Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Chakka-Nipata
II: Sārāṇīya-Vagga

Sutta 17

Kusala Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho Bhagavā sāyaṇhasamayaɱ patisallānā vuṭṭhito yenupaṭṭhānasālā ten'upasaŋkami.|| ||

Upasaŋkamitvā paññatte āsane nisīdi.|| ||

Āyasmā pi kho Sāriputto sāyaṇhasamayaɱ patisallānā vuṭṭhito yenupaṭṭhānasālā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Āyasmā pi kho Mahā Moggallāno sāyaṇhasamayaɱ patisallānā vuṭṭhito yenupaṭṭhānasālā ten'upasaŋkami.|| ||

Upasaɱkamitvā Bhagavantaɱ [299] abhivādetvā eka-m-antaɱ nisīdī.|| ||

Āyasmā pi kho mahākaccāyano sayanhasamayaɱ patisallānā vuṭṭhito yenupaṭṭhānasālā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdī.|| ||

Āyasmā pi kho Mahākoṭṭhito sāyaṇhasamayaɱ patisallānā vuṭṭhito yenupaṭṭhānasālā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisidi.|| ||

Āyasmā pi kho Mahā Cundo sāyaṇhasamayaɱ patisallānā vuṭṭhito yenupaṭṭhānasālā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdī.|| ||

Āyasmā pi kho mahākappino sāyaṇhasamayaɱ patisallānā vuṭṭhito yenupaṭṭhānasālā ten'upasaŋkami upasaŋkamitvā Bhagavantaɱ abhivādetvā eka-m-antaɱ nisīdi.|| ||

Āyasmā pi kho Anuruddho sāyaṇhasamayaɱ patisallānā vuṭṭhito yenupaṭṭhānasālā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdī.|| ||

Āyasmāpi kho revato sāyaṇhasamayaɱ patisallānā vuṭṭhito yenupaṭṭhānasālā ten'upasaŋkamī.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Āyasmāpi kho Ānando sāyaṇhasamayaɱ patisallānā vuṭṭhito yenupaṭṭhānasālā ten'upasaŋkami.|| ||

Upasaɱkamitvā Bhagavantaɱ abhivādetvā eka-m-antaɱ nisīdī.|| ||

Atha kho Bhagavā bahudeva rattiɱ nisajjāya vītināmetvā uṭṭhāy āsanā vihāraɱ pāvisi.|| ||

Te pi kho āyasmanto acirapakkantassa Bhagavato uṭṭhāy āsanā yathāvihāraɱ agamaɱsu.|| ||

Ye pana tattha bhikkhū navā acirapabbajitā ādhunāgatā imaɱ dhamma-vinayaɱ, te yāva suriyuggamanā kākacchamānā supiɱsu.|| ||

Addasā kho Bhagavā dibbena cakkhunā visuddhena atikkantamānusakena te bhikkhū yāva suriyuggamanā kākacchamāne supante.|| ||

Disvā yenupaṭṭhānasālā ten'upasaŋkamī.|| ||

Upasaŋkamitvā paññatte āsane nisīdi.|| ||

Nisajja kho Bhagavā te bhikkhū āmantesi:|| ||

"Kahaɱ nu kho bhikkhave Sāriputto,||
kahaɱ Mahā Moggallāno,||
kahaɱ Mahā Kassapo,||
kahaɱ Mahā Kaccāyano,||
kahaɱ Mahā Koṭṭhito,||
kahaɱ Mahā Cundo,||
kahaɱ Mahā Kappino,||
kahaɱ Anuruddho,||
kahaɱ Revato,||
kahaɱ Ānando,||
kahaɱ nu kho te bhikkhave therā sāvakā gatā" ti?|| ||

Te pi kho bhante āyasmanto acirapakkantassa Bhagavato uṭṭhāy āsanā yathāvihāraɱ agamaɱsūti.|| ||

Kena no tumhe hikkhave therā bhikkhū gatā, ti navā yāva suriyassuggamanā kākacchamānā supatha.|| ||

 


 

Taɱ kiɱ maññatha bhikkhave api nu tumhehi diṭṭhaɱ vā sutaɱ vā:|| ||

'Rājā khattiyo muddhāvasitto yāvadatthaɱ [300] seyyasukhaɱ phassasukhaɱ middhasukhaɱ anuyutto viharanto yāvajīvaɱ rajjaɱ kārento janapadassa vā piyo manāpo' ti?|| ||

"No h'etaɱ bhante".|| ||

"Sādhu bhikkhave, mayā pi kho etaɱ bhikkhave n'eva diṭṭhaɱ na sutaɱ:|| ||

'Rājā khattiyo muddhāvasitto yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajivaɱ rajjaɱ kārento janapadassa vā piyo manāpo' ti.|| ||

Taɱ kiɱ maññatha bhikkhave api nu tumhehi diṭṭhaɱ vā sutaɱ vā:|| ||

'Raṭṭhiko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajivaɱ raṭṭhaɱ kārento piyo manāpo' ti?|| ||

No h'etaɱ bhante.|| ||

Sādhu bhikkhave, mayā pi kho etaɱ bhikkhave n'eva diṭṭhaɱ na sutaɱ vā:|| ||

'Raṭṭhiko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajīvaɱ raṭṭhkattaɱ kārento raṭṭhakassa vā piyo manāpo' ti?|| ||

