Saṁyutta Nikāya
II. Nidāna Vagga

17. Lābha-Sakkāra Saṁyuttaṁ

 

---

[225]

I. Dāruṇa Vagga

Sutta 1

Dāruṇa Suttaṁ

 

[1][pts][bodh][olds] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti kho te bhikkhū Bhagavato paccassosuṁ.|| ||

[226] Bhagavā etad avoca:|| ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 2

Balisa Suttaṁ

 

[2][pts][bodh][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Seyyathā pi, bhikkhave, bālisiko āmisa-gataṁ bālisaṁ gambhīre udaka-rahade pakkhipeyya.|| ||

Tam enam aññataro āmisacakkhu maccho gileyya,||
evaṁ hi so bhikkhave,||
maccho gila-bāliso bālisikassa anayaṁ āpanno,||
vyasanaṁ āpanno,||
yathā-kāma-kariṇīyo bālisikassa.|| ||

Bālisiko" ti kho bhikkhave,||
Mārassetaṁ pāpimato adhivacanaṁ.|| ||

Bālisanti kho bhikkhave,||
lābha-sakkāra-silokassetaṁ adhivacanaṁ.|| ||

Yo hi koci bhikkhave, bhikkhu uppannaṁ lābha-sakkāra-silokaṁ assādeti nikāmeti,||
ayaṁ vuccati bhikkhave,||
bhikkhu gila-bāliso Mārassa anayaṁ āpanno,||
vyasanaṁ āpanno,||
yathā-kāma-karaṇīyo pāpimato|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 3

Kumma Suttaṁ

 

[3][pts][bodh][olds] Sāvatthiyaṁ — || ||

[227] "Dāruṇo bhikkhave,||
lābha-sakkāra-sīloko kaṭuko||
pharuso antarāyiko anuttarassa||
yoga-k-khemassa adhigamāya.|| ||

Bhūta-pubbaṁ bhikkhave,||
aññatarasmiṁ udaka-rahade mahākummakulaṁ ciranivāsī ahosi.|| ||

Atha kho bhikkhave, aññataro kummo aññataraṁ kumma etad avoca:|| ||

"Mā kho tvaṁ tāta kumma,||
etaṁ padesaṁ agamāsī" ti.|| ||

Agamāsi kho bhikkhave,||
so kummo taṁ padesaṁ.|| ||

Tam enam luddo papatāya vijjha.|| ||

Atha kho bhikkhave,||
so kummo yena so kummo ten'upasaṅkami.|| ||

Addasā kho bhikkhave so kummo taṁ kummaṁ dūrato'va āga-c-chantaṁ.|| ||

Disvāna taṁ kummaṁ etad avoca:|| ||

"Kacci tvaṁ tāta kumma,||
na taṁ padesaṁ agamāsī" ti?|| ||

Agamāsiṁ kho ahaṁ tāta kumma,||
taṁ padesanti.|| ||

"Kacci panāsi tāta kumma,||
akkhato anupahato" ti?|| ||

Akkhato kho'mhi tāta kumma,||
anupahato.|| ||

Atthi pana me idaṁ suttakaṁ piṭṭhito piṭṭhito,||
anubaddhanti.|| ||

Tagghassasi tāta kumma,||
khato upahato.|| ||

Etena hi te tāta, kumma, suttakena pitaro ca pitāmahā ca anayaṁ āpannā vyasanaṁ āpannā.|| ||

Gaccha dāni tvaṁ tāta kumma,||
na dāni tvaṁ amhākanti.|| ||

Luddo ti kho bhikkhave,||
Mārassetaṁ pāpimato adhivacanaṁ.||
Papatā ti kho bhikkhave,||
lābha-sakkāra-silokassetaṁ adhivacanaṁ.|| ||

Suttakanti kho bhikkhave,||
nandi-rāgassetaṁ adhivacanaṁ.|| ||

Yo hi koci bhikkhave,||
bhikkhu upannaṁ lābha-sakkāra-silokaṁ assādeti,||
nikāmeti||
ayaṁ vuccati bhikkhave,||
bhikkhu giddho papatāya anayaṁ āpanno,||
vyasanaṁ āpanno,||
yathā-kāma-karaṇīyo pāpimato.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

[228] Evaṁ hi vo bhikkhave, sikkhitabban" ti.|| ||

 

§

 

Sutta 4

Dīgha-Lomi-Eḷaka Suttaṁ

 

[4][pts][bodh][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Seyyathā pi, bhikkhave,||
digha-lomikā eḷakā kaṇṭakāgahaṇaṁ paviseyya,||
sā tatra tatra sajjeyya,||
tatra tatra gayheyya,||
tatra tatra bajjheyya,||
tatra tatra anaya-vyasanaṁ āpajjeyya.|| ||

Evam eva kho bhikkhave,||
idh'ekacco bhikkhu lābha-sakkāra-silokena abhibhūto pariyādinna-citto pubbaṇha-samayaṁ nivāsetvā patta-cīvaraṁ ādāya gāmaṁ vā||
nigamaṁ vā piṇḍāya pavisati,||
so tatra tatra sajjati,||
tatra tatra gayhati||
tatra tatra bajjhati,||
tatra tatra anaya-vyasanaṁ āpajjati.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 5

