Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa'nyutta Nikaaya,
V: Mahaa Vagga
52. Anuruddha Sa'nyutta
I. Rahogata Vagga

Sutta 3

Sutanu Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me suta.m:|| ||

Eka.m samaya.m aayasmaa Anuruddho Saavatthiya.m viharati sutanutiire.|| ||

Atha kho sambahulaa bhikkhuu yenaayasmaa Anuruddho ten'upasa'nkami.msu.|| ||

Upasa'nkamitvaa aayasmataa anuruddhena saddhi.m sammodi.msu.|| ||

Sammodaniiya.m katha.m saaraa.niiya.m viitisaaretvaa eka-m-anta.m nisiidi.msu.|| ||

[298] Eka-m-anta.m nisinnaa kho te bhikkhu aayasmanta.m Anuruddha.m etad avocu.m:|| ||

"Katamesa'n aayasmaa Anuruddho dhammaana.m bhaavitattaa bahuliikatattaa mahaabhi~n~nata.m1 patto" ti?|| ||

"Catunna.m kho aha.m aavuso,||
satipa.t.thaanaana.m bhaavitattaa bahuliikatattaa mahaabhi~n~nata.m patto.|| ||

Katamesa'n catunna.m?|| ||

Idhaaha.m aavuso kaaye kaayaanupassii viharaami,||
aataapii sampajaano satimaa vineyya loke abhijjhaa domanassa'n,|| ||

vedanaasu vedanaanupassii viharaami,||
aataapii sampajaano satimaa vineyya loke abhijjhaa domanassa.m.|| ||

Citte cittaanupassii viharaami,||
aataapii sampajaano satimaa vineyya loke abhijjhaa domanassa.m.|| ||

Dhammesu dhammaanupassii viharaami,||
aataapii sampajaano satimaa vineyya loke abhijjhaadomanassa.m.|| ||

Imesa.m kho aha.m aavuso, catunna.m satipa.t.thaanaana.m bhaavitattaa bahuliikatattaa mahaabhi~n~nata.m patto.|| ||

Imesa~n ca panaaha.m aavuso,||
catunna.m satipa.t.thaanaana.m bhaavitattaa bahuliikatattaa||
hiina.m dhamma.m hiinato abbha~n~naasi.m,||
majjhima.m dhamma.m majjhimato abbha~n~naasi.m,||
pa.niita.m dhamma.m pa.niitato abbha~n~naasin" ti.|| ||

 


Contact:
E-mail
Copyright Statement