Saṁyutta Nikāya
3. Khandha Vagga
27. Kilesa Saṁyutta

Sutta 1

Cakkhu Suttaṁ

 

---

[232]

[1][pts][than] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuṁ|| ||

Bhagavā etad avoca:|| ||

"Yo bhikkhave, cakkhusmiṁ chanda-rāgo,||
cittass'so upakkileso.|| ||

Yo sotasmiṁ chanda-rāgo,||
cittasse'so upakkileso.|| ||

Yo ghānasmiṁ chanda-rāgo,||
cittasse'so upakkileso.|| ||

Yo jivhāya chanda-rāgo,||
cittasse'so upakkileso.|| ||

Yo kāyasmiṁ chanda-rāgo,||
cittasse'so upakkileso.|| ||

Yo manasmiṁ chanda-rāgo,||
cittasse'so upakkileso.|| ||

Yato kho bhikkhave,||
bhikkhuno imesu chasu ṭhānesu cetaso upakkileso pahīno hoti,||
nekkhammaninnaṁ c'assa cittaṁ hoti,||
nekkhamma-paribhāvitaṁ cittaṁ kammanīyaṁ khāyati abhiññā sacchi-karaṇiyesu dhammesū" ti.|| ||