Piḷhika (Mīḷhaka) Suttaṁ

 

[5][pts][bodh][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Seyyathā pi, bhikkhave, mīḷhakā gūthādī,||
gūthapurā,||
puṇṇā guthassa,||
purato c'assa mahāgūthapuñjo.|| ||

Sā tena aññā mīḷhakā atimaññeyya:|| ||

Ahaṁ hi gūthādi,||
gūthapūrā,||
puṇṇā gūthassa,||
purato ca myāyaṁ mahāgūthapuñjo" ti.|| ||

[229] Evam eva kho bhikkhave,||
idh'ekacco bhikkhu lābha-sakkāra-silokena abhibhūto pariyādinna-citto pubbaṇha-samayaṁ nivāsetvā patta-cīvaraṁ ādāya gāmaṁ vā||
nigamaṁ vā piṇḍāya pavisati.|| ||

So tattha bhuttāvī ca hoti yāva-dattho,||
nimantito ca svātanāya,||
piṇḍa-pāto c'assa pūro.|| ||

So ārāmaṁ gantvā bhikkhugaṇassa majjhe vikatthati:|| ||

Bhuttāvī c'amhi yāva-dattho,||
nimantitoc'amhi svātanāya,||
piṇḍa-pāto ca myāyaṁ pūro,||
lābhī c'amhi cīvara-piṇḍa-pāta-sen'āsana-gilāna-papaccaya-bhesajja-parikkhārānaṁ.|| ||

Ime pana aññe bhikkhū appapuññā appesakkhā na lābhino cīvara-piṇḍa-pāta-sen'āsana-gilāna-papaccaya-bhesajja-parikkhārānanti.|| ||

So tena lābha-sakkāra-silokena Abhibhuto pariyādinna-citto aññe pesale bhikkhū atimaññati.|| ||

Taṁ hi tassa bhikkhave,||
mogha-purisassa hoti dīgha-rattaṁ ahitāya dukkhāya.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 6

Asani-Vicakka Suttaṁ

 

[6][pts][bodh][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Kaṁ bhikkhave, asani vicakkaṁ āga-c-chatu?|| ||

Sekhaṁ appattamānasaṁ lābha-sakkāra-siloko anupāpuṇātu.|| ||

"Asani vicakkanti" kho bhikkhave,||
lābha-sakkāra-silokassetaṁ adhivacanaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 7

Diṭṭha-Visalla Suttaṁ

 

[7][pts][bodh][olds] Sāvatthiyaṁ — || ||

[230] "Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Kaṁ bhikkhave, diṭṭha-gatena visallena sallena vijjhanti tam?|| ||

Sekhaṁ appattamānasaṁ lābha-sakkāra-siloko anupāpuṇātu.|| ||

'Sallanti kho bhikkhave,||
lābha-sakkāra-silokassetaṁ adhivacanaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 8

Paṭhama Sigāla Suttaṁ

 

[8][pts][bodh][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Assuttha no tumhe bhikkhave,||
rattiyā paccūsa-samayaṁ jarasigālassa vassamānassā" ti?|| ||

"Evaṁ bhante" ti.|| ||

Eso kho bhikkhave,||
jarasigālo ukkaṇṭakena nāma rogajātena phuṭṭho n'eva bilagato ramati.|| ||

Na rukkha-mūla-gato ramati. Na ajjhokāsagato ramati.|| ||

Yena yena gacchati,||
yattha yattha tiṭṭhati,||
yattha yattha nisīdati,||
yattha yattha nipajjati,||
tattha tattha anaya-vyasanaṁ āpajjati.|| ||

Evam eva kho bhikkhave,||
idh'ekacco bhikkhu lābha-sakkāra-silokena abhibhūto pariyādinna-citto n'eva suññ-ā-gāra-gato ramati.|| ||

Na rukkha-mūla-gato ramati.|| ||

Na ajjhokāsagato ramati.|| ||

Yena yena gacchati,||
yattha yattha tiṭṭhati,||
yattha yattha nisīdati,||
yattha yattha nipajjati,||
tattha tattha anaya-vyasanaṁ āpajjati.|| ||

[231] Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 9

Veramba Suttaṁ

 

[9][pts][bodh][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Upari bhikkhave,||
ākāse verambā nāma vātā vāyanti.|| ||

Tattha yo pakkhi gacchati,||
tam enaṁ verambā vātā khipanti.|| ||

Tassa verambavātakhittassa aññen'eva pādā gacchanti,||
aññena pakkhā gacchanti,||
aññena sīsaṁ gacchati,||
aññena kāyo gacchati.|| ||

