Saṁyutta Nikāya
5. Mahā-Vagga
52. Anuruddha Saṁyutta
1. Raho-Gata Vagga

Sutta 9

Sabba or Ambapāla Suttaṁ

 

---

[301]

[1][pts][than] Evam me sutaṁ:|| ||

Ekaṁ samayaṁ āyasmā ca Anuruddho,||
āyasmā ca Sāriputto||
Vesāliyaṁ viharanti||
Ambapālivane.|| ||

Atha kho āyasmā Sāriputto||
sāyaṇha-samayaṁ paṭisallāṇā vuṭṭhito||
yen'āyasmā Anuruddho ten'upasaṅkami.|| ||

Upasaṅkamitvā āyasmatā anuruddhena saddhiṁ sammodi.|| ||

Sammodanīyaṁ kathaṁ sārāṇīyaṁ vīti-sāretvā eka-m-antaṁ nisīdi.|| ||

Eka-m-antaṁ nisinno kho||
āyasmā Sāriputto āyasmantaṁ Anuruddhaṁ etad avoca:|| ||

"Vi-p-pasannāni kho te āvuso Anuruddha indriyāni,||
parisuddho mukha-vaṇṇo pariyodāto.|| ||

Katamen'āyasmā Anuruddho vihārena||
etarahi bahulaṁ viharatī" ti?|| ||

■

"Catusu khv'āhaṁ āvuso sati-paṭṭhānesu s'ūpatthika-citto||
etarahi bahulaṁ viharāmi.|| ||

Katamesu catusu?|| ||

Idh'āhaṁ āvuso kāye kāy'ānupassī viharāmi,||
ātāpī sampajāno satimā||
vineyya loke abhijjhā domanassaṇ,|| ||

Vedanāsu vedan'ānupassī viharāmi,||
ātāpī sampajāno satimā||
vineyya loke abhijjhā domanassaṁ.|| ||

Citte citt'ānupassī viharāmi,||
ātāpī sampajāno satimā||
vineyya loke abhijjhā domanassaṁ.|| ||

Dhammesu Dhamm'ānupassī viharāmi,||
ātāpī [302]sampajāno satimā||
vineyya loke abhijjhā-domanassaṁ.|| ||

Imesu khv'āhaṁ āvuso catusu sati-paṭṭhānesu s'ūpatthika-citto||
etarahi bahulaṁ viharāmi.|| ||

Yo so āvuso bhikkhu arahaṁ||
khīṇ'āsavo||
vusitavā||
kata-karaṇīyo||
ohita-bhāro||
anuppattasadattho||
pari-k-khīṇa-bhava-saṁyojano||
samma-d-aññā-vimutto,||
so imesu catusu sati-paṭṭhānesu s'ūpatthika-citto||
bahulaṁ viharatī" ti.|| ||

"Lābhā vata no āvuso,||
su-laddhaṁ vata no āvuso,||
ye mayaṁ āyasmato Anuruddhassa||
sammukhāva assumha āsabhiṁ vācaṁ bhāsa-mānassā" ti.