Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata

Sutta 15

Udakuupamapuggala Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][ati] EVA.M ME SUTA.M.||
Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:||
Bhikkhavo ti.||
Bhadante ti te bhikkhuu Bhagavato paccassosu.m.||
Bhagavaa etad avoca:|| ||

Satt'imi bhikkhave udakuupamaa puggalaa santo sa.mvijjamaanaa lokasmi.m.|| ||

Katame satta?|| ||

Idha, bhikkhave, ekacco puggalo saki.m nimuggo nimuggova hoti.|| ||

Idha pana bhikkhave ekacco puggalo ummujjitvaa nimujjati.|| ||

Idha pana bhikkhave ekacco puggalo ummujjitvaa .thito hoti.|| ||

Idha pana bhikkhave ekacco puggalo ummujjitvaa vipassati viloketi.|| ||

Idha pana bhikkhave ekacco puggalo ummujjitvaa patarati.|| ||

Idha pana bhikkhave ekacco puggalo ummujjitvaa patigaadhappatto hoti.|| ||

Idha pana bhikkhave ekacco puggalo ummujjitvaa ti.n.no hoti paaragato thale ti.t.thati braahma.no.|| ||

(1) Katha~n ca bhikkhave puggalo saki.m nimuggo nimuggoca hoti: idha pana bhikkhave ekacco puggalo samannaagato hoti ekanta kaa'akehi akusalehi dhammahii.|| ||

Eva.m kho bhikkhave puggalo saki.m nimuggo nimuggova hoti.|| ||

(2) Katha~n ca bhikkhave puggalo ummujjitvaa nimujjati?|| ||

Idha, bhikkhave, ekacco puggalo ummujjati "saadhu saddhaa kusalesu dhammesu,||
saadha hiri kusalesu dhammse,||
saadha ottappa.m kusalesu dhammse,||
saadhu viriya.m kusalesu dhammse,||
saadhu pa~n~naa kusalesu dhammesuu" ti||
tassa saa saddhaa n'eva ti.t.thati,||
no va.d.dhati, haayati yeva.|| ||

Tassa ta.m ottappa.m n'eva ti.t.thati,||
no va.d.dhati, haayati yeva.|| ||

Tassa ta.m viriya.m saddhaa n'eva ti.t.thati,||
no va.d.dhati, haayati yeva.|| ||

Tassa saa pa~n~naa n'eva ti.t.thati,||
no va.d.dhati, haayati yeva.|| ||

Eva.m kho bhikkhave puggalo ummujjitvaa nimujjati.|| ||

(3) Katha~n ca bhikkhave puggalo ummujjitvaa .thito hoti?|| ||

Idha, bhikkhave, ekacco puggalo ummujjati||
"saadhu saddhaa kusalesu dhammesu,||
saadha hiri kusalesu dhammse,||
saadhu ottappa.m kusalesu dhammesu,||
saadha viriya.m kusalesu dhammesu,||
saadhu pa~n~naa kusalesu dhammesu" tii.|| ||

Tassa saa saddhaa n'eva haayati,||
no va.d.dhati, .thitaa hoti.|| ||

Tassa saa hiri n'eva haayati,||
no va.d.dhati, .thitaa hoti.|| ||

Tassa ta.m ottappa.m n'eva haayati,||
no va.d.dhati, .thitaa hoti.|| ||

Tassa ta.m viriya.m n'eva haayati,||
no va.d.dhati, .thitaa hoti.|| ||

Tassa saa pa~n~naa n'eva haayati,||
no va.d.dhati, .thitaa hoti.|| ||

Eva.m kho bhikkhave puggalo ummujjitvaa hoti.|| ||

(4) Katha~n ca bhikkhave puggalo ummujjitvaa vipassati viloketi?|| ||

Idha pana bhikkhave ekacco puggalo ummujjati||
"saadhu saddhaa kusalesu dhammesu,||
saadhu hiri kusalesu dhammesu,||
saadhu ottappa.m kusalesu dhammesu,||
saadhu viriya.m kusalesu dhammesu,||
saadhu pa~n~naa kusalesu dhammesuu" ti.|| ||

So ti.n.na.m sa.myojanaana.m parikkhayaa sotaapanno hoti avinipaatadhammo niyato sambodhiparaayano.|| ||

Eva.m kho bhikkhave puggalo ummujjitvaa vipassati viloke ti.|| ||

(5) Katha~n ca bhikkhave puggalo ummujjitvaa patarati?|| ||

Idha, bhikkhave, ekacco puggalo ummujjati||
"saadhu saddhaa kusalesu dhammesu,||
saadhu hiri kusalesu dhammesu,||
saadhu ottappa.m kusalesu dhammse,||
saadhu viriya.m kusalesu dhammesu,||
saadhu pa~n~naa kusalesu dhammuu" ti.|| ||

So ti.n.na.m sa.myojanaana.m parikkhayaa raagadosamohaana.m tanuttaa sakadaagaami hoti.|| ||

Sakideva ima.m loka.m aagantvaa dukkhassanta.m karoti.|| ||

Eva.m kho bhikkhave puggalo ummujjitvaa patarati.|| ||

(6) Katha~n ca bhikkhave puggaloummujjitvaa patigaadhappatto hoti?|| ||

Idha, bhikkhave, ekacco puggalo ummujjati||
"saadhu saddhaa kusalesu dhammesu,||
saadhu hiri saddhaa kusalesu dhammesu,||
saadhu ottappa.m kusalesu dhammse,||
saadhu viriya.m kusalesu dhammesu,||
saadhu pa~n~naa kusalesu dhammesuu" ti.|| ||

So pa~ncanna.m orambhaagiyaana.m sa.myojanaana.m parikkhayaa opapaatiko hoti tatthaparinibbaayii anaavattidhammo tasmaa lokaa.|| ||

Eva.m kho bhikkhave puggalo ummujjitvaa patigaadhappatto hoti.|| ||

(7) Katha~n ca bhikkhave puggalo ummujjitvaa ti.n.no hoti paaragato thale ti.t.thati braahma.no?|| ||

Idha, bhikkhave, ekacraco puggalo ummujjati||
"saadhu saddhaa kusalesu dhammesu,||
saadhu hiri kusalesu dhammesu,||
saadhu ottappa.m kusalesu dhammesu,||
saadhu viriya.m kusalesu dhammesu,||
saadhu pa~n~naa kusalesu dhammesu" ti.|| ||

So aasavaana.m khayaa anaasava.m ceto vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Eva.m kho bhikkhave puggalo ummujjitvaa ti.n.no hoti paaragato thale ti.t.thati braahma.no.|| ||

Ime kho bhikkhave satta udakuupamaa puggalaa santo sa.mcijjamaanaa lokasmin ti.|| ||

 


Contact:
E-mail
Copyright Statement