Saṁyutta Nikāya
3. Khandha Vagga
22. Khandha Saṁyutta
4. Na Tumhāka Vagga

Sutta 33

Paṭhama Na Tumhāka Suttaṁ

 

---

[33]

[1][pts][bodh] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuṁ|| ||

Bhagavā etad avoca:|| ||

"Pabhanguñ ca vo kho bhikkhave, desissāmi||
a-p-pabhaṅguñ ca.|| ||

Taṁ suṇātha||
sādhukaṁ manasi-karotha||
bhāsissamī" ti.|| ||

"Evaṁ bhante" ti kho te bhikkhū Bhagavato paccassosuṁ.|| ||

Bhagavā etad avoca:|| ||

"Yaṁ bhikkhave na tumhākaṁ taṁ pajahatha,||
taṁ vo pahīnaṁ hitāya sukhāya bhavissati.|| ||

Kiñ ca bhikkhave, na tumhākaṁ?|| ||

Rūpaṁ bhikkhave, na tumhākaṁ||
taṁ pajahatha.|| ||

Taṁ vo pahīnaṁ hitāya sukhāya bhavissati.|| ||

Vedanā na tumhakaṁ,||
taṁ pajahatha.|| ||

Taṁ vo pahīnaṁ hitāya sukhāya bhavissati.|| ||

Saññā na tumhakaṁ,||
taṁ pajahatha.|| ||

Taṁ vo pahīnaṁ hitāya sukhāya bhavissati. [34] Saṅkhārā na tumhākaṁ,||
taṁ pajahatha.|| ||

Taṁ vo pahīnaṁ hitāya sukhāya bhavissati.|| ||

Viññāṇaṁ na tumhakaṁ,||
taṁ pajahatha.|| ||

Taṁ vo pahīnaṁ hitāya sukhāya bhavissatī ti.|| ||

Seyyathā pi, bhikkhave, yaṁ imasmiṁ Jetavane||
tiṇa-kaṭṭha-sākhāpalāsaṁ||
taṁ jano hareyya vā||
ḍaheyya vā||
yathā-paccayaṁ vā kareyya,||
api nu tumhākaṁ evam assa?|| ||

Amhe jano harati vā||
ḍahati vā||
yathā-paccayaṁ vā karoti" ti?|| ||

"No h'etaṁ bhante.|| ||

Taṁ kissa hetu?|| ||

Na hi no etaṁ bhante,||
attā vā||
attaniyaṁ vā" ti.|| ||

"Evam eva kho bhikkhave, rūpaṁ na tumbhākaṁ,||
taṁ pajahatha.|| ||

Taṁ vo pahīnaṁ hitāya sukhāya bhavissati.|| ||

Vedanā na tumhākaṁ||
taṁ pajahatha.|| ||

Taṁ vo pahīnaṁ hitāya sukhāya bhavissati.|| ||

Saññā na tumhākaṁ||
taṁ pajahatha.|| ||

Taṁ vo pahīnaṁ hitāya sukhāya bhavissati.|| ||

Saṅkhārā na tumhākaṁ||
taṁ pajahatha.|| ||

Taṁ vo pahīnaṁ hitāya sukhāya bhavissati.|| ||

Viññāṇaṁ na tumhākaṁ||
taṁ pajahatha.|| ||

Taṁ vo pahīnaṁ hitāya sukhāya bhavissatī" ti.