarā-maraṇan" ti?|| ||

■

"Tena hāyasmā Nārado arahaṁ khīṇ'āsavo" ti?|| ||

[118] "'Bhava-nirodho nibbāṇan' ti kho me āvuso,||
sammapaññāya su-diṭṭhaṁ,||
na c'amhi arahaṁ khīṇ'āsavo.|| ||

Seyyathā pi āvuso,||
kantāramagge udapāno,||
tatra nev'assa rajju na udakavārako.|| ||

Atha puriso āgaccheyya ghamm-ā-bhitatto sammapareto kilanto tasito pipāsito.|| ||

So taṁ udapānaṁ olokeyya.|| ||

Tassa udakanti hi kho ñāṇaṁ assa,||
na ca kāyena phusitvā vihareyya.|| ||

Evam eva kho āvuso,||
bhava-nirodho nibbāṇanti yathā-bhūtaṁ samma-p-paññāya su-diṭṭhaṁ,||
na c'amhi arahaṁ khīṇ'āsavo" ti.|| ||

Evaṁ vutte āyasmā Ānando āyasmantaṁ Saviṭṭhaṁ etad avoca:|| ||

"Evaṁ-vādī tvaṁ āvuso Saviṭṭha,||
āyasmantaṁ Nāradaṁ kiṁ vadesī" ti?|| ||

"Evaṁ vādāhaṁ āvuso Ānanda,||
āyasmantaṁ Nāradaṁ na kiñci vadāmi aññatra kalyāṇā,||
aññatra kusalā" ti.|| ||