Evam eva kho bhikkhave,||
idh'ekacco bhikkhu lābha-sakkāra-silokena abhibhūto pariyādinna-citto pubbaṇha-samayaṁ nivāsetvā patta-cīvaraṁ ādāya gāmaṁ vā nigamaṁ vā piṇḍāya pavisati,||
arakkhiten'eva kāyena arakkhitāya vācāya arakkhitena cittena anupaṭṭhitāya satiyā asaṁvutehi indriyehi.|| ||

So tattha passati mātu-gāmaṁ dunnivatthaṁ vā duppārutaṁ vā.|| ||

Tassa mātu-gāmaṁ disvā dunnivatthaṁ vā||
duppārutaṁ vā rāgo cittaṁ anuddhaṁseti.|| ||

So rāg'ānuddhaṁ-sitena cittena sikkhaṁ paccakkhāya hīnāy-āvattati.|| ||

Tassa aññe cīvaraṁ haranti.|| ||

Aññe pattaṁ haranti.|| ||

Aññe nisīdanaṁ haranti.|| ||

Aññe sūcigharaṁ haranti.|| ||

Verambavātabittass'eva sakuṇassa.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 10

Sagātha Suttaṁ

 

[10][pts][bodh][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Idh'āhaṁ bhikkhave,||
ekaccaṁ puggalaṁ passāmi [232] lābha-sakkārena abhibhūtaṁ pariyādinna-cittaṁ kāyassa bhedā param maraṇā apāyaṁ duggatiṁ vinipātaṁ Nirayaṁ upapannaṁ.|| ||

Idha panāhaṁ bhikkhave,||
ekaccaṁ puggalaṁ passāmi asakkārena abhibhūtaṁ pariyādinna-cittaṁ kāyassa bhedā param maraṇā apāyaṁ duggatiṁ vinipātaṁ Nirayaṁ upapannaṁ.|| ||

Idha panāhaṁ bhikkhave,||
ekaccaṁ puggalaṁ passāmi sakkārena ca asakkārena ca dvayena abhibhūtaṁ pariyādinna-cittaṁ kāyassa bhedā param maraṇā apāyaṁ duggatiṁ vinipātaṁ Nirayaṁ upapannaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

---

 

Idavoca Bhagavā.|| ||

Idaṁ vatvā Sugato athāparaṁ etad avoca Satthā:|| ||

Yassa sakkariyamānassa||
asakkārena cūhayaṁ,||
Samādhi na vikampati||
appamāṇavihārino||
Taṁ jhāyinaṁ sātatikaṁ||
sukhumadiṭṭhivipassakaṁ||
Upādānakkhayārāmaṁ||
āhu sappuriso itī" ti.|| ||

 

---

II. Pāti Vagga Dutiya

---

 

Sutta 11

Paṭhama Su-Vaṇṇapāti Suttaṁ

 

[11][pts][bodh][olds] [233] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Idh'āhaṁ bhikkhave,||
ekaccaṁ puggalaṁ evaṁ cetasā ceto paricca pajānāmi.|| ||

"Na cāyama āyasmā suvaṇṇapātiyāpi rūpiyacuṇṇa- paripūrāya hetu sampajāna musā bhāseyyā" ti.|| ||

Tam enam passāmi aparena samayena lābha-sakkāra-silokena abhibhūtaṁ pariyādinna-cittaṁ sampajānamusā bhāsantaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 12

Rūpiyapāti Suttaṁ

 

[12][pts][bodh][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Idh'āhaṁ bhikkhave,||
ekaccaṁ puggalaṁ evaṁ cetasā ceto paricca pajānāmi||
"na cāyama āyasmā rūpiyapātiyāpi suvaṇṇacuṇṇaparipūrāya hetu sampajānamusā bhāseyyā" ti.|| ||

Tam enam passāmi aparena samayena lābha-sakkāra-silokena abhibhūtaṁ pariyādinna-cittaṁ sampajānamusā bhāsantaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 13

Suvaṇṇa-Nikkha Suttaṁ

 

[13][pts][bodh][olds] Sāvatthiyaṁ — || ||

[234] "Dāruṇo bhikkhave,||
lābha-sakkāra-sīloko kaṭuko||
pharuso antarāyiko anuttarassa||
yoga-k-khemassa adhigamāya.|| ||

Idh'āhaṁ bhikkhave,||
ekaccaṁ puggalaṁ evaṁ cetasā ceto paricca pajānāmi.|| ||

"Na cāyama āyasmā suvaṇṇa-nikkhassā pi hetu||
sampajāna musā bhāseyyā" ti.|| ||

Tam enam passāmi aparena samayena lābha-sakkāra-silokena abhibhūtaṁ pariyādinna-cittaṁ sampajānamusā bhāsantaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 14

Suvaṇṇa-Nikkha-Sata Suttaṁ

 

[14][pts][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Idh'āhaṁ bhikkhave,||
ekaccaṁ puggalaṁ evaṁ cetasā ceto paricca pajānāmi.|| ||

"Na cāyama āyasmā suvaṇṇanikkhasatassāpi hetu||
sampajāna musā bhāseyyā" ti.|| ||

