Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

Saɱyutta Nikāya:
III. Khandha Vagga:
22: Khandha Saɱyutta
5. Attadīpa Vagga

Sutta 47

Samanupassanā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than][olds][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Ye hi keci, bhikkhave, samaṇāvā brahmaṇā vā||
aneka-vihitaɱ attānaɱ samanupassamānā samanupassanti,||
sabbe te pañc'upādāna-kkhandhe samanupassanti,||
etesaɱ vā aññataraɱ.|| ||

Katame pañca?|| ||

Idha, bhikkhave,||
assutavā puthujjano||
ariyānaɱ adassāvī||
ariya-Dhammassa akovido||
ariya-Dhamme avinīto,||
sappurisānaɱ adassāvī||
sappurisa-Dhammassa akovido||
sappurisa-Dhamme avinīto,||
rūpaɱ attato samanupassati,||
rūpavantaɱ vā attānaɱ,||
attati vā rūpaɱ,||
rūpasmiɱ vā attānaɱ;|| ||

vedanaɱ attato samanupassati,||
vedanāvantaɱ vā attānaɱ,||
attati vā vedanaɱ,,||
vedanasmiɱ vā attānaɱ,|| ||

saññaɱ attato samanupassati,||
saññāvantaɱ vā attānaɱ,||
attani vā saññaɱ,||
saññasmiɱ vā attānaɱ.|| ||

sankhāre attato samanupassati,||
saŋkharāvantaɱ vā attānaɱ,||
attati vā sankhāraɱ,,||
sankhārasmiɱ vā attānaɱ,|| ||

viññāṇaɱ attato samanupassati,||
viññāṇavantaɱ vā attānaɱ,||
attati vā viññāṇɱ,||
viññāṇasmiɱ vā attānaɱ.|| ||

Iti ayañc'eva samanupassanā 'asmī' ti c'assa avigataɱ hoti.|| ||

'Asmī' ti kho pana bhikkhave avigate,||
pañcannaɱ indriyānaɱ avakkanti hoti:||
cakkhunadriyassa,||
sotindriyassa,||
ghānindriyassa,||
jivhindriyassa,||
kāyindriyassa.|| ||

Atthi bhikkhave mano||
atthi dhammā,||
atthi avijjā-dhātu||
avijjā-samphassajena bhikkhave,||
vedayitena phuṭṭhassa assutavato puthujjanassa||
'asmī' ti issa hoti,||
'ayama ham asmī' ti pissa hoti||
'bhavissan' ti pissa hoti,||
'rūpī bhavissan' ti pissa hoti,||
'arūpī bhavissan' ti pissa hoti,||
'saññī bhavissan' ti pissa hoti,||
'asañañī bhavissan' ti pissa hoti,||
'n'evasaññīnāsañañī bhavissan' ti pissa hoti.|| ||

[47] Tiṭṭhanti kho pana bhikkhave,||
tattheva pañc'indriyāni.|| ||

Athettha sutavato ariyasāvakassa avijjā pahīyati,||
vijjā uppajjati.|| ||

Tassa avijjāvirāgā vijjuppādā,||
'asmī' ti issa na hoti,||
'ayama ham asmī' ti pissa na hoti||
'bhavissanti' ti pissa na hoti,||
'rūpī bhavissan' ti pissa na hoti,||
'arūpī bhavissan' ti pissa na hoti,||
'saññī bhavissan' ti pissa na hoti,||
'asañañī bhavissan' ti pissa na hoti,||
'n'evasaññīnāsañañī bhavissan' ti pissa na hoti" ti.|| ||

 


Contact:
E-mail
Copyright Statement   Webmaster's Page