Nakha-Sikhā Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[133]

[1][pts][bodh][than][olds] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati||
Jetavane Anāthapiṇḍikassa ārāme.|| ||

[2][pts][bodh][than][olds] Atha kho Bhagavā parittaṁ nakha-sikhāyaṁ paṁsuṁ āropetvā bhikkhū āmantesi:|| ||

"Taṇ kim maññatha bhikkhave?|| ||

Katamaṁ nu kho bahutaraṁ||
yo c'āyaṁ mayā paritto nakha-sikhāyaṁ paṁsu āropito,||
ayaṁ vā mahā-paṭhavī" ti?|| ||

[3][pts][bodh][than][olds] "Etad eva bhante, bahutaraṁ yad idaṁ mahā-paṭhavi,||
appamattako nakha-sikhāyaṁ Bhagavatā paritto paṁsu āropito||
n'eva satimaṁ kalaṁ upeti,||
na sahassimaṁ kalaṁ upeti,||
na sata-sahassimaṁ kalaṁ upeti,||
mahā-paṭhaviṁ upanidhāya Bhagavatā paritto nakha-sikhāya paṁsu āropito" ti.|| ||

[4][pts][bodh][than][olds] "Evam eva kho bhikkhave, ariya-sāvakassa diṭṭhi-sampannassa puggalassa abhisametāvino etad eva bahutaraṁ dukkhaṁ||
yad idaṁ parikkhīṇaṁ pariyādiṇṇaṁ,||
appa-mattakaṁ avasiṭṭhaṁ.|| ||

N'eva satimaṁ kalaṁ upeti,||
na sahas- [134] simaṁ kalaṁ upeti,||
na sata-sahassimaṁ kalaṁ upeti,||
purimaṁ dukkha-k-khandhaṁ parikkhīṇaṁ pariyādinnaṁ upanidhāya yad idaṁ satta-k-khattūṁ paramatā.|| ||

[5][pts][bodh][than][olds] Evaṁ mahatthiyo kho bhikkhave,||
Dhamm-ā-bhisamayo,||
evaṁ mahatthiyo Dhamma-cakkhu paṭilābho" ti.|| ||