Tam enam passāmi aparena samayena lābha-sakkāra-silokena abhibhūtaṁ pariyādinna-cittaṁ sampajānamusā bhāsantaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 15

Siṅgīnikkha Suttaṁ

 

[15][pts][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Idh'āhaṁ bhikkhave,||
ekaccaṁ puggalaṁ evaṁ cetasā ceto paricca pajānāmi.|| ||

"Na cāyama āyasmā siṅgīnikkhassapi hetu||
sampajāna musā bhāseyyā" ti.|| ||

Tam enam passāmi aparena samayena lābha-sakkāra-silokena abhibhūtaṁ pariyādinna-cittaṁ sampajānamusā bhāsantaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 16

Siṅgīnikkha-Sata Suttaṁ

 

[16][pts][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Idh'āhaṁ bhikkhave,||
ekaccaṁ puggalaṁ evaṁ cetasā ceto paricca pajānāmi.|| ||

"Na cāyama āyasmā siṅgīnikkhasatassāpi hetu||
sampajāna musā bhāseyyā" ti.|| ||

Tam enam passāmi aparena samayena lābha-sakkāra-silokena abhibhūtaṁ pariyādinna-cittaṁ sampajānamusā bhāsantaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 17

Paṭhavi Suttaṁ

 

[17][pts][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Idh'āhaṁ bhikkhave,||
ekaccaṁ puggalaṁ evaṁ cetasā ceto paricca pajānāmi.|| ||

"Na cāyama āyasmā paṭhaviyāpi jāta-rūpaparipūrāya hetu||
sampajāna musā bhāseyyā" ti.|| ||

Tam enam passāmi aparena samayena lābha-sakkāra-silokena abhibhūtaṁ pariyādinna-cittaṁ sampajānamusā bhāsantaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 18

Kiñcikkha Suttaṁ

 

[18][pts][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Idh'āhaṁ bhikkhave,||
ekaccaṁ puggalaṁ evaṁ cetasā ceto paricca pajānāmi.|| ||

"Na cāyama āyasmā āmisakiñcikkha hetu pi||
sampajāna musā bhāseyyā" ti.|| ||

Tam enam passāmi aparena samayena lābha-sakkāra-silokena abhibhūtaṁ pariyādinna-cittaṁ sampajānamusā bhāsantaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 19

Jīvita Suttaṁ

 

[19][pts][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Idh'āhaṁ bhikkhave,||
ekaccaṁ puggalaṁ evaṁ cetasā ceto paricca pajānāmi.|| ||

"Na cāyama āyasmā jīvita hetu pi||
sampajāna musā bhāseyyā" ti.|| ||

Tam enam passāmi aparena samayena lābha-sakkāra-silokena abhibhūtaṁ pariyādinna-cittaṁ sampajānamusā bhāsantaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 20

Janapadakaḷyāṇi Suttaṁ

 

[20][pts][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Idh'āhaṁ bhikkhave,||
ekaccaṁ puggalaṁ evaṁ cetasā ceto paricca pajānāmi.|| ||

"Na cāyama āyasmā jana-padakaḷyāṇiyā pi hetu||
sampajāna musā bhāseyyā" ti.|| ||

Tam enam passāmi aparena samayena lābha-sakkāra-silokena abhibhūtaṁ pariyādinna-cittaṁ sampajānamusā bhāsantaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

---

III. Mātu-gāmavaggo

---

 

Sutta 21

Mātu-gāma Suttaṁ

 

[21][pts][bodh][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

[235] Na tassa bhikkhave,||
mātu-gāmo eko ekassacittaṁ pariyādāya tiṭṭhati,||
yassa lābha-sakkāra siloko cittaṁ pariyādāya tiṭṭhati.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 22

Janapadakalyāṇi Suttaṁ

 

[22][pts][bodh][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Na tassa bhikkhave,||
jana-pada-kalyāṇi ekā ekassacittaṁ pariyādāya tiṭṭhati,||
yassa lābha-sakkāra-siloko cittaṁ pariyādāya tiṭṭhati.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 23

Ekaputta Suttaṁ

 

[23][pts][bodh][olds] Sāvatthiyaṁ -|| ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Saddhā bhikkhave, upāsikā ekaṁ puttaṁ piyaṁ manāpaṁ evaṁ sammā āyācamānā āyāceyya|| ||

"Tādiso tāta, bhavāhi,||
yādiso citto ca gahapati Hatthako ca ā'avako" ti.|| ||

Esā bhikkhave tulā,||
etaṁ pamāṇaṁ,||
mama sāvakānaṁ upāsakānaṁ||
yad idaṁ citto ca gahapati,||
Hatthako ca ā'avako.|| ||

"Sace kho tvaṁ tāta,||
agārasmā anagāriyaṁ pabbajasi,||
"tādiso nāta bhavāhi yādisā Sāriputta-Moggallānā" ti.|| ||

Esā bhikkhave tulā,||
etaṁ pamāṇaṁ,||
sāvakānaṁ bhikkhūnaṁ||
yad idaṁ Sāriputta-Moggallānā.|| ||

