Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa.myutta Nikaaya:
III. Khandha Vagga:
22: Khandha Sa.myutta
2.4. Thera Vagga

Sutta 84

Tissa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


[106]

[1][pts][than][olds][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tena kho pena samayena aayasmaa tisso Bhagavato pitucchaaputto sambahulaana.m bhikkhuuna.m evamaaroceti:|| ||

"Api me aavuso, madhurakajaato viya kaayo disaapi me na pakkhaayanti.|| ||

Dhammaa pi ma.m nappa.tibhanti.|| ||

Thinamiddha~n ca me citta.m pariyaadaaya ti.t.thati.|| ||

Anabhirato ca brahmacariya.m caraami.|| ||

Hoti ca me dhammesu vicikicchaa" ti.|| ||

Atha kho sambahulaa bhikkhuu yena Bhagavaa ten'upasa'nkami.msu.|| ||

Upasa.mkamitvaa Bhagavanta.m abhivaadetvaa eka-m-anta.m nisiidi.msu.|| ||

Eka-m-anta.m nisinnaa kho te bhikkhuu Bhagavanta.m etad avocu.m:|| ||

"Aayasmaa bhante, tisso Bhagavato pitucchaaputto sambahulaana.m bhikkhuuna.m evamaaroceti:|| ||

'Api me aavuso, madhurakajaato viya kaayo disaapi me na pakkhaayanti.|| ||

Dhammaa pi ma.m nappa.tibhanti.|| ||

Thinamiddha~n ca me citta.m pariyaadaaya ti.t.thati.|| ||

Anabhirato ca brahmacariya.m caraami.|| ||

Hoti ca me dhammesu vicikicchaa' ti.|| ||

Atha kho Bhagavaa a~n~natara.m bhikkhu.m aamantesi.|| ||

Ehi tva.m bhikkhu, mama vacanena tissa.m bhikkhu.m aamantehi:|| ||

'Satthaa ta.m aavuso tissa aamantetii' ti.|| ||

"Eva.m bhante" ti, kho so bhikkhu Bhagavato pa.tissutvaa yenaayasmaa tisso ten'upasa.mkami, upasa.mkamitvaa aayasmanta.m tissa.m etad avoca:|| ||

"Satthaa ta.m aavuso tissa aamantetii" ti.|| ||

"Evam aavuso" ti kho aayasmaa tisso tassa bhikkhuno pa.tissutvaa yena Bhagavaa ten'upasa.mkami.|| ||

Upasa.mkamitvaa Bhagavanta.m abhivaadetvaa eka-m-anta.m niisidi.|| ||

Eka-m-anta.m nisinna.m kho aayasmanta.m tissa.m Bhagavaa etad avoca:|| ||

Sacca.m kira tva.m tissa, sambahulaana.m [107] bhikkhuuna.m evamaarocesi:|| ||

'Api me aavuso, madhurakajaato viya kaayo disaapi me na pakkhaayanti.|| ||

Dhammaa pi ma.m nappa.tibhanti.|| ||

Thinamiddha~n ca me citta.m pariyaadaaya ti.t.thati.|| ||

Anabhirato ca brahmacariya.m caraami.|| ||

Hoti ca me dhammesu vicikicchaa' ti?|| ||

"Eva.m bhante."|| ||

 


 

"Ta.m ki.m ma~n~nasi tissa?|| ||

Ruupe avigataraagassa||
avihatachandassa||
avigatapemassa||
avigatapipaasassa||
avigatapari.laahassa||
avigatata.nhassa||
tassa ruupassa vipari.naa-ma~n~nathaa-bhaavaa uppajjanti sokaparideva-dukkha-domanssupaayaasaa" ti?|| ||

"Eva.m bhante."|| ||

"Saadhu saadhu tissa!|| ||

Eva.m h'eta.m tissa,||
hoti yathaa ta.m ruupe avigataraagassa.|| ||

Vedanaaya avigataraagassa||
avihatachandassa||
avigatapemassa||
avigatapipaasassa||
avigatapari.laahassa||
avigatata.nhassa||
tassa vedanaaya vipari.naa-ma~n~nathaa-bhaavaa uppajjanti sokaparideva-dukkha-domanssupaayaasaa" ti?|| ||

"Eva.m bhante."|| ||

"Saadhu saadhu tissa!|| ||

Eva.m h'eta.m tissa,||
hoti yathaa ta.m vedanaaya avigataraagassa.|| ||

Sa~n~naaya avigataraagassa||
avihatachandassa||
avigatapemassa||
avigatapipaasassa||
avigatapari.laahassa||
avigatata.nhassa||
tassaa sa~n~naaya vipari.naa-ma~n~nathaa-bhaavaa uppajjanti sokaparideva-dukkha-domanssupaayaasaa" ti?|| ||

