Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
3. Khandha Vagga
22. Khandha Saɱyutta
1. Nakulapita Vagga

Sutta 11

Tatiya Atītānāgata-Paccuppanna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[20]

[1][pts][bodh] Sāvatthiniyaɱ-|| ||

Rūpaɱ bhikkhave,||
anattā atītānāgataɱ,||
ko pana vādo paccuppannassa.|| ||

Evaɱ passaɱ bhikkhave,||
Sutavā ariyasāvako atītasmiɱ rūpasmiɱ anapekho hoti,||
anāgataɱ rūpaɱ nābhinandati,||
paccuppannassa rūpassa nibbidāya virāgāya nirodhāya paṭipanno hoti.|| ||

Vedanā anattā atītānāgataɱ,||
ko pana vādo paccuppannassa.|| ||

Evaɱ Passaɱ bhikkhave,||
Sutavā ariyasāvako atītasmiɱ vedanasmiɱ anapekho hoti,||
anāgataɱ vedanaɱ nābhinandati,||
paccuppannassa vedanassa nibbidāya virāgāya nirodhāya paṭipanno hoti.|| ||

Saññā anattā atītānāgataɱ,||
ko pana vādo paccuppannassa.|| ||

Evaɱ passaɱ bhikkhave,||
Sutavā ariyasāvako atītasmiɱ saññasmiɱ anapekho hoti,||
anāgataɱ saññaɱ nābhinandati,||
paccuppannassa saññassa nibbidāya virāgāya nirodhāya paṭipanno hoti.|| ||

Saɱkhārā anattā atītānāgataɱ,||
ko pana vādo paccuppannassa.|| ||

Evaɱ passaɱ bhikkhave,||
Sutavā ariyasāvako atītasmiɱ sankhārasmiɱ anapekho hoti,||
anāgataɱ sankhāraɱ nābhinandati,||
paccuppannassa sankhārassa nibbidāya virāgāya nirodhāya paṭipanno hoti.|| ||

Viññāṇaɱ anattaɱ atītānāgataɱ,||
ko pana vādo paccuppannassa.|| ||

Evaɱ passaɱ bhikkhave,||
Sutavā ariyasāvako atītasmiɱ viññāṇasmiɱ anapekho hoti,||
anāgataɱ viññāṇaɱ nābhinandati,||
paccuppannassa viññāṇassa nibbidāya virāgāya nirodhāya paṭipanno hotī ti.|| ||

Nakulapituvaggo paṭhamo

 


Contact:
E-mail
Copyright Statement   Webmaster's Page