Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
X. Dasaka-Nipāta
I. Ānisaɱsa Vagga

Sutta 7

Dutiya Samādhi Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[8]

[1][pts][than][bodh][olds] Evaɱ me sutaɱ:|| ||

Ekaɱ samayaɱ Bhagavā Sāvatthīyaɱ viharati.|| ||

Atha kho āyasmā Ānando yen'āyasmā Sāriputto ten'upasaŋkami.|| ||

Upasaɱkamitvā āyasmatā Sāriputtena saddhiɱ samimodi.|| ||

Samimodaniyaɱ kathaɱ sārāṇiyaɱ vīti-sāretvā eka-m-antaɱ nisīdi.|| ||

Eka-m-antaɱ nisinno kho āyasmā Ānando āyasmantaɱ Sāriputtaɱ etad avoca:|| ||

[2] "Siyā nu kho āvuso Sāriputta bhikkhuno
tathā-rūpo samādhi-paṭilābho||
yathā n'eva paṭhaviyaɱ paṭhavi-saññī assa,||
na āpasmiɱ āpo-saññī assa,||
na tejasmiɱ tejo-saññī assa,||
na vāyasmiɱ vāyo-saññī assa,||
na Ākāsānañ-c'āyatane Ākāsanañ-c'āyatana-saññī assa,||
na Viññāṇañ-c'āyatane Viññāṇañ-c'āyatana-saññī assa,||
na Ākiñ caññ'āyatane Ākiñ caññ'āyatana-saññī assa,||
na N'eva-saññā-nāsaññāyatane N'eva-saññā-nā-saññ'āyatana- [9] saññī assa,||
na idha-loke idha-loka-saññī assa,||
na para-loke para-loka-saññī assa,||
saññī ca pana assā" ti?|| ||

[3] "Siyā āvuso Ānanda bhikkhuno tathā-rūpo samādhi-paṭilābho||
yathā n'eva paṭhaviyaɱ paṭhavi-saññī assa,||
na āpasmiɱ āpo-saññī assa,||
na tejasmiɱ tejo-saññī assa,||
na vāyasmiɱ vāyo-saññī assa,||
na Ākāsānañ-c'āyatane Ākāsanañ-c'āyatana-saññī assa,||
na Viññāṇañ-c'āyatane Viññāṇañ-c'āyatana-saññī assa,||
na Ākiñ caññ'āyatane Ākiñ caññ'āyatana-saññī assa,||
na N'eva-saññā-nāsaññāyatane N'eva-saññā-nā-saññ'āyatana-saññī assa,||
na idha-loke idha-loka-saññī assa,||
na para-loke para-loka-saññī assa,||
saññī ca pana assā" ti.|| ||

[4] "Yathā kathaɱ pan'āvuso Sāriputta siyā bhikkhuno tathā-rūpo samādhi-paṭilābho||
yathā n'eva paṭhaviyaɱ paṭhavi-saññī assa,||
na āpasmiɱ āpo-saññī assa,||
na tejasmiɱ tejo-saññī assa,||
na vāyasmiɱ vāyo-saññī assa,||
na Ākāsānañ-c'āyatane Ākāsanañ-c'āyatana-saññī assa,||
na Viññāṇañ-c'āyatane Viññāṇañ-c'āyatana-saññī assa,||
na Ākiñ caññ'āyatane Ākiñ caññ'āyatana-saññī assa,||
na N'eva-saññā-nāsaññāyatane N'eva-saññā-nā-saññ'āyatana-saññī assa,||
na idha-loke idha-loka-saññī assa,||
na para-loke para-loka-saññī assa,||
saññī ca pana assā" ti?|| ||

[5] "Ekam idāhaɱ āvuso Ānanda samayaɱ idh'eva Sāvaṭṭhiyaɱ viharāmi andhavanasmiɱ tatth-ā-haɱ tatha-rūpaɱ samādhiɱ samāpajjiɱ
yathā n'eva paṭhaviyaɱ paṭhavi-saññī ahosiɱ,||
na āpasmiɱ āpo-saññī ahosiɱ,||
na tejasmiɱ tejo-saññī ahosiɱ,||
na vāyasmiɱ vāyo-saññī ahosiɱ,||
na Ākāsānañ-c'āyatane Ākāsanañ-c'āyatana-saññī ahosiɱ,||
na Viññāṇañ-c'āyatane Viññāṇañ-c'āyatana-saññī ahosiɱ,||
na Ākiñ caññ'āyatane Ākiñ caññ'āyatana-saññī ahosiɱ,||
na N'eva-saññā-nāsaññāyatane N'eva-saññā-nā-saññ'āyatana-saññī ahosiɱ,||
na idha-loke idha-loka-saññī ahosiɱ,||
na para-loke para-loka-saññī ahosiɱ||
saññī ca pana ahosin" ti.|| ||

[6] "Kiɱ saññī pan'āyasmā Sāriputto tasmiɱ samaye ahosī" ti?|| ||

"'Bhava-nirodho Nibibānaɱ,||
bhava-nirodho Nibibānan' ti kho me āvuso
aññā va saññā uppajjati,||
aññā va saññā nirujjati.|| ||

Seyyathā pi āvuso sakalik'aggissa jhāyamānassa
aññā'va acci uppajjati,||
aññā'va acci nirujjati,||
evam eva kho me āvuso||
'Bhava-nirodho Nibibānaɱ||
bhava-nirodho Nibibānan' ti
aññā'va saññā [10] uppajjati,||
aññā'va saññā nirujjati,||
bhava-nirodho Nibibānaɱ —||
saññī ca pan'āhaɱ āvuso tasmiɱ samaye ahosin" ti.|| ||

 


Contact:
E-mail
Copyright Statement