Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Sattaka Nipāta

Sutta 7

Uggo Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts][ati][upal] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Atha kho Uggo rājamahāmatto yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho Uggo rājamahāmatto Bhagavantaɱ etad avoca:|| ||

Acchariyaɱ bhante,||
ababhūtaɱ bhante,||
yāva aḍḍho cāyaɱ bhante,||
Migāro Rohaṇeyyo yāva mahaddhano yāva mahābhogo ti.|| ||

Kiva aḍḍhā panugga,||
Migāro Rohaṇeyyo kīva mahaddhano kīva mahābhogo ti.|| ||

Sataɱ bhante,||
sahassānaɱ hiraññassa,||
ko pana vādo rūpiyassā ti?|| ||

Atthi kho1 etaɱ ugga dhanaɱ,||
n'etaɱ n'atthiti vadāmi.|| ||

Tañ ca kho etaɱ ugga,||
dhanaɱ sādhāraṇaɱ agginā udakena rājūhi corehi appiyehi dāyādehi.|| ||

Satta kho imāni ugga,||
dhanāni asādhāranāni agginā udakena rājūhī corehi appiyehi dāyādehi.|| ||

Katamāni satta?|| ||

Saddhādhanaɱ,||
sīladhanaɱ,||
hiridhanaɱ,||
ottappadhanaɱ,||
sutadhanaɱ,||
cāgadhanaɱ,||
paññādhanaɱ.|| ||

Imāni kho ugga,||
satta dhanāni asādhāraṇāni agginā udakena rājūhī corehi appiyehi dāyādehi, ti.|| ||

 

Saddhādhanaɱ sīladhanaɱ hiri ottappiyaɱ dhana Sutadhanaɱ ca cāgo ca paññā ce sattama dhanaɱ.|| ||

Yassa ete dhanā atthi itthiyā purisassa vā Save mahaddhano loke ajeyyo devamānuse.|| ||

Tasmā saddhañca sīlañca pasādaɱ dhammadassanaɱ Anuyuñjetha medhāvi saraɱ buddhāna sāsananti.|| ||

 


Contact:
E-mail
Copyright Statement   Webmaster's Page