Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
35: Saḷāyatana Saɱyutta
Paññāsaka Tatiya
1. Yogakkhemi Vagga

Sutta 106

Dukkha-Samudaya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Dukkhassa bhikkhave, samudayañ ca atthagamañ ca desissāmi.|| ||

Taɱ suṇātha.|| ||

Katamo ca bhikkhave, dukkhassa samudayo?|| ||

Cakkhuñ ca paṭicca rūpe uppajjati cakkhu-viññāṇaɱ,||
tiṇṇaɱ saṅgati phasso,||
phassa-paccayā vedanā,||
vedanā paccayā taṇhā,||
ayaɱ dukkhassa samudayo.|| ||

Sotañ ca paṭicca sadde uppajjati sota-viññāṇaɱ,||
tiṇṇaɱ saṅgati phasso,||
phassa-paccayā vedanā,||
vedanā paccayā taṇhā,||
ayaɱ dukkhassa samudayo.|| ||

Ghānañ ca paṭicca gandhe uppajjati ghāna-viññāṇaɱ,||
tiṇṇaɱ saṅgati phasso,||
phassa-paccayā vedanā,||
vedanā paccayā taṇhā,||
ayaɱ dukkhassa samudayo.|| ||

Jivhañ ca paṭicca rase uppajjati jivhā-viññāṇaɱ,||
tiṇṇaɱ saṅgati phasso,||
phassa-paccayā vedanā,||
vedanā paccayā taṇhā,||
ayaɱ dukkhassa samudayo.|| ||

Kāyañ ca paṭicca phoṭṭhabbe uppajjati kāya-viññāṇaɱ,||
tiṇṇaɱ saṅgati phasso,||
phassa-paccayā vedanā,||
vedanā paccayā taṇhā,||
ayaɱ dukkhassa samudayo.|| ||

[87] Manañ ca paṭicca dhamme uppajjati mano-viññāṇaɱ,||
tiṇṇaɱ saṅgati phasso,||
phassa-paccayā vedanā,||
vedanā paccayā taṇhā,||
ayaɱ dukkhassa samudayo.|| ||

 


 

Katamo ca bhikkhave, dukkhassa atthagamo?|| ||

Cakkhuñ ca paṭicca rūpe uppajjati cakkhu-viññāṇaɱ,||
tiṇṇaɱ saṅgati phasso,||
phassa-paccayā vedanā,||
vedanā paccayā taṇhā,||
tassā yeva taṇhāya asesa-virāga-nirodhā upādā-nanirodho,||
upādā-nanirodhā bhava-nirodho,||
bhava-nirodhā jāti-nirodho,||
jāti-nirodhā jarā-maraṇaɱ soka-parideva-dukkha-domanassupāyāsā nirujjhanti.|| ||

Evam etassa kevalassa dukkhakkhandhassa nirodho hoti.|| ||

Ayaɱ dukkhassa atthagamo.|| ||

Sotañ ca paṭicca sadde uppajjati sota-viññāṇaɱ,||
tiṇṇaɱ saṅgati phasso,||
phassa-paccayā vedanā,||
vedanā paccayā taṇhā,||
tassā yeva taṇhāya asesa-virāga-nirodhā upādā-nanirodho,||
upādā-nanirodhā bhava-nirodho,||
bhava-nirodhā jāti-nirodho,||
jāti-nirodhā jarā-maraṇaɱ soka-parideva-dukkha-domanassupāyāsā nirujjhanti.|| ||

Evam etassa kevalassa dukkhakkhandhassa nirodho hoti.|| ||

Ayaɱ dukkhassa atthagamo.|| ||

Ghānañ ca paṭicca gandhe uppajjati ghāna-viññāṇaɱ,||
tiṇṇaɱ saṅgati phasso,||
phassa-paccayā vedanā,||
vedanā paccayā taṇhā,||
tassā yeva taṇhāya asesa-virāga-nirodhā upādā-nanirodho,||
upādā-nanirodhā bhava-nirodho,||
bhava-nirodhā jāti-nirodho,||
jāti-nirodhā jarā-maraṇaɱ soka-parideva-dukkha-domanassupāyāsā nirujjhanti.|| ||

Evam etassa kevalassa dukkhakkhandhassa nirodho hoti.|| ||

Ayaɱ dukkhassa atthagamo.|| ||

Jivhañ ca paṭicca rase uppajjati jivhā-viññāṇaɱ,||
tiṇṇaɱ saṅgati phasso,||
phassa-paccayā vedanā,||
vedanā paccayā taṇhā,||
tassā yeva taṇhāya asesa-virāga-nirodhā upādā-nanirodho,||
upādā-nanirodhā bhava-nirodho,||
bhava-nirodhā jāti-nirodho,||
jāti-nirodhā jarā-maraṇaɱ soka-parideva-dukkha-domanassupāyāsā nirujjhanti.|| ||

Evam etassa kevalassa dukkhakkhandhassa nirodho hoti.|| ||

Ayaɱ dukkhassa atthagamo.|| ||

Kāyañ ca paṭicca phoṭṭhabbe uppajjati kāya-viññāṇaɱ,||
tiṇṇaɱ saṅgati phasso,||
phassa-paccayā vedanā,||
vedanā paccayā taṇhā,||
tassā yeva taṇhāya asesa-virāga-nirodhā upādā-nanirodho,||
upādā-nanirodhā bhava-nirodho,||
bhava-nirodhā jāti-nirodho,||
jāti-nirodhā jarā-maraṇaɱ soka-parideva-dukkha-domanassupāyāsā nirujjhanti.|| ||

Evam etassa kevalassa dukkhakkhandhassa nirodho hoti.|| ||

Ayaɱ dukkhassa atthagamo.|| ||

Manañ ca paṭicca dhamme uppajjati mano-viññāṇaɱ,||
tiṇṇaɱ saṅgati phasso,||
phassa-paccayā vedanā,||
vedanā paccayā taṇhā,||
tassā yeva taṇhāya asesa-virāga-nirodhā upādā-nanirodho,||
upādā-nanirodhā bhava-nirodho,||
bhava-nirodhā jāti-nirodho,||
jāti-nirodhā jarā-maraṇaɱ soka-parideva-dukkha-domanassupāyāsā nirujjhanti.|| ||

Evam etassa kevalassa dukkhakkhandhassa nirodho hoti.|| ||

Ayaɱ dukkhassa atthagamo" ti.|| ||

 


Contact:
E-mail
Copyright Statement   Webmaster's Page