Saṁyutta Nikāya
4. Saḷāyatana Vagga
37. Mātugāma Saṁyutta
3. Tatiya Vagga

Sutta 31

Hetu Suttaṁ

 

---

[248]

[1][pts] Evaṁ me sutaṁ:|| ||

Ekaṁ samayaṁ Bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuṁ.|| ||

3. Bhagavā etad avoca:|| ||

"Pañc'imāni bhikkhave mātu-gāmassa balāni.|| ||

Katamāni pañca?|| ||

Rūpa-balaṁ,||
bhoga-balaṁ,||
ñāti-balaṁ,||
putta-balaṁ,||
sīla-balaṁ.|| ||

 

---

 

Na bhikkhave mātu-gāmo||
rūpa-bala-hetu vā||
bhoga-bala-hetu vā||
ñāti-bala-hetu vā||
putta-bala-hetu vā||
kāyassa bhedā parammaraṇā||
sugatiṁ saggaṁ lokaṁ uppajjati.|| ||

Sīla-bala-hetu kho bhikkhave mātu-gāmo||
kāyassa bhedā param maraṇā||
sugatiṁ saggaṁ lokaṁ uppajjati.|| ||

Imāni kho bhikkhave pañca mātu-gāmassa balānī" ti.|| ||