"Eva.m bhante."|| ||

"Saadhu saadhu tissa!|| ||

Eva.m h'eta.m tissa,||
hoti yathaa ta.m sa~n~naaya avigataraagassa.|| ||

Sa.mkhaaresu avigataraagassa||
avihatachandassa||
avigatapemassa||
avigatapipaasassa||
avigatapari.laahassa||
avigatata.nhassa||
tesa.m sa.mkhaaraana.m vipari.naa-ma~n~nathaa-bhaavaa uppajjanti sokaparideva-dukkha-domanssupaayaasaa" ti?|| ||

"Eva.m bhante."|| ||

"Saadhu saadhu tissa!|| ||

Eva.m h'eta.m tissa,||
hoti yathaa ta.m sa.mkhaaresu avigataraagassa.|| ||

Vi~n~naa.ne avigataraagassa||
avihatachandassa||
avigatapemassa||
avigatapipaasassa||
avigatapari.laahassa||
avigatata.nhassa||
tassa vi~n~naa.nassa vipari.naa-ma~n~nathaa-bhaavaa uppajjanti sokaparideva-dukkha-domanssupaayaasaa" ti?|| ||

"Eva.m bhante."|| ||

"Saadhu saadhu tissa!|| ||

Eva.m h'eta.m tissa,||
hoti yathaa ta.m vi~n~naa.ne avigataraagassa.|| ||

 


 

Ta.m ki.m ma~n~nasi tissa?|| ||

Ruupe vigataraagassa||
vigatachandassa||
vigatapemassa||
vigatapipaasassa||
vigatapari.lahassa||
vigatata.nhassa||
tassa ruupassa vipari.naam-a~n~nathaa-bhaavaa uppajjanti sokaparideva-dukkha-domanssupaayaasaa" ti?

"No h'eta.m bhante."|| ||

"Saadhu saadhu tissa!|| ||

Eva.m h'eta.m tissa,||
hoti yathaa ta.m ruupa.m vigataraagassa.|| ||

Vedanaaya vigataraagassa||
vigatachandassa||
vigatapemassa||
vigatapipaasassa||
vigatapari.lahassa||
vigatata.nhassa||
tassa vedanaaya vipari.naam-a~n~nathaa-bhaavaa uppajjanti sokaparideva-dukkha-domanssupaayaasaa" ti?

"No h'eta.m bhante."|| ||

"Saadhu saadhu tissa!|| ||

Eva.m h'eta.m tissa,||
hoti yathaa ta.m vedanaaya vigataraagassa.|| ||

Sa~n~naaya vigataraagassa||
vigatachandassa||
vigatapemassa||
vigatapipaasassa||
vigatapari.lahassa||
vigatata.nhassa||
tassa sa~n~naaya vipari.naam-a~n~nathaa-bhaavaa uppajjanti sokaparideva-dukkha-domanssupaayaasaa" ti?

"No h'eta.m bhante."|| ||

"Saadhu saadhu tissa!|| ||

Eva.m h'eta.m tissa,||
hoti yathaa ta.m sa~n~naaya vigataraagassa.|| ||

Sa.mkhaaresu vigataraagassa||
vigatachandassa||
vigatapemassa||
vigatapipaasassa||
vigatapari.lahassa||
vigatata.nhassa||
tesa.m sankhaaraana.m vipari.naam-a~n~nathaa-bhaavaa uppajjanti sokaparideva-dukkha-domanssupaayaasaa" ti?

"No h'eta.m bhante."|| ||

"Saadhu saadhu tissa!|| ||

Eva.m h'eta.m tissa,||
hoti yathaa ta.m sa.mkhaaresu vigataraagassa.|| ||

Vi~n~naa.ne vigataraagassa||
vigatachandassa||
[108] vigatapemassa||
vigatapipaasassa||
vigatapari.lahassa||
vigatata.nhassa||
tassa vi~n~naa.nassa vipari.naam-a~n~nathaa-bhaavaa uppajjanti sokaparideva-dukkha-domanssupaayaasaa" ti?

