Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Sattaka Nipāta

Sutta 64

Dhammaññū Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts][ati] EVAṂ ME SUTAṂ.|| ||

Sāvatthinidānaɱ|| ||

Sattahi bhikkave, dhammehi samannāgato bhikkhu āhuneyyo hoti pāhuneyyo hoti dakkhineyyo hoti aɱjalikaraneyyo hoti anuttaraɱ puññakkhettaɱ lokassa.|| ||

Katamehi sattahi?|| ||

Idha, bhikkhave, bhikkhu dhammaññū ca hoti atthaññu ca attaññu ca mattaññu ca kālaññū caparisaññū ca puggalaparovaraññū ca.|| ||

2. Kathañ ca bhikkhave bhikkhū dhammaññū hoti?|| ||

Idha, bhikkhave,, bhikkhū dhammaɱ jānāti suttaɱ geyyaɱ veyyākaraṇaɱ gāthaɱ udānaɱ itivuttakaɱ jātakaɱ abbhūtadhammaɱ vedallaɱ.|| ||

No ve bhikkhave, bhikkhū dhammaɱ jāneyya suttaɱ geyyaɱ veyyākaraṇaɱ gāthaɱ udānaɱ itivuttakaɱ jātakaɱ abbhūdhammaɱ vedallaɱ nayidha dhammaññuti vucceyya.|| ||

Yasmā ca kho bhikkhave, bhikkhū dhammaɱ jānāti suttaɱ geyyaɱ veyyākaraṇaɱ gāthaɱ udānaɱ itivuttakaɱ jātakaɱ abbhūtadhammaɱ vedallaɱ,||
no ce bhikkhave,||
bhikkhu dhathammaɱ jāneyyati suttaɱ geyya veyākaraṇaɱ gātaɱ udānaɱ itivuttakaɱ jātakaɱ abbhūtadhammaɱ vedallaɱ nayidha dhammaññuti vucceyya.|| ||

Yasmā ca kho bhikkhave, bhikkhū dhammaɱ jānāti suttaɱ geyyaɱ abbhūtadhammaɱ vedallaɱ,||
tasmā bhikkhū dhammaññuti vuccati.|| ||

Iti dhammaññū.|| ||

3. Atthaññu ca kathaɱ hoti?|| ||

Idha bhikakhave, bhikkhū tassa tass'eva bhāsitassa attaɱ jānāti "ayaɱ imassa bhāsitassa attho,||
ayaɱ imassa bhāsitassa attho" ti.|| ||

No ce bhikkhave, bhikkhū tassa tass'eva bhāsitassa atthaɱ jāneyya||
"ayaɱ imassa bhāsitassa attho,||
ayaɱimassa bhāsitassa atthoti"||
nayidha atthaññūti vucceyya.|| ||

Yasmā ca kho bhikkhave, bhikkhū tassa tass'eva bhāsitassa atthaɱ jānāti||
"ayaɱ imassa bhāsitassa attho,||
ayaɱ imassa bhāsitassa attho" ti.|| ||

Tasmā atthaññūti vuccati.|| ||

Iti dhammaññū atthaññū.|| ||

4. Attaññu ca kathaɱ hoti?|| ||

Idha, bhikkhave,, bhikkhū attānaɱ jānāti ettakho'mhi saddhā ya sīlena sutena cāgena paññāya paṭibhānenāti.|| ||

No ce bhikkhave, bhikkhū attānaɱ jā neyya ettakho'mhi saddhāya sīlena sutena cāgena paññāya paṭibhānenāti,||
nayidha attaññūta vucceyya.|| ||

Yasmā ca kho bhikkhave, bhikkhū attānaɱ jānāti ettakomhī saddhāya sīlena sutena cāgena paññāya paṭibhānenāti.|| ||

Tasmā attaññūti vuccati.|| ||

Iti dhammaññū atthaññū a ttaññū.|| ||

5. Mattaññū ca kataɱ hoti?|| ||

Idha, bhikkhave,, bhikkhū mattaɱ jānāti cīvarapiṇḍapātasenāsa nagilānapaccayabhesajjapakkhārānaɱ paṭiggahaṇāya.|| ||

