Paṭhama Dukkha Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuṁ|| ||

Bhagavā etad avoca:|| ||

"Yaṁ hi bhikkhave dukkhaṁ,||
tatra vo chando pahātabbo.|| ||

Kiñ ca bhikkhave dukkhaṁ?

Rūpaṁ bhikkhave dukkhaṁ,||
tatra vo chando pahātabbo.|| ||

Vedanā dukkhā,||
tatra vo chando pahātabbo.|| ||

Saññā dukkhā,||
tatra vo chando pahātabbo.|| ||

Saṅkhārā dukkhā,||
tatra vo chando pahātabbo.|| ||

Viññāṇaṁ dukkhaṁ,||
tatra vo chando pahātabbo.|| ||

Yaṁ hi bhikkhave dukkhaṁ,||
tatra vo chando pahātabbo" ti.|| ||