Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
22: Khandhāsaɱyutta

Sutta 113

Avijjā (or Bhikkhu) Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho aññataro bhikkhu yena Bhagavā ten'upasaɱkami.|| ||

Upasaɱkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho so bhikkhu Bhagavantaɱ etad avoca:|| ||

"'Avijjā avijjā' ti Bhante vuccati.|| ||

Katamā nu kho bhante, avijjā kittāvatā ca avijjāgato hotī" ti?|| ||

Idha bhikkhu assutavā puthujjano||
rūpaɱ nappajānāti,||
rūpasamudayaɱ nappajānāti,||
rūpanirodhaɱ nappajānāti,||
rupanirodhagāminiɱ paṭipadaɱ nappajānāti.|| ||

Vedanaɱ nappajānāti,||
vedanā samudayaɱ nappajānāti,||
vedanānirodhaɱ nappajānāti,||
vedanānirodhagāminiɱ paṭipadaɱ nappajānāti.|| ||

Saññaɱ nappajānāti,||
saññā samudayaɱ nappajānāti,||
saññānirodhaɱ nappajānāti,||
saññānirodhagāminiɱ paṭipadaɱ nappajānāti.|| ||

Saɱkhāre nappajānāti,||
saɱkhāre samudayaɱ nappajānāti,||
saɱkhāranirodhaɱ nappajānāti,||
saɱkhāranirodhagāminiɱ paṭipadaɱ nappajānāti.|| ||

Viññāṇaɱ nappajānāti,||
viññāṇa samudayaɱ nappajānāti,||
viññāṇanirodhaɱ nappajānāti,||
viññāṇanirodhagāminiɱ paṭipadaɱ nappajānāti.|| ||

[163] Ayaɱ vuccati bhikkhave, avijjā ettāvatā ca avijjāgato hotī" ti.|| ||

 


Contact:
E-mail
Copyright Statement   Webmaster's Page