Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
5. Mahā-Vagga
54. Ānāpāna Saɱyutta
1. Eka-Dhamma Vagga

Sutta 8

Dīpa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[316]

[1-2][pts][bodh][olds][than] Evam me sutaɱ:|| ||

Ekaɱ samayam Bhagavā Sāvatthiyaɱ viharati||
Jetavane Anāthapindikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

[3] "Ānāpāna-sati-samādhi bhikkhave,||
bhāvito||
bahulī-kato||
maha-p-phalo hoti||
mahā-nisamso.|| ||

Kathaɱ bhāvito ca bhikkhave,||
ānāpāna-sati-samādhi||
kathaɱ bahulī-kato||
maha-p-phalo hoti||
mahā-nisaɱsā?|| ||

[317] [4] Idha, bhikkhave, bhikkhū arañña-gato||
rukkha-mūla-gato vā||
suññāta-gato vā||
nisīdati pallaŋkaɱ ābhujitvā ujuɱ kāyaɱ paṇidhāya||
parimukhaɱ satiɱ upaṭṭha-petvā||
so sato va assasati||
sato va passasati.|| ||

Dīghaɱ vā assasanto dīghaɱ assasāmī' ti pajānāti.|| ||

Dīghaɱ vā passasanto 'dīghaɱ passasāmī' ti pajānāti.|| ||

Rassaɱ vā assasanto 'rassaɱ assasāmī' ti pajānāti.|| ||

Rassaɱ vā passasanto 'rassaɱ passasāmī' ti pajānāti.|| ||

'Sabba-kāya-paṭisaŋvedī assasissāmī' ti sikkhati.|| ||

'Sabba-kāya-paṭisaŋvedī passissāmī' ti sikkhati.|| ||

'Passam-bhayaɱ kāya-sankhāraɱ assasissāmī' ti sikkhati.|| ||

'Passam-bhayaɱ kāya-sankhāraɱ passasissāmī' ti sikkhati.|| ||

'Pīti-paṭisaŋvedī assasissāmī' ti sikkhati.|| ||

'Pīti-paṭisaŋvedī passasissāmī' ti sikkhati.|| ||

'Sukha-paṭisaŋvedī assasissāmī' ti sikkhati.|| ||

'Sukha-paṭisaŋvedī passasissāmī' ti sikkhati.|| ||

'Citta-sankhāra-paṭisaŋvedī assasissāmī' ti sikkhati.|| ||

'Citta-sankhāra-paṭisaŋvedī passasissāmī' ti sikkhati.|| ||

'Passam-bhayaɱ citta-sankhāraɱ assasissāmī' ti sikkhati.|| ||

'Passam-bhayaɱ citta-sankhāraɱ passasissāmī' ti sikkhati.|| ||

'Citta-sankhāra-paṭisaŋvedī assasissāmī' ti sikkhati.|| ||

'Citta-sankhāra-paṭisaŋvedī passasissāmī' ti sikkhati.|| ||

'Passam-bhayaɱ citta-sankhāraɱ assasissāmī' ti sikkhati.|| ||

'Passam-bhayaɱ citta-sankhāraɱ passasissāmī' ti sikkhati.|| ||

'Citta-paṭisaŋvedī assasissāmī' ti sikkhati.|| ||

'Citta-paṭisaŋvedī passasissāmī' ti sikkhati.|| ||

'Abhi-p-pamodayaɱ cittaɱ assasissāmī' ti sikkhati.|| ||

'Abhi-p-pamodayaɱ cittaɱ passasissāmī' ti sikkhati.|| ||

'Samādahaɱ cittaɱ assasissāmī' ti sikkhati.|| ||

'Samādahaɱ cittaɱ passasissāmī' ti sikkhati.|| ||

'Vimocayaɱ cittaɱ assasissāmī' ti sikkhati.|| ||

'Vimocayaɱ cittaɱ passasissāmī' ti sikkhati.|| ||

'Anicc-ā-nupassī assasissāmī' ti sikkhati.|| ||

'Anicc-ā-nupassī passasissāmī' ti sikkhati.|| ||

Virāg-ā-nupassī assasissāmī' ti sikkhati.|| ||

Virāg-ā-nupassī passasissāmī' ti sikkhati.|| ||

Nirodh-ā-nupassī assasissāmī' ti sikkhati.|| ||

Nirodh-ā-nupassī passasissāmī' ti sikkhati.|| ||

Paṭinissagg-ā-nupassī passasissāmī' ti sikkhati.|| ||

Paṭinissagg-ā-nupassī passasissāmī' ti sikkhati.|| ||

[11] Evaɱ bhāvitā kho bhikkhave,||
ānāpāna-sati-samādhimhi||
evaɱ bahuḷī-katā||
maha-p-phalo hoti||
mahā-nisamso.|| ||

[12] Aham pi sudaɱ bhikkhave||
pubb'eva sambodhā anabhi-sambuddho bodhisatto va samāno||
iminā vihārena bahulaɱ vihārāmi.

