Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
29: Nāga Saɱutta

Sutta 6

Catuttha Uposatha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho aññataro bhikkhu yena Bhagavā ten'upasaɱkami.|| ||

Upasaɱkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho so bhikkhu Bhagavantaɱ etad avoca:|| ||

"Ko nu kho bhante, hetu, ko paccayo||
yenamidh'ekacce opapātikā nāgā uposathaɱ upavasanti,||
ossaṭṭhakāyā ca bhavantī" ti?|| ||

Idha bhikkhu ekaccānaɱ opapātikaɱ nāgānaɱ evaɱ hoti:|| ||

'Mayaɱ kho pubbe kāyena dvayakārino ahumbha||
vācāya dvayakārino||
manasā dvayakārino,||
te mayaɱ kāyena dvayakārino||
vācāya dvayakārino||
manasā dvayakārino||
kāyassa bhedā param maraṇā opapātikaɱ nāgānaɱ sahabyataɱ upapannā.|| ||

Sacajja mayaɱ kāyena sucaritaɱ careyyāma||
vācāya sucaritaɱ careyyāma||
manasā sucaritaɱ careyyāma||
evaɱ mayaɱ kāyassa bhedā param maraṇā sugatiɱ saggaɱ lokaɱ upapajjeyyāma.

Handa mayaɱ etarahi kāyena sucaritaɱ carāma||
vācāya sucaritaɱ carāma||
manasā sucaritaɱ carāmā' ti.|| ||

Ayaɱ kho bhikkhu hetu ayaɱ paccayo yenamidh'ekacce opapātikā nāgā uposathaɱ upavasanti ossaṭṭhakāyā ca bhavantī" ti.|| ||

 


Contact:
E-mail
Copyright Statement   Webmaster's Page