No ce bhikakhave, bhikkhū mattaɱ jāneyya cīvarapiṇḍātasenāsanagilānapaccayabhesajjaparikkhārānaɱ paṭiggahaṇāya.|| ||

Nayidha mattaññūti vucce yya.|| ||

Yasmā ca kho bhikkhave, bhikkhū mattaɱ jānāti cīvarapiṇḍapātasenāsanagilānapaccayabhe sajjaparikkhārānaɱ paṭiggahaṇāya,||
tasmā mattaññūti vuccati.|| ||

Iti dhammaññū atthaññū, attaññū mattaññū.|| ||

6. Kālaññū ca kathaɱ hoti?|| ||

Idha, bhikkhave,, bhikkhū kālaɱ jānāti:||
ayaɱ kālo udde sassa,||
ayaɱ kālo paripucchāyā,||
ayaɱ kālo yogassa,||
ayaɱ kālo paṭisalalānāyā ti.|| ||

No ce bhikkhave, bhikkhū kālaɱ jāneyya,||
ayaɱ kālo uddesassa,||
ayaɱ kālo paripucchāya,||
ayaɱ kālo yogassa,||
ayaɱ kālo paṭisallānāyāti1 nayidha kālaññūti vucceyya.|| ||

Yasmā ca kho bhikkhave, bhikkhu kālaɱ jānāti: ayaɱ kālo uddesassa,||
ayaɱ kālo paripucchāya,||
ayaɱ kālo yogassa,||
ayaɱ kālo paṭisallānāyā,||
ti tasmā kālaññuti vuccati.|| ||

Iti dhammaññu atthaññu attaññū mattaññu kālaññū.|| ||

7. Parisaññū ca kathaɱ hoti.|| ||

Idha, bhikkhave, bhikkhū parisaɱ jānāti:||
ayaɱ khattiya parisā,||
ayaɱ brāhmaṇa parisā,||
ayaɱ gahapatiparisā,||
ayaɱ samaṇaparisā,||
tattha evaɱ upasaŋkamitabbaɱ,||
evaɱ ṭhātabbaɱ,||
evaɱ kattabbaɱ,||
evaɱ nisīditabbaɱ,||
evaɱ bhāsitabbaɱ,||
evaɱ tuṇhībhavitabbanti.|| ||

No ve bhikkhave, bhikkhū parisaɱ jāneyya: ayaɱ khattiyaparisā,||
ayaɱ brahmaṇaparisā,||
ayaɱ gahapati parisā,||
ayaɱ samaṇaparisā,||
tattha evaɱ upasaŋkamitabbaɱ,||
evaɱ ṭhātabbaɱ,||
evaɱ kattabbaɱ,||
evaɱ nisīditabbaɱ,||
evaɱ bhāsitabbaɱ,||
evaɱ tuṇhībhavitabbanti.|| ||

Nayidha parisaññūti vucceyya.|| ||

Yasmā ca kho bhikkhave, bhikkhu parisa jānāti: ayaɱ khattiya parisā,||
ayaɱ brāhmaṇaparisā ayaɱ gahapatiparisā,||
ayaɱ samaṇaparisā,||
tattha evaɱ upasaŋkamitabbaɱ,||
evaɱ ṭhātabbaɱevaɱ kattabbaɱ,||
evaɱ nisīditabbaɱ,||
evaɱ bhāsitabbaɱ,||
evaɱ tuṇhībhavitabbanti.|| ||

