Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
47. Satipaṭṭhana Saŋyutta
4. Anussuta-Vagga

Sutta 33

Viraddha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati Jetavane Anāthapindikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Yesaŋ kesañci bhikkhave, cattāro satipaṭṭhānā viraddhā||
viraddho tesaŋ ariyo1 maggo sammā dukkhakkhayāgāmī.|| ||

[180] Yesaŋ kesañci bhikkhave, cattāro satipaṭṭhānā āraddhā,||
āraddho tesaŋ ariyo maggo sammā dukkhakkhayagāmī.|| ||

Katame cattāro?|| ||

Idha bhikkhave, bhikkhu kāye kāyānupassī viharati||
ātāpī||
sampajāno||
satimā||
vineyya loke abhijjhādomanassaɱ.|| ||

Vedanāsu vedanānupassīviharati||
ātāpī||
sampajāno||
satimā||
vineyya loke abhijjhādomanassaɱ.|| ||

Citte cittānupassīviharati||
ātāpī||
sampajāno||
satimā||
vineyya loke abhijjhādomanassaɱ.|| ||

Dhammesu dhammānupassīviharati||
ātāpī||
sampajāno||
satimā||
vineyya loke abhijjhādomanassaɱ.|| ||

"Yesaŋ kesañci bhikkhave, cattāro satipaṭṭhānā viraddhā||
viraddho tesaŋ ariyo1 maggo sammā dukkhakkhayāgāmī.|| ||

Yesaŋ kesañci bhikkhave, cattāro satipaṭṭhānā āraddhā,||
āraddho tesaŋ ariyo maggo sammā dukkhakkhayagāmī" ti.|| ||

 


Contact:
E-mail
Copyright Statement   Webmaster's Page