Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
47. Satipaṭṭhana Saŋyutta
3. Sīlaṭṭhiti-Vagga

Sutta 28

Loka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayaɱ āyasmā ca Sāriputto||
āyasmā ca Mahā Moggallāno||
āyasmā ca Anuruddho||
Sākete viharanti,||
Kaṇṭakīvane.|| ||

Atha kho āyasmā ca Sāriputto||
āyasmā ca Mahā Moggallāno||
sāyanhasamayaɱ paṭisallāṇā vuṭṭhitā yenāyasmā Anuruddho ten'upasaŋkamiɱsu.|| ||

Upasaŋkamitvā āyasmatā anuruddhena saddhiɱ sammodiɱsu.|| ||

Sammodanīyaɱ kathaɱ sārāṇīyaɱ vītisāretvā eka-m-antaɱ nisīdiɱsu.

Eka-m-antaɱ nisinno kho āyasmā Sāriputto āyasmantaɱ Anuruddhaɱ etad avoca:|| ||

"Katamesaŋ āyasmā Anuruddho1 dhammānaɱ bhāvitattā bahulīkatattā mahābhiññataɱ pattoti?|| ||

[176]"Catunnaɱ kho āvuso, satipaṭṭhānānaɱ bhāvitattā bahulīkatattā mahābhiññataɱ patto.|| ||

Katamesaŋ catunnaɱ?|| ||

Idh'āvuso, bhikkhu kāye kāyānupassī viharati||
ātāpī||
sampajāno||
satimā||
vineyya loke abhijjhādomanassaɱ.|| ||

Vedanāsu vedanānupassī viharati||
ātāpī||
sampajāno||
satimā||
vineyya loke abhijjhādomanassaɱ.|| ||

Citte cittānupassī viharati||
ātāpī||
sampajāno||
satimā||
vineyya loke abhijjhādomanassaɱ.|| ||

Dhammesu dhammānupassī viharati||
ātāpī||
sampajāno||
satimā||
vineyya loke abhijjhādomanassaɱ.|| ||

Imesaɱ kho āvuso catunnaɱ satipaṭṭhānānaɱ bhāvitattā bahulīkatattā mahābhiññataɱ patto.|| ||

Imesañ ca kho panāhaɱ āvuso catunnaɱ satipaṭṭhānānaɱ bhāvitattā bahulīkatattā sahassaŋ lokaɱ abhijānāmī" ti.|| ||

 


Contact:
E-mail
Copyright Statement   Webmaster's Page