"Mā ca kho tvaṁ tāta,||
sekhaṁ appattamānasaṁ lābha-sakkāra-siloko anupāpuṇātu" ti.|| ||

Taṁ ce [236] bhikkhave,||
bhikkhuṁ sekhaṁ appattamānasaṁ lābha-sakkāra-siloko anupāpuṇāti,||
so tassa hoti antarāyāya.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 24

Ekadhītu Suttaṁ

 

[24][pts][bodh][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Saddhā bhikkhave, upāsikā ekaṁ ṭhitikaṁ piyaṁ manāpaṁ evaṁ sammā āyācamānā āyāceyya:|| ||

"Tādisā ayye, bhavāhi,||
yādisā khujjuttarā upāsikā Veḷukaṇṭakiyā ca Nandamātā" ti.|| ||

Esā bhikkhave, tulā,||
etaṁ pamāṇaṁ,||
mama sāvikānaṁ upāsikānaṁ||
yad idaṁ Khujjuttarā ca Upāsikā, Veḷukaṇṭakiyā ca Nandamātā.|| ||

"Sa ce kho tvaṁ ayye,||
agārasmā anagāriyaṁ pabbajasi,||
tādisā ayye, bhavāhi,||
yādisā Khemā ca bhikkhunī Uppalavaṇṇā cā" ti.|| ||

Esā bhikkhave, tulā,||
etaṁ pamāṇaṁ,||
mama sāvikānaṁ bhikkhunīnaṁ||
yad idaṁ Khemā ca bhikkhunī Uppalavaṇṇā ca.|| ||

"Mā ca kho tvaṁ ayye,||
sekhaṁ appattamānasaṁ lābha-sakkāra-siloko anupāpuṇātū" ti.|| ||

Taṁ ce bhikkhave,||
bhikkhuniṁ sekhaṁ appattamānasaṁ lābha-sakkāra-siloko anupāpuṇāti,||
so tassā hoti antarāyāya.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 25

Samaṇa-brāhmaṇa Suttaṁ

 

[25][pts][bodh][olds] Sāvatthiyaṁ — || ||

[237] "Ye hi keci, bhikkhave, samaṇā vā brāhmaṇā vā||
lābha-sakkāra-silokassa assādañ ca||
ādīnavañ ca||
nissaraṇañ ca yathā-bhūtaṁ na pajānanti,||
na me te bhikkhave, samaṇā vā||
brāhmaṇā vā||
samaṇesu vā||
samaṇa-sammatā, brāhmaṇesu vā brāhmaṇa-sammatā.|| ||

Na ca pana te āyasmato sāmaññ'atthaṁ vā||
brahmaññattaṁ vā||
diṭṭhe'va dhamme sayaṁ abhiññā sacchi-katvā upasampajja viharanti.|| ||

Ye ca kho keci bhikkhave, samaṇā vā brāhmaṇā vā||
lābha-sakkāra-silokassa assādañ ca||
ādīnavañ ca||
nissaraṇañ ca yathā-bhūtaṁ pajānanti,||
te ca khome bhikkhave samaṇā vā brāhmaṇā vā samaṇesu vā samaṇa-sammatā,||
brāhmaṇesu vā brāhmaṇa-sammatā.|| ||

Te ca pan'āyasmato sāmaññ'atthañ ca brahmaññ'atthañ ca||
diṭṭhe'va dhamme sayaṁ abhiññā sacchi-katvā upasampajja viharantī" ti.|| ||

 

§

 

Sutta 26

Dutiyasamaṇa-brāhmaṇa Suttaṁ

 

[26][pts][bodh][olds] Sāvatthiyaṁ — || ||

"Ye hi keci, bhikkhave, samaṇā vā brāhmaṇā vā||
lābha-sakkāra-silokassa samudayañ ca||
attha-gamañ ca||
assādañ ca||
ādīnavañ ca||
nissaraṇañ ca yathā-bhūtaṁ na-p-pajānanti,||
na me te bhikkhave, samaṇā vā brahmaṇā vā samaṇesu vā samaṇa-sammatā,||
brāhmaṇesu vā brāhmaṇa-sammatā.|| ||

Na ca pana te āyasmanto sāmaññ'atthañ ca||
brahmaññ'atthañ ca||
diṭṭhe'va dhamme sayaṁ abhiññā sacchi-katvā upasampajja viharanti.|| ||

Ye hi keci, bhikkhave, samaṇā vā brāhmaṇā vā||
lābha-sakkāra-silokassa samudayañ ca||
attha-gamañ ca||
assādañ ca||
ādīnavañ ca||
nissaraṇañ ca yathā-bhūtaṁ pajānanti,||
te ca khome bhikkhave, samaṇā vā brāhmaṇā vā samaṇesu c'eva samaṇa-sammatā,||
brāhmaṇesu ca brāhmaṇa-sammatā.|| ||

Te ca pan'āyasmanto sāmaññ'atthañ ca||
brahmaññ'atthañ ca||
diṭṭhe'va dhamme sayaṁ abhiññā sacchi-katvā upasampajja viharantī" ti.