Tassa mahyaɱ bhikkhave iminā vihārena bahulaɱ viharato||
n'eva kāyo kilamati na cakkhūni||
anupādāya ca me āsavehi cittaɱ vīmuccati.|| ||

[13] Tasmā'ti ha bhikkhave, bhikkhū ce pi ākankheyya:

'N'eva kāyo kilameyya na ca cakkhūni||
anupādāya ca me āsavehi cittaɱ vimucceyyā' ti,||
ayam eva ānāpāna-sati-samādhi sādhukaɱ mana-sikātabbo.|| ||

[14] Tasmā'ti ha bhikkhave, bhikkhū ce pi ākankheyya:

'Ye me geha-sitā sarasaŋkappā te pahīyeyyun' ti,||
ayam eva ānāpāna-sati-samādhi sādhukaɱ mana-sikātabbo.|| ||

[15] Tasmā'ti ha bhikkhave, bhikkhū ce pi ākankheyya:

'Appaṭikkūle paṭi-k-kūla-saññī vihareyyan' ti,||
ayam eva ānāpāna-sati-samādhi sādhukaɱ mana-sikātabbo.|| ||

[16] Tasmā'ti ha bhikkhave, bhikkhū ce pi ākankheyya:

'Paṭikkūle a-p-paṭi-k-kūla-saññī vihareyyan' ti,||
ayam eva ānāpāna-sati-samādhi sādhukaɱ mana-sikātabbo.|| ||

[17] Tasmā'ti ha bhikkhave, bhikkhū ce pi ākankheyya:

'Appaṭikkūle ca paṭikkūle ca paṭi-k-kūla-saññī vihareyyan' ti,||
ayam eva ānāpāna-sati-samādhi sādhukaɱ mana-sikātabbo.|| ||

[18] Tasmā'ti ha bhikkhave, bhikkhū ce pi ākankheyya:

[318] 'Paṭikkūle ca a-p-paṭikkūle ca a-p-paṭi-k-kūla-saññī vihareyyan' ti,||
ayam eva ānāpāna-sati-samādhi sādhukaɱ mana-sikātabbo.|| ||

[19] Tasmā'ti ha bhikkhave, bhikkhū ce pi ākankheyya:

'Appaṭikkūlañca paṭikkūlañca tad ubhayaɱ abhini-vajchetvā upekhako vihareyyaɱ sato sampajāno' ti,||
ayam eva ānāpāna-sati-samādhi sādhukaɱ mana-sikātabbo.|| ||

[20] Tasmā'ti ha bhikkhave, bhikkhū ce pi ākankheyya:

'Vivicc'eva kāmehi||
vivicca akusalehi dhammehi||
sa-vitakkaɱ sa-vicāraɱ||
viveka-jaɱ pīti-sukhaɱ||
paṭhamaɱ-jhānaɱ upasampajja vihareyyan' ti,||
ayam eva ānāpāna-sati-samādhi sādhukaɱ mana-sikātabbo.|| ||

[21] Tasmā'ti ha bhikkhave, bhikkhū ce pi ākankheyya:

'Vitakka-vicārānaɱ vūpasamā||
ajjhattaɱ sampasādanaɱ||
cetaso ekodi-bhāvaɱ||
avitakkaɱ avicāraɱ||
samādhi-jaɱ pīti-sukhaɱ||
dutiyaɱ-jhānaɱ upasampajja vihareyyan' ti,||
ayam eva ānāpāna-sati-samādhi sādhukaɱ mana-sikātabbo.|| ||

[22] Tasmā'ti ha bhikkhave, bhikkhū ce pi ākankheyya:

'Pītiyā ca virāgā||
upekhako ca vihareyyaɱ||
sato ca sampajāno||
sukhañ ca kāyena paṭisaŋvedeyyaɱ||
yaɱ taɱ ariyā ācikkhanti||
"upekhako satimā sukha-vihārī" ti||
tatiyaɱ-jhānaɱ upasampajja vihareyyan' ti,||
ayam eva ānāpāna-sati-samādhi sādhukaɱ mana-sikātabbo.|| ||