"No h'eta.m bhante."|| ||

"Saadhu saadhu tissa!|| ||

Eva.m h'eta.m tissa,||
hoti yathaa ta.m vi~n~naa.ne vigataraagassa.|| ||

 


 

Ta.m ki.m ma~n~nasi Tissa?|| ||

Ruupa.m nicca.m vaa anicca.m vaa" ti?|| ||

"Anicca.m bhante."|| ||

"Ya.m panaanicca.m dukkha.m vaa ta.m sukha.m vaa" ti?|| ||

"Dukkha.m bhante."|| ||

"Ya.m panaanicca.m dukkha.m vipari.naamadhamma.m kalla.m nu ta.m samanupassitu.m:|| ||

'Eta.m mama,||
eso ham asmi,||
eso me attaa' ti"?|| ||

"No h'eta.m bhante."|| ||

Vedanaa nicca.m vaa anicca.m vaa" ti?|| ||

"Anicca.m bhante."|| ||

"Ya.m panaanicca.m dukkha.m vaa ta.m sukha.m vaa" ti?|| ||

"Dukkha.m bhante."|| ||

"Ya.m panaanicca.m dukkha.m vipari.naamadhamma.m kalla.m nu ta.m samanupassitu.m:|| ||

'Eta.m mama,||
eso ham asmi,||
eso me attaa' ti"?|| ||

"No h'eta.m bhante."|| ||

Sa~n~naa nicca.m vaa anicca.m vaa" ti?|| ||

"Anicca.m bhante."|| ||

"Ya.m panaanicca.m dukkha.m vaa ta.m sukha.m vaa" ti?|| ||

"Dukkha.m bhante."|| ||

"Ya.m panaanicca.m dukkha.m vipari.naamadhamma.m kalla.m nu ta.m samanupassitu.m:|| ||

'Eta.m mama,||
eso ham asmi,||
eso me attaa' ti"?|| ||

"No h'eta.m bhante."|| ||

Sa.mkhaaraa nicca.m vaa anicca.m vaa" ti?|| ||

"Anicca.m bhante."|| ||

"Ya.m panaanicca.m dukkha.m vaa ta.m sukha.m vaa" ti?|| ||

"Dukkha.m bhante."|| ||

"Ya.m panaanicca.m dukkha.m vipari.naamadhamma.m kalla.m nu ta.m samanupassitu.m:|| ||

'Eta.m mama,||
eso ham asmi,||
eso me attaa' ti"?|| ||

"No h'eta.m bhante."|| ||

Vi~n~naa.na.m nicca.m vaa anicca.m vaa" ti?|| ||

"Anicca.m bhante."|| ||

"Ya.m panaanicca.m dukkha.m vaa ta.m sukha.m vaa" ti?|| ||

"Dukkha.m bhante."|| ||

"Ya.m panaanicca.m dukkha.m vipari.naamadhamma.m kalla.m nu ta.m samanupassitu.m:|| ||

'Eta.m mama,||
eso ham asmi,||
eso me attaa' ti"?|| ||

"No h'eta.m bhante."|| ||

Tasmaat iha Tissa,||
ya.m ki~nci ruupa.m atiitaanaagatapaccuppanna.m||
ajjhatta.m vaa bahiddhaa||
vaa o.laarika.m vaa sukhuma.m vaa||
hiina.m vaa pa.niita.m vaa||
ya.m duure santike vaa sabba.m ruupa.m:|| ||

'N'eta.m mama||
neso ham asmi||
na me'so attaa' ti.|| ||

Evam eta.m yathaabhuuta.m sammappa~n~naaya da.t.thabba.m.|| ||

Yaa kaaci vedanaa atiitaanaagatapaccuppanna.m||
ajjhatta.m vaa bahiddhaa||
vaa o.laarika.m vaa sukhuma.m vaa||
hiina.m vaa pa.niita.m vaa||
ya.m duure santike vaa sabba.m vedana.m:|| ||

'N'eta.m mama||
neso ham asmi||
na me'so attaa' ti.|| ||

Evam eta.m yathaabhuuta.m sammappa~n~naaya da.t.thabba.m.|| ||

Yaa kaaci sa~n~naa atiitaanaagatapaccuppanna.m||
ajjhatta.m vaa bahiddhaa||
vaa o.laarika.m vaa sukhuma.m vaa||
hiina.m vaa pa.niita.m vaa||
ya.m duure santike vaa sabba.m sa~n~na.m:|| ||

'N'eta.m mama||
neso ham asmi||
na me'so attaa' ti.|| ||

Evam eta.m yathaabhuuta.m sammappa~n~naaya da.t.thabba.m.|| ||

Ye keci sa.mkhaaraa atiitaanaagatapaccuppanna.m||
ajjhatta.m vaa bahiddhaa||
vaa o.laarika.m vaa sukhuma.m vaa||
hiina.m vaa pa.niita.m vaa||
ya.m duure santike vaa sabba.m sa.mkhaara.m:|| ||

'N'eta.m mama||
neso ham asmi||
na me'so attaa' ti.|| ||

Evam eta.m yathaabhuuta.m sammappa~n~naaya da.t.thabba.m.|| ||

Ya.m ki~nci vi~n~naa.na.m atiitaanaagatapaccuppanna.m||
ajjhatta.m vaa bahiddhaa||
vaa o.laarika.m vaa sukhuma.m vaa||
hiina.m vaa pa.niita.m vaa||
ya.m duure santike vaa sabba.m vi~n~naa.na.m:|| ||