 

§

 

Sutta 27

Tatiya Samaṇa-Brāhmaṇa Suttaṁ

 

[27][pts][bodh][olds]Sāvatthiyaṁ — || ||

"Ye hi keci, bhikkhave, samaṇā vā brāhmaṇā vā||
lābha-sakkāra-silokaṁ na-p-pajānanti,||
lābha-sakkāra-silokasamudayaṁ na-p-pajānanti,||
lābha-sakkāra-siloka nirodhaṁ na-p-pajānanti,||
lābha-sakkāra-silokanirodha-gāminī-paṭipadaṁ na-p-pajānanti, na me te bhikkhave, samaṇā vā brahmaṇā vā samaṇesu vā samaṇa-sammatā,||
brāhmaṇesu vā brāhmaṇa-sammatā.|| ||

Na ca pana te āyasmanto sāmaññ'atthañ ca||
brahmaññ'atthañ ca||
diṭṭhe'va dhamme sayaṁ abhiññā sacchi-katvā upasampajja viharanti.|| ||

Ye hi keci samaṇā vā brāhmaṇā vā||
lābha-sakkāra-silokañ ca||
lābha-sakkāra-silokasamudayañ ca||
lābha-sakkāra-silokanirodhañ ca||
lābha-sakkāranirodha-gāminī-paṭipadañ ca yathā-bhūtaṁ pajānanti.|| ||

Te ca khome bhikkhave, samaṇā vā brāhmaṇā vā||
samaṇesu c'eva samaṇa-sammatā,||
brāhmaṇesu ca brāhmaṇa-sammatā.|| ||

Te ca pan'āyasmanto sāmaññ'atthañ ca||
brahmaññ'atthañ ca||
diṭṭhe'va dhamme sayaṁ abhiññā sacchi-katvā upasampajja viharantī" ti.

 

§

 

Sutta 28

Chavi Suttaṁ

 

[28][pts][bodh][olds] Sāvatthiyaṁ — || ||

"Dāruṇo bhikkhave, lābha-sakkāra-siloko.|| ||

[238] Lābha-sakkāra-siloko bhikkhave chaviṁ chindati,||
chaviṁ chetvā maṁsaṁ chindati,||
maṁsaṁ chetvā cammaṁ chindati,||
cammaṁ chetvā nahāruṁ chindati,||
nahāruṁ chetvā aṭṭhiṁ chindati,||
aṭṭhiṁ chetvā aṭṭhimiñjaṁ āhacca tiṭṭhati.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 29

Vālarajju Suttaṁ

 

[29][pts][bodh][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko.|| ||

Lābha-sakkāra-siloko bhikkhave, chaviṁ chindati,||
chaviṁ chetvā cammaṁ chindati,||
chammaṁ chetvā maṁsaṁ chindati,||
maṁsaṁ chetvā nahāruṁ chindati,||
nahāruṁ chetvā aṭṭhiṁ chindati,||
aṭṭhiṁ chetvā aṭṭhimiñjaṁ āhacca tiṭṭhati.|| ||

Seyyathā pi, bhikkhave, balavā puriso||
daḷhāya vālarajjuyā jaṅghaṁ veṭhetvā ghaṁseyya,||
sā chaviṁ chindeyya,||
chaviṁ chetvā cammaṁ chindeyya,||
cammaṁ chetvā maṁsaṁ chindeyya,||
maṁsaṁ chetvā nahāruṁ chindeyya,||
nahāruṁ chetvā aṭṭhiṁ chindeyya,||
aṭṭhiṁ chetvā aṭṭhimiñjaṁ āhacca tiṭṭheyya.|| ||

Evam eva kho bhikkhave,||
lābha-sakkāra-siloko chaviṁ chindati,||
chaviṁ chetvā cammaṁ chindati,||
cammaṁ chetvā maṁsaṁ chindati,||
maṁsaṁ chetvā nahāruṁ chindati,||
nahāruṁ chetvā aṭṭhiṁ chindati,||
aṭṭhiṁ chetvā aṭṭhimiñjaṁ āhacca tiṭṭhati.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 30

Khīṇ'āsavabhikkhu Suttaṁ

 

[30][pts][bodh][olds] Sāvatthiyaṁ — || ||

[239] "Yo pi so bhikkhave,||
bhikkhu arahaṁ khīṇ'āsavo,||
tassa pāhaṁ lābha-sakkāra-silokaṁ antarāyāya vadāmī" ti.|| ||

Evaṁ vutte āyasmā Ānando Bhagavantaṁ etad avoca:|| ||

"Kissa pana bhante,||
khīṇ'āsavassa bhikkhuno lābha-sakkāra-siloko antarāyāyā" ti?

