Dutiya Sāmañña Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][bodh][olds] Evam me sutaṁ:|| ||

Ekaṁ samayam Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuṁ.|| ||

Bhagavā etad avoca:|| ||

"Sāmaññañ ca vo bhikkhave, desissāmi||
sāmaññ'atthañ ca.|| ||

Taṁ suṇātha.|| ||

Katamañ ca bhikkhave, sāmaññaṁ?|| ||

Ayam eva Ariyo Aṭṭhaṅgiko Maggo.|| ||

Seyyath'īdaṁ:|| ||

Sammā-diṭṭhi,||
samā-saṅkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi.|| ||

Idaṁ vuccati bhikkhave, sāmaññaṁ.|| ||

Katamāni ca bhikkhave, sāmaññattho?|| ||

Rāga-k-khayo,||
dosa-k-khayo,||
moha-k-khayo.|| ||

Imāni vuccanti bhikkhave, sāmaññattho" ti.|| ||