'N'eta.m mama||
neso ham asmi||
na me'so attaa' ti.|| ||

Evam eta.m yathaabhuuta.m sammappa~n~naaya da.t.thabba.m.|| ||

 


 

Eva.m passa.m Tissa, sutavaa ariyasaavako||
ruupasmim pi nibbandati,||
vedanaaya pi nibbandati,||
sa~n~naaya pi nibbindati,||
sa.mkhaaresu pi nibbindati,||
vi~n~naa.nasmim pi nibbindati.|| ||

Nibbida.m virajjati.|| ||

Viraagaa vimuccati.|| ||

Vimuttasmi.m 'vimuttami' ti||
~naa.na.m hoti:|| ||

'Khii.naa jaati,||
vusita.m brahmacariya.m,||
kata.m kara.niiya.m,||
naapara.m itthattaayaa' ti pajaanaatii.|| ||

 


 

Seyyathaa pi, Tissa, dve purisaa,||
eko puriso amaggakusalo||
eko puriso maggakusalo,||
tam ena.m so amaggakusalo puriso amu.m maggakusala.m purisa.m magga.m puccheyya,||
so eva.m vadeyya:|| ||

'Ambho purisa,||
aya.m maggo.|| ||

Tena muhutta.m gaccha.|| ||

Tena muhutta.m.|| ||

Gantvaa dakkhi'ssasi dvidhaa patha.m.|| ||

Tattha vaama.m mu~ncitvaa dakkhi.na.m ga.nhaahi.|| ||

Tena muhutta.m gaccha,||
tena muhutta.m gantvaa dakkhi'ssasi tibba.m vanasa.n.da.m.|| ||

Tena muhutta.m gaccha.|| ||

Tena muhutta.m gantvaa dakkhi'ssasi mahanta.m ninna.m pallala.m,||
tena muhutta.m gaccha,||
tena muhutta.m gantvaa dakkhi'ssasi sobbha.m papaata.m.|| ||

Tena muhutta.m gaccha.|| ||

Tena muhutta.m gantvaa dakkhi'ssasi sama.m bhumibhaaga.m rama.niiya.m.'|| ||

Upamaa kho myaaya.m Tissa,||
kataa atthassa vi~n~naapanaaya.|| ||

Aya.m c'ettha attho:|| ||

'Puriso amaggakusalo' ti kho Tissa,||
puthujjanasseta.m adhivacana.m.|| ||

'Puriso maggakusalo' ti kho Tissa,||
Tathaagatass'eta.m adhivacana.m,||
Arahato,||
Sammaa-sambuddhassa.|| ||

'Dvidhaapatho' ti kho Tissa,||
vicikicchaayeta.m adhivacana.m.|| ||

[109] 'Vaamomaggo' ti kho Tissa,||
a.t.tha'ngikasseta.m micchaa-maggassa adhivacana.m seyyathiida.m:||
micchaa-di.t.thiyaa,||
micchaa-sa.mkappassa,||
micchaa-vaacaaya,||
micchaa-kammantassa,||
micchaa-aajivassa,||
micchaa-vaayaamassa,||
micchaa-satiyaa,||
micchaa-samaadhi'ssa.|| ||

'Dakkhi.no maggo' ti kho tissa,||
ariyasseta.m a.t.tha'ngikassa maggassa adhivacana.m,||
seyyathiida.m:||
sammaa-di.t.thiyaa,||
sammaa-sa.mkappassa,||
sammaa-vaacaaya,||
sammaa-kammantassa,||
sammaa-aajivassa,||
sammaa-vaayaamassa,||
sammaa-satiyaa,||
sammaa-samaadhi'ssa.|| ||

'Tibbo vanasa.n.do' ti kho Tissa,||
avijjaayeta.m adhivacana.m.|| ||

'Mahanta.m ninna.m pallalan' ti kho Tissa,||
kaamaaname ta.m adhivacana.m.|| ||

'Sobebhaa papaato' ti kho Tissa,||
kodhupaayaasasseta.m adhivacana.m.|| ||

'Samo bhumibhaago rama.niiyo' ti kho Tissa,||
nibbaanasseta.m adhivacana.m.|| ||

Abhirama Tissa!|| ||

Abhirama Tissa!|| ||

Aham ovaadena,||
aham anuggahena,||
aham anusaasaniiyaa" ti.|| ||

Idam avoca Bhagavaa.|| ||

Attamano aayasmaa Tisso Bhagavato bhaasita.m abhinandiiti.|| ||

 


Contact:
E-mail
Copyright Statement