"Yā hi'ssa sā Ānanda,||
akuppā ceto vimutti,||
n-ā-haṁ tassā lābha-sakkāra silokaṁ antarāyāya vadāmi.|| ||

Ye ca khvassa Ānanda,||
appamattassa ātāpino pahitattassa viharato diṭṭha-dhamma-sukha-vihāraṁ adhigatā,||
tesāhamassa lābha-sakkāra-silokaṁ antarāyāya vadāmi.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

---

IV. Saṅgha-Bheda Vagga

---

 

Sutta 31

Saṅgha-Bheda Suttaṁ

 

[31][pts][bodh][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

[240] Lābha-sakkāra-silokena abhibhūto pariyādinna-citto bhikkhave,||
Devadatto Saṅghaṁ bhindi.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 32

Kusalamūlasamuccheda Suttaṁ

 

[32][pts][bodh][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Lābha-sakkāra-silokana abhibhūtassa pariyādinna-cittassa bhikkhave,||
Devadattassa kusala-mūlaṁ samucchedam agamā.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 33

Kusaladhammasamuccheda Suttaṁ

 

[33][pts][bodh][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Lābha-sakkāra-silokana abhibhūtassa pariyādinna-cittassa bhikkhave,||
Devadattassa kusalo dhammo samacchedam agamā.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 34

Sukkadhammasamuccheda Suttaṁ

 

[34][pts][bodh][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Lābha-sakkāra-silokana abhibhūtassa pariyādinna-cittassa bhikkhave,||
Devadattassa sukko dhammo samucchedam agamā.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 35

Attavadha Suttaṁ

 

[35][pts][bodh][olds] [241] Ekaṁ samayaṁ Bhagavā Rājagahe viharati Gijjhakūṭe pabbate acira-pakkante devadatte.|| ||

Tatra kho Bhagavā Devadattaṁ ārabbha bhikkhū āmantesi:|| ||

Attavadhāya bhikkhave,||
Devadattassa lābha-sakkāra-siloko udapādi.|| ||

Parābhavāya lābha-sakkāra-siloko udapādi.|| ||

Seyyathā pi, bhikkhave, kadali attavadhāya phalaṁ deti,||
parābhavāya phalaṁ deti,||
evam eva kho, bhikkhave, attavadhāya Devadattassa lābha-sakkāra-siloko udapādi.|| ||

Parābhavāya Devadattassa lābha-sakkāra-siloko udapādi.|| ||

Seyyathā pi, bhikkhave, veḷu attavadhāya phalaṁ deti,||
parābhavāya phalaṁ deti,||
evam eva kho, bhikkhave, attavadhāya Devadattassa lābha-sakkāra-siloko udapādi.|| ||

Parābhavāya Devadattassa lābha-sakkāra-siloko udapādi.|| ||

Seyyathā pi, bhikkhave, naḷo attavadhāya phalaṁ deti,||
parābhavāya phalaṁ deti,||
evam eva kho, bhikkhave, attavadhāya Devadattassa lābha-sakkāra-siloko udapādi.|| ||

Parābhavāya Devadattassa lābha-sakkāra-siloko udapādi.|| ||

Seyyathā pi, bhikkhave, assatarī attavadhāya gabbhaṁ gaṇhāti,||
parābhavāya gabbhaṁ gaṇhāti,||
evam eva kho, bhikkhave, attavadhāya Devadattassa lābha-sakkāra-siloko udapādi.|| ||

Parābhavāya Devadattassa lābha-sakkāra-siloko udapādi.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

---

 

Idam avoca Bhagavā, idaṁ vatvā Sugato athāparaṁ etad avoca Satthā:|| ||

Phalaṁ ve kadaliṁ hanti||
phalaṁ veḷuṁ phalaṁ na'aṁ,||
Sakkāro kāpurisaṁ hanti||
gabbho assatariṁ yathā" ti.

 

§

 

Sutta 36

Pañcarathasata Suttaṁ

 

[36][pts][bodh][olds] Ekaṁ samayaṁ Bhagavā [242] Rājagahe viharati||
Veḷuvane Kalandakanivāpe.|| ||

Tena kho pana samayena Devadattassa Ajātasattu kumāro pañcahi rathasatehi sāyaṁ pātaṁ upaṭṭhānaṁ gacchati.|| ||

Pañca ca thālipākasatāni bhattābhihāro abhiharīyati.|| ||

Atha kho sambahulā bhikkhū yena Bhagavā tenupa-saṅkamiṁsu.|| ||

Upasaṅkamitvā Bhagavantaṁ abhivādetvā eka-m-antaṁ nisīdiṁsu.|| ||

Eka-m-antaṁ nisinnā kho te bhikkhū Bhagavantaṁ etad avocuṁ:|| ||

"Devadattassa bhante, Ajātasattukumāro pañcahi rathasatehi sāyaṁ pātaṁ upaṭṭhānaṁ gacchati.|| ||

Pañca ca thālipākasatāni bhattābhihāro abhiharīyatī" ti.|| ||

Mā bhikkhave, Devadattassa lābha-sakkāra-silokaṁ pihayittha.|| ||

Yāva kīvañ ca bhikkhave,||
Devadattassa Ajātasattukumāro pañcahi rathasatehi sāyaṁ pātaṁ upaṭṭhānaṁ gamissati,||
pañca ca thālipākasatāni bhattābhihāro abhiharīyissati,||
hāni yeva bhikkhave,||
Devadattassa pāṭikaṅkhā kusalesu dhammesu,||
no vuddhi.|| ||

