Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
3. Khandha Vagga
22. Khandha Saɱyutta
1. Nakulapita Vagga

Sutta 8

Dutiya Upādā-Paritassanā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[18]

[1][pts][bodh] Sāvatthiyaɱ -|| ||

Upādāparitassanañca vo bhikkhave,||
desissāmi,||
anupādā aparitassanañca.|| ||

Taɱ suṇātha sādhukaɱ manasikarotha bhāsissāmīti.|| ||

Evaɱ bhante' ti kho te bhikkhū Bhagavato paccassosuɱ,||
Bhagavā etad avoca:|| ||

Kathañ ca bhikkhave,||
upādāparitassanā hoti:|| ||

Idha,||
bhikkhave,,||
assutavā puthujjano rūpaɱ "etaɱ mama,||
eso'hamasmi eso me attā" ti samanupassati.|| ||

Tassa taɱ rūpaɱ vipariṇamati,||
aññathā hoti.|| ||

Tassa rūpavipariṇām-aññathā-bhāvā uppajjati soka-parideva-dukkha-domanass'-upāyāsā.|| ||

Vedanaɱ "etaɱ mama,||
eso'hamasmi eso me attā" ti samanupassati.|| ||

Tassa taɱ vedanaɱ vipariṇamati,||
aññathā hoti,||
tassa vedanāvipariṇām-aññathā-bhāvā uppajjati soka-parideva-dukkha-domanass'-upāyāsā.|| ||

Saññaɱ "etaɱ mama,||
eso'hamasmi eso me attā" ti samanupassati.|| ||

Tassa taɱ saññaɱ vipariṇamati,||
aññathā hoti,||
tassa saññāvipariṇām-aññathā-bhāvā uppajjati soka-parideva-dukkha-domanass'-upāyāsā.|| ||

Saɱkhāre "etaɱ mama,||
eso'hamasmi eso me attā" ti samanupassati.|| ||

Tassa taɱ saɱkhāre vipariṇamati,||
aññathā hoti,||
tassa saɱkhāravipariṇām-aññathā-bhāvā uppajjati soka-parideva-dukkha-domanass'-upāyāsā.|| ||

Viññāṇaɱ "etaɱ mama,||
eso'hamasmi eso me attā" ti samanupassati.|| ||

Tassa taɱ viññāṇaɱ vipariṇamati,||
aññathā hoti,||
tassa viññāṇavipariṇām-aññathā-bhāvā uppajjati soka-parideva-dukkha-domanass'-upāyāsā.|| ||

Evaɱ kho bhikkhave,||
upadāparitassanā hoti.|| ||

Kathañ ca bhikkhave,||
anupādāaparitassanā hoti:|| ||

Idha, bhikkhave,||
sutavā āriyasāvako rūpaɱ "n'etaɱ mama,||
neso'hamasmi na me so attā" ti.samanupassati.|| ||

Tassa taɱ rūpaɱ vipariṇamati,||
aññathā hoti.|| ||

Tassa rūpavipariṇām-aññathā-bhāvā nūppajjanti soka-parideva-dukkha-domanass'-upāyāsā.|| ||

Vedanaɱ "n'etaɱ mama,||
neso'hamasmi na me so attā" ti samanupassati.|| ||

Tassa Taɱ vedanaɱ vipariṇamati,||
aññathā hoti.|| ||

Tassa vedanāvipariṇām-aññathā-bhāvā nuppajjanti soka-parideva-dukkha-domanass'-upāyāsā.|| ||

[19] idha bhikkhave,||
Sutavā āriyasāvako vedanaɱ "n'etaɱ mama,||
neso'hamasmi na me so attā" ti samanupassati.|| ||

Tassa taɱ vedanaɱ vipariṇamati,||
aññathā hoti.|| ||

Tassa vedanāvipariṇām-aññathā-bhāvā nūppajjanti soka-parideva-dukkha-domanass'-upāyāsā.|| ||

Saññaɱ "n'etaɱ mama,||
neso'hamasmi na me so attā" ti samanupassati.|| ||

Tassa taɱ saññaɱ vipariṇamati,||
aññathā hoti.|| ||

Tassa saññāvipariṇām-aññathā-bhāvā nūppajjanti soka-parideva-dukkha-domanass'-upāyāsā. Saɱkhāre "n'etaɱ mama,||
neso 'hamasmi na me so attā" ti.|| ||

Samanupassati, tassa saɱkhāravipariṇām-aññathā-bhāvā nuppajjanti soka-parideva-dukkha-domanass'-upāyāsā.|| ||

Viññāṇaɱ "n'etaɱ mama,||
neso'hamasmi na me so attā" ti samanupassati.|| ||

Tassa Viññāṇavipariṇām-aññathā-bhāvā nūppajjanti soka-parideva-dukkha-domanass'-upāyāsā.|| ||

Evaɱ kho bhikkhave,||
anupādāaparitassanā hotī ti.|| ||

 


Contact:
E-mail
Copyright Statement   Webmaster's Page