Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
3. Khandha Vagga
22. Khandha Saɱyutta
4. Na Tumhāka Vagga

Sutta 36

Dutiya Bhikkhu Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[36]

[1][pts][than][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Atha kho aññataro bhikkhu yena Bhagavā ten'upasankami,||
upasankamitvā Bhagavantaɱ abhivādetvā eka-m-antaɱ nisīdi,||
eka-m-antaɱ nisinno kho so bhikkhu Bhagavantaɱ etad avoca:|| ||

"Sādhu me bhante,||
Bhagavā saɱkhittena dhammaɱ desetu,||
yamahaɱ Bhagavato dhammaɱ sutvā eko vūpakaṭṭho appamatto ātāpī pahit'atto vihareyyan" ti.|| ||

"Yaɱ kho bhikkhu, anuseti||
taɱ anumīyati.|| ||

Yaɱ anumīyati||
tena sankhaɱ gacchati,||
yaɱ nānuseti||
na taɱ anumīyati,||
yaɱ nānumīyati||
na tena sankhaɱ gacchatī" ti.|| ||

"Aññātaɱ Bhagavā,||
aññātaɱ sugatā" ti.|| ||

"Yathā kathaɱ pana tvaɱ bhikkhu,||
mayā saɱkhittena bhāsitassa vitthārena atthaɱ ājānāsī" ti?|| ||

"Rūpaɱ ce bhante, anuseti||
taɱ anumīyati,||
yaɱ anumīyati||
tena sankhaɱ gacchati.|| ||

Vedanaɱ ce anuseti||
taɱ anumīyati,||
yaɱ anumīyati||
tena sankhaɱ gacchati.|| ||

Saññaɱ ce anuseti||
taɱ anumīyati,||
yaɱ anumīyati||
tena saŋkhaɱ gacchati.|| ||

Sankhāre ce anuseti||
taɱ anumīyati,||
yaɱ anumīyati||
tena saŋkhaɱ gacchati.|| ||

Viññāṇaɱ ce anuseti||
taɱ anumīyati,||
yaɱ anumīyati||
tena saŋkhaɱ gacchati.|| ||

Rūpaɱ ce bhante, nānuseti||
na taɱ anumīyati,||
yaɱ [37] nānumīyati||
na tena sankhaɱ gacchati.|| ||

Vedanaɱ ce, nānuseti||
na taɱ anumīyati,||
yaɱ nānumīyati||
na tena sankhaɱ gacchati.|| ||

Saññaɱ ce nānuseti||
na taɱ anumīyati,||
yaɱ nānumīyati||
na tena saŋkhaɱ gacchati.|| ||

Sankhāre ce nānuseti||
na taɱ anumīyati,||
yaɱ nānumīyati||
na tena saŋkhaɱ gacchati.|| ||

Viññāṇaɱ ce nānuseti||
na taɱ anumīyati,||
yaɱ nānumīyati||
na tena saŋkhaɱ gacchati.|| ||

Imassa kho'haɱ bhante,||
Bhagavatā saɱkhittena bhasitassa||
evaɱ vitthārena atthaɱ ājānāmī" ti.|| ||

 

§

 

"Sādhu sādhu bhikkhū,||
sādhu kho tvaɱ bhikkhu mayā saɱkhittena bhāsitassa vitthārena atthaɱ ājānāsi:|| ||

Rūpañ ce bhikkhu, anuseti||
taɱ anumīyati,||
yaɱ anumīyati||
tena sankhaɱ gacchati.|| ||

Vedanañ ce bhikkhu anuseti||
taɱ anumīyati,||
yaɱ anumīyati||
tena sankhaɱ gacchati.|| ||

Saññañ ce bhikkhu anuseti,||
taɱ anumīyati,||
yaɱ anumīyati||
tena sankhaɱ gacchati.|| ||

Sankhāre ce bhikkhu anuseti,||
taɱ anumīyati,||
yaɱ anumīyati||
tena sankhaɱ gacchati.|| ||

Viññāṇañ ce bhikkhu anuseti,||
taɱ anumīyati,||
yaɱ anumīyati||
tena sankhaɱ gacchati.|| ||

Rūpañ ce bhikkhu, nānuseti,||
na taɱ anumīyati,||
yaɱ nānumīyati,||
na tena sankhaɱ gacchati.|| ||

Vedanañ ce nānuseti,||
na taɱ anumīyati,||
yaɱ nānumīyati,||
na tena sankhaɱ gacchati.|| ||

Saññañ ce nānuseti,||
na taɱ anumīyati,||
yaɱ nānumīyati,||
na tena sankhaɱ gacchati.|| ||

Sankhare ce nānuseti,||
na taɱ anumīyati,||
yaɱ nānumīyati,||
na tena sankhaɱ gacchati.|| ||

Viññāṇañ ce nānuseti,||
na taɱ anumīyati,||
yaɱ nānumīyati,||
na tena sankhaɱ gacchati.|| ||

Imassa kho bhikkhu,||
mayā saɱkhitte na bhāsitassa||
evaɱ vitthārena attho daṭṭhabbo" ti.|| ||

Atha kho so bhikkhu,||
Bhagavato bhāsitaɱ abhinan'ditvā anumo-ditvā uṭṭhāy āsanā Bhagavantaɱ abhivādetvā padakkhiṇaɱ katvā pakkami.|| ||

Atha kho so bhikkhu eko vūpakaṭṭho appamatto ātāpī pahit'atto viharanto na cirass'eva yass'atthāya kula-puttā samma-d-eva agārasmā anagāriyaɱ pabbajanti,||
tad anuttaraɱ Brahma-cariya-pariyosānaɱ diṭṭhe'va dhamme sayaɱ abhiññā sacchi-katvā upasampajja vihāsi:|| ||

"Khīṇā jāti,||
vusitaɱ Brahma-cariyaɱ,||
kataɱ karaṇīyaɱ,||
nāparaɱ itthattāyā" ti abbhaññāsi.|| ||

Aññataro ca pana so bhikkhu arahataɱ ahosīti.|| ||

 


Contact:
E-mail
Copyright Statement