Saṁyutta Nikāya
3. Khandha Vagga
22. Khandha Saṁyutta
11. Anta Vagga

Sutta 104

Dukkha Suttaṁ

 

---

[158]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuṁ|| ||

Bhagavā etad avoca:|| ||

"Dukkhañ ca vo bhikkhave, desissāmi||
dukkha-samudayañ ca,||
dukkha-nirodhañ ca,||
dukkha-nirodha-gāminiñ ca paṭipadaṁ.|| ||

Taṁ sunātha!|| ||

Katamañ ca bhikkhave, dukkhaṁ?|| ||

Pañc'upādāna-k-khandhā tissa vacanīyaṁ.|| ||

Katame pañca?|| ||

Seyyath'īdaṁ:|| ||

Rūp'ūpādāna-k-khandho,||
vedan'ūpādāna-k-khandho,||
saññ'ūpādāna-k-khandho,||
saṅkhār'ūpādāna-k-khandho,||
viññāṇ'ūpādāna-k-khandho.|| ||

Ayaṁ vuccati bhikkhave, dukkhaṁ.|| ||

■

Katamo ca bhikkhave, dukkha-samudayo?|| ||

Yāyaṁ taṇhā pono-bhavikā nandi-rāga-sahagatā tatra-tatr-ā-bhinandinī,||
seyyath'idaṁ:|| ||

Kāma-taṇhā||
bhava-taṇhā||
vibhava-taṇhā.|| ||

Ayaṁ vuccati bhikkhave, dukkha-samudayo.|| ||

■

Katamo ca bhikkhave, dukkha-nirodho?|| ||

Yo tassā yeva taṇhāya asesa-virāga-nirodho cāgo paṭinissaggo mutti anālayo.|| ||

Ayaṁ vuccati bhikkhave, dukkha-nirodho.|| ||

■

[159] Katamo ca bhikkhave, dukkha-nirodha-gāmini-paṭipadā?|| ||

Ayame va Ariyo Aṭṭh'aṅgiko Maggo||
seyyath'īdaṁ:|| ||

Sammā-diṭṭhi||
sammā-saṅkappo||
sammā-vācā||
sammā-kammanto||
sammā-ājīvo||
sammā-vāyāmo||
sammā-sati||
sammā-samādhi.|| ||

Ayaṁ vuccati bhikkhave, dukkha-nirodha-gāmini-paṭipadā" ti.|| ||