Nīvaraṇa Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][bodh] Evam me sutaṁ:|| ||

Ekaṁ samayam Bhagavā Sāvatthiyaṁ viharati Jetavane Anāthapindikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Pañc'ime bhikkhave, nīvaraṇā andha-karaṇā acakkhu-karaṇā aññāṇa-karaṇā paññā-nirodhiyā vighāta-pakkhiyā anibbāna-saṁvaṭṭanikā.|| ||

Katame pañca?|| ||

Kāma-c-chanda-nīvaraṇaṁ bhikkhave, andha-karaṇaṁ acakkhu-karaṇaṁ aññāṇa-karaṇaṁ paññā-nirodhiyaṁ vighāta-pakkhiyaṁ anibbāna-saṁvaṭṭanikaṁ.|| ||

Vyāpāda-nīvaraṇaṁ bhikkhave, andha-karaṇaṁ acakkhu-karaṇaṁ aññāṇa-karaṇaṁ paññā-nirodhiyaṁ vighāta-pakkhiyaṁ anibbāna-saṁvaṭṭanikaṁ.|| ||

Thīna-middha-nīvaraṇaṁ bhikkhave, andha-karaṇaṁ acakkhu-karaṇaṁ aññāṇa-karaṇaṁ paññā-nirodhiyaṁ vighāta-pakkhiyaṁ anibbāna-saṁvaṭṭanikaṁ.|| ||

Uddhacca-kukkucca-nīvaraṇaṁ bhikkhave, andha-karaṇaṁ acakkhu-karaṇaṁ aññāṇa-karaṇaṁ paññā-nirodhiyaṁ vighāta-pakkhiyaṁ anibbāna-saṁvaṭṭanikaṁ.|| ||

Vicikicchā-nīvaraṇaṁ bhikkhave, andha-karaṇaṁ acakkhu-karaṇaṁ aññāṇa-karaṇaṁ paññā-nirodhiyaṁ vighāta-pakkhiyaṁ anibbāna-saṁvaṭṭanikaṁ.|| ||

Ime kho bhikkhave, pañca-nīvaraṇā andha-karaṇā acakkhu-karaṇā aññāṇa-karaṇā paññanirodhiyā vighāta-pakkhiyā anibbāna-saṁvaṭṭanikā.|| ||

■

Satt'ime bhikkhave, bojjh'aṅgā cakkhu-karaṇā ñāṇa-karaṇā paññā-vuddhiyā avighāta-pakkhiyā Nibbāna-saṁvaṭṭanikā.|| ||

Katame satta?|| ||

Sati-sambojjh'aṅgo bhikkhave, cakkhu-karaṇo ñāṇa-karaṇo pañña-vuddhiyo avighāta-pakkhiyo Nibbāna-saṁvaṭṭaniko.|| ||

Dhamma-vicaya-sambojjh'aṅgo bhikkhave, cakkhu-karaṇo ñāṇa-karaṇo pañña-vuddhiyo avighāta-pakkhiyo Nibbāna-saṁvaṭṭaniko.|| ||

Viriya-sambojjh'aṅgo bhikkhave, cakkhu-karaṇo ñāṇa-karaṇo pañña-vuddhiyo avighāta-pakkhiyo Nibbāna-saṁvaṭṭaniko.|| ||

Pīti-sambojjh'aṅgo bhikkhave, cakkhu-karaṇo ñāṇa-karaṇo pañña-vuddhiyo avighāta-pakkhiyo Nibbāna-saṁvaṭṭaniko.|| ||

Passaddhi-sambojjh'aṅgo bhikkhave, cakkhu-karaṇo ñāṇa-karaṇo pañña-vuddhiyo avighāta-pakkhiyo Nibbāna-saṁvaṭṭaniko.|| ||

Samādhi-sambojjh'aṅgo bhikkhave, cakkhu-karaṇo ñāṇa-karaṇo pañña-vuddhiyo avighāta-pakkhiyo Nibbāna-saṁvaṭṭaniko.|| ||

Upekhā-sambojjh'aṅgo bhikkhave, cakkhu-karaṇo ñāṇa-karaṇo pañña-vuddhiyo avighāta-pakkhiyo Nibbāna-saṁvaṭṭaniko.|| ||

Ime kho [98] bhikkhave, satta-bojjh'aṅgā cakkhu-karaṇā ñāṇa-karaṇā paññā-vuddhiyā avighāta-pakkhiyā Nibbāna-saṁvaṭṭatikā" ti.|| ||

Nīvaraṇa Vagga Catuttha