Taɱ kiɱ maññatha bhikkhave api nu tumhehi diṭṭhaɱ vā sutaɱ vā:|| ||

'Pettaniko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajivaɱ pettanikaɱ kārento piyo manāpo' ti?|| ||

No h'etaɱ bhante.|| ||

Sādhu bhikkhave, mayā pi kho etaɱ bhikkhave n'eva diṭṭhaɱ na sutaɱ vā:|| ||

'Pettaniko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajīvaɱ pettanikattaɱ kārento pettanikassa vā piyo manāpo' ti?|| ||

Taɱ kiɱ maññatha bhikkhave api nu tumhehi diṭṭhaɱ vā sutaɱ vā:|| ||

'Senāya yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajivaɱ senāpatikattaɱ kārento senāpatikassa piyo manāpo' ti?|| ||

No h'etaɱ bhante.|| ||

Sādhu bhikkhave, mayā pi kho etaɱ bhikkhave n'eva diṭṭhaɱ na sutaɱ vā:|| ||

'Senāya yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajīvaɱ snopatikattaɱ kārento senāpatikassa vā piyo manāpo' ti?|| ||

Taɱ kiɱ maññatha bhikkhave api nu tumhehi diṭṭhaɱ vā sutaɱ vā:|| ||

'Senāpatiko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajivaɱ senāpatikattaɱ kārento senāpatikassa piyo manāpo' ti?|| ||

No h'etaɱ bhante.|| ||

Sādhu bhikkhave, mayā pi kho etaɱ bhikkhave n'eva diṭṭhaɱ na sutaɱ vā:|| ||

'Senāpatiko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajīvaɱ snopatikattaɱ kārento senāpatikassa vā piyo manāpo' ti?|| ||

Taɱ kiɱ maññatha bhikkhave api nu tumhehi diṭṭhaɱ vā sutaɱ vā:|| ||

'Gāmagāmaṇiko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajivaɱ gāmagāmaṇikattaɱ kārento gāmagāmaṇikassa vā piyo manāpo' ti?|| ||

No h'etaɱ bhante.|| ||

Sādhu bhikkhave, mayā pi kho etaɱ bhikkhave n'eva diṭṭhaɱ na sutaɱ vā:|| ||

'Gāmagāmaṇiko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajīvaɱ gāmagāmanikattaɱ kārento gāmagāmanikassa vā piyo manāpo' ti?|| ||

Taɱ kiɱ maññatha bhikkhave api nu tumhehi diṭṭhaɱ vā sutaɱ vā:|| ||

'Pūgagāmaṇiko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajivaɱ pūgagāmaṇikattaɱ kārento pūgassa vā piyo manāpo' ti?|| ||

No h'etaɱ bhante.|| ||

Sādhu bhikkhave, mayā pi kho etaɱ bhikkhave n'eva diṭṭhaɱ na sutaɱ vā:|| ||

'Pugagāmaṇiko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajīvaɱ pugagāmaṇikattaɱ kārento pūgassa vā piyo manāpo" ti.|| ||

Taɱ kiɱ maññatha bhikkhave api nu tumhehi diṭṭhaɱ vā sutaɱ vā:|| ||

'Samaṇo vā brāhmaṇo vā yāvadatthaɱ seyyasukhaɱ phassasukhaɱ middhasukhaɱ anuyutto indriyesu aguttadvāro bhojane amattaññu jāgariyaɱ ananuyutto avipassako kusalānaɱ dhammānaɱ pubbarattāpararattaɱ bodhapakkhiyānaɱ dhammānaɱ bhāvanānuyogaɱ ananuyutto āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe va dhamme sayaɱ abhiññā sacchikatvā upasampajja viharanto' ti?|| ||

No h'etaɱ bhante.|| ||

Sādhu bhikkhave, mayā pi kho etaɱ bhikkhave n'eva diṭṭhaɱ na [301] sutaɱ|| ||

"Samaṇo vā brāhmaṇo vā yāvadatthaɱ seyyasukhaɱ phassasukhaɱ middhasukhaɱ anuyutto indriyesu aguttadvāro bhojane amattaññū jāgariyaɱ ananuyutto avipassako kusalānaɱ dhammānaɱ pubbarattāpararattaɱ bodhapakkhiyānaɱ1 dhammānaɱ bhāvanānuyogaɱ ananuyutto āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe va dhamme sayaɱ abhiññā sacchikatvā upasampajja viharanto' ti.|| ||

Tasmā ti ha bhikkhave evaɱ sikkhitabbaɱ:|| ||

"Indriyesu guttadvārā bhavissāma bhojane mattaññuno jāgariyaɱ anuyuttā vipassakā kusalānaɱ dhammānaɱ pubbarattāpararattaɱ bodhapakkhiyānaɱ1 dhammānaɱ bhāvanānuyogaɱ anuyuttā viharissāmā" ti.|| ||

Evaɱ hi vo bhikkhave sikkhitabban" ti.|| ||

 


Contact:
E-mail
Copyright Statement   Webmaster's Page