Seyyathā pi, bhikkhave, caṇḍassa kukkurassa nāsāya pittaṁ bhindeyyuṁ,||
evaṁ hi so bhikkhave, kukkuro bhiyyoso-mattāya caṇḍataro assa.|| ||

Evam eva kho bhikkhave, yāva kīvañca Devadattassa Ajātasattukumāro pañcahi rathasatehi sāyaṁ pātaṁ upaṭṭhānaṁ gamissati,||
pañca ca thālipākasatāni bhattābhihāro abhiharīyissati,||
hāni yeva bhikkhave, Devadattassa pāṭikaṅkhā kusalesu dhammesu, no vuddhi.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 37

Mātu Suttaṁ

 

[37][pts][bodh][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

[243] Idh'āhaṁ bhikkhave,||
ekaccaṁ puggalaṁ evaṁ cetasā ceto paricca pajānāmi:|| ||

"Na cāyama āyasmā mātu pi hetu sampajānamusā bhāseyyā" ti.|| ||

Tam enam passāmi aparena samayena lābha-sakkāra-silokena abhibhūtaṁ pariyādinna-cittaṁ sampajānamusā bhāsantaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 38

Pitu Suttaṁ

 

[38][pts][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Idh'āhaṁ bhikkhave,||
ekaccaṁ puggalaṁ evaṁ cetasā ceto paricca pajānāmi:|| ||

'Na cāyama āyasmā pitu pi hetu sampajānamusā bhāseyyā' ti.|| ||

Tam enam passāmi aparena samayena lābha-sakkāra-silokena abhibhūtaṁ pariyādinna-cittaṁ sampajānamusā bhāsantaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 39

Bhātu Suttaṁ

 

[39][pts][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Idh'āhaṁ bhikkhave,||
ekaccaṁ puggalaṁ evaṁ cetasā ceto paricca pajānāmi:

'Na cāyama āyasmā bhātu pi hetu sampajānamusā bhāseyyā' ti.|| ||

Tam enam passāmi aparena samayena lābha-sakkāra-silokena abhibhūtaṁ pariyādinna-cittaṁ sampajānamusā bhāsantaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 40

Bhagini Suttaṁ

 

[40][pts][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Idh'āhaṁ bhikkhave, ekaccaṁ puggalaṁ||
evaṁ cetasā ceto paricca pajānāmi:|| ||

"Na cāyama āyasmā bhaginiyā pi hetu sampajānamusā bhāseyyā" ti.|| ||

Tam enam passāmi aparena samayena lābha-sakkāra-silokena abhibhūtaṁ pariyādinna-cittaṁ sampajānamusā bhāsantaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 41

Putta Suttaṁ

 

[41][pts][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Idh'āhaṁ bhikkhave,||
ekaccaṁ puggalaṁ evaṁ cetasā ceto paricca pajānāmi:|| ||

'Na cāyama āyasmā puttassa pi hetu sampajānamusā bhāseyyā' ti.|| ||

Tam enam passāmi aparena samayena lābha-sakkāra-silokena abhibhūtaṁ pariyādinna-cittaṁ sampajānamusā bhāsantaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 42

Dhītu Suttaṁ

 

[42][pts][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Idh'āhaṁ bhikkhave,||
ekaccaṁ puggalaṁ evaṁ cetasā ceto paricca pajānāmi:|| ||

'Na cāyama āyasmā dhituyā pi hetu sampajānamusā bhāseyyā' ti.|| ||

Tam enam passāmi aparena samayena lābha-sakkāra-silokena abhibhūtaṁ pariyādinna-cittaṁ sampajānamusā bhāsantaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

 

§

 

Sutta 43

Pajāpati Suttaṁ

 

[43][pts][olds] Sāvatthiyaṁ — || ||

"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Idh'āhaṁ bhikkhave,||
ekaccaṁ puggalaṁ evaṁ cetasā ceto paricca pajānāmi:|| ||

'Na cāyama āyasmā pajāpatiyā pi hetu sampajānamusā bhāseyyā' ti.|| ||

Tam enam passāmi aparena samayena lābha-sakkāra-silokena abhibhūtaṁ pariyādinna-cittaṁ sampajānamusā bhāsantaṁ.|| ||

Evaṁ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||

Tasmātiha bhikkhave, evaṁ sikkhitabbaṁ|| ||

'Uppannaṁ lābha-sakkāra-sīlokaṁ pajahissāma.|| ||

Na ca no uppanno lābha-sakkāra-sīloko cittaṁ pariyādāya ṭhassatī' ti.|| ||

Evaṁ hi vo bhikkhave, sikkhitabban" ti.|| ||

Saṅghabheda Vagga Catuttho

Lābha-sakkāra Saṁyuttaṁ Samattaṁ