Tasmā parisañuñūti cuccati.|| ||

Iti dhammaññū atthaññū attaññū mattaññū kālaññū parisaññū.|| ||

8. Puggalaparovaraññū ca kataɱ hoti?|| ||

Idha, bhikkhave,, bhikkhuno dvayena puggalā viditā honti.|| ||

Dve puggalā eko ariyānaɱ dassanakāmo,||
eko ariyānaɱ na dassanakāmo.|| ||

Yvāyaɱ puggalo ariyānaɱ na dassanakāmo evaɱ so tenaŋgena gārayho.|| ||

Yvāyaɱ puggalo ariyānaɱ dassanakāmo evaɱ so tenaŋgena pāsaɱso.|| ||

Dve puggalā ariyānaɱ dassanakāmā:||
eko saddhammaɱ sotukāmo,||
eko saddhammaɱ na sotukāmo.|| ||

Yvāyaɱ puggalo saddhammaɱ na sotukāmo,||
evaɱ so tenaŋgena gārayho.|| ||

Yvāyā puggalo saddhammaɱ sotukāmo,||
evaɱ so tenaŋgena pāsaɱso.|| ||

Dve puggalā saddhammaɱ sotukāmā:||
eko ohitasotā dhammaɱ suṇāti,||
eko anohitasoto dhammaɱ suṇāti.|| ||

Yvāyaɱ puggalo anohitasoto dhammaɱ suṇāti,||
evaɱ so tenaŋgena gārayho,||
yvāyaɱ puggalo ohitasoto dhammaɱ suṇāti,||
evaɱ so tenaŋgena pāsaɱso.|| ||

Dve puggalā ohitasotā dhammaɱ suṇanti:||
eko sutvā dhammaɱ dhāreti,||
eko sutvā dhammaɱ na dhāreti.|| ||

Yvāyaɱ puggalo sutvā dhammaɱ na dhāreti,||
evaɱ so tenaŋgena gārayho,||
yvāyaɱ puggalo sutvā dhammaɱ dhāreti,||
evaɱ so tenaŋgena pāsaɱso.|| ||

Dve puggalā sutvā dhammā dhārenti:||
eko dhatānaɱ dhammānaɱ atthaɱ upaparikkhati,||
eko dhatānaɱ dhammānaɱ atthaɱ na upaparikkhati.|| ||

Yvāyaɱ puggalo dhatānaɱ dhammānaɱɱ atthaɱ na upaparikkhati,||
evaɱ so tenaŋgena gārayho.|| ||

Yvāyaɱ puggalo dhatānaɱ dha mānaɱ atthaɱ upaparikkhati,||
evaɱ so tenaŋgena pāsaɱso.|| ||

Dve puggalā dhatānaɱ dhammān atthaɱ upaparikkhanti:||
eko attham aññāya dhammam aññāya dhammānudhammapaṭipanno,||
eko na attham aññāya dhammam aññāya dhammānudhammapaṭipanno.|| ||

Yvāyaɱ puggalo na attham aññāya dhammam aññāya dhammānudhammapaṭipanno,||
evaɱ so tenaŋgena1 gārayho.|| ||

Yvāyaɱ puggalo attham aññāya dhammaññāya dhammānudhammapaṭipanno,||
evaɱ so tenaŋgena1 pāsaɱso.|| ||

Dve puggalā attham aññāya dhammam aññāya dhammānudhammapaṭipannā.|| ||

Eko attahitāya paṭipanne no parahitāya.|| ||

Eko attahitāya ca paṭipanno parahitāya ca.|| ||

Yvāyaɱ puggalo attahitāya paṭipanno no parahitāya,||
evaɱ so tenaŋgena gārayho yvāyaɱ puggalo.|| ||

Yvāyaɱ puggalo attahitāya ca paṭipanno parahitāya ca,||
evaɱ so tenaŋgena1 pāsaɱso.|| ||

Evaɱ kho bhikkhave, bhikkhuno dvayena puggalā viditā honti.|| ||

Evaɱ kho bhikkhave bhikkhū puggalaparovaraññū hoti.|| ||

Imehi kho bhikkhave sattahi saddhammehi samannāgato bhikkhū āhuneyyo hoti pāhunoyyo hoti dakkhineyyo hoti aɱjalikaraneyyo hoti anuttaraɱ puññakkhettaɱ lokassā ti.|| ||

 


Contact:
E-mail
Copyright Statement   Webmaster's Page