[23] Tasmā'ti ha bhikkhave, bhikkhū ce pi ākankheyya:

'Sukhassa ca pahānā||
dukkhassa ca pahānā||
pubb'eva somanassa-domanassānaɱ attha-gamā||
adukkha-ɱ-asukhaɱ||
upekkhā-sati-pārisuddhiɱ||
catutthaɱ-jhānaɱ upasampajja vihareyyan' ti,||
ayam eva ānāpāna-sati-samādhi sādhukhaɱ mana-sikātabbo.|| ||

[24] Tasmā'ti ha bhikkhave, bhikkhū ce pi ākankheyya:

'Sabbaso rūpa-saññānaɱ||
samati-k-kamā paṭigha-saññānaɱ attha-gamā||
nānatta-saññānaɱ||
amanasi-kārā||
"ananto ākāso" ti||
ākāsanañvāyatanaɱ upasampajja vihareyyan' ti,||
ayam eva ānāpāna-sati-samādhi sādhukaɱ mana-sikātabbo.|| ||

[25] Tasmā'ti ha bhikkhave, bhikkhū ce pi ākankheyya:

'Sabbaso Ākāsanañ-c'āyatanaɱ samati-k-kamā "anantaɱ [319] viññāṇan" ti||
Viññāṇañ-c'āyatanaɱ upasampajja vihareyyan' ti,||
ayam eva ānāpāna-sati-samādhi sādhukaɱ mana-sikātabbo.|| ||

[26] Tasmā'ti ha bhikkhave, bhikkhū ce pi ākankheyya:

'Sabbaso Viññāṇañ-c'āyatanaɱ samati-k-kamā||
"N'atthi kiñcī" ti Ākiñcaññ'āyatanaɱ upasampajja vihareyyan' ti,||
ayam eva ānāpāna-sati-samādhi sādhukaɱ mana-sikātabbo.|| ||

[27] Tasmā'ti ha bhikkhave, bhikkhū ce pi ākankheyya:

'Sabbaso Ākiñcaññ'āyatanaɱ samati-k-kamā||
N'eva-saññā-nā-saññ'āyatanaɱ upasampajja vihareyyan' ti,||
ayam eva ānāpāna-sati-samādhi sādhukaɱ mana-sikātabbo.|| ||

[28] Tasmā'ti ha bhikkhave, bhikkhū ce pi ākankheyya:

'Sabbaso N'eva-saññā-nā-saññ'āyatanaɱ samati-k-kamā||
saññā-vedayita-nirodhaɱ||
upasampajja vihareyyan' ti,||
ayam eva ānāpāna-sati-samādhi sādhukaɱ mana-sikātabbo.|| ||

[29] Evaɱ bhāvite kho bhikkhave,||
ānāpāna-sati-samādhimhi||
evaɱ bahulī-kate||
sukhañ ca vedanaɱ vedeti sā aniccāti pajānāti,||
anajjhositāti pajānāti,||
anabhinanditāti pajānāti,||
dukkhaɱ ce vedanaɱ vedeti sā aniccāti pajānāti,||
anajjhositāti pajānāti,||
anabhinanditāti pajānāti,||
adukkha-m-asukhañ ce vedanaɱ vedeti sā aniccāti pajānāti,||
anajjhositāti pajānāti,||
anabhinanditāti pajānāti.|| ||

[30] So sukhañ ce vedanaɱ vediyati visaŋyutto naɱ vediyati.

Dukkhañ ce vedanaɱ vediyati visaŋyutto naɱ vediyati.

Adukkhamasukhañ ce vedanaɱ vediyati visaŋyutto naɱ vediyati.|| ||

So kāya-pariyantikaɱ vedanaɱ vediyamāno||
kāya-pariyantikaɱ vedanaɱ vediyāmīti pajānāti||
jīvita-pariyantikaɱ vedanaɱ vediyamāno||
jīvita-pariyantikaɱ vedanaɱ vediyāmīti pajānāti.

Kāyassa bhedā uddhaɱ jīvita-pariyādānā idh'eva sabba-vedayitāni anabhinanditāni sītibhavissantīti pajānāti.|| ||

[31] Seyyathā pi, bhikkhave, telañ ca||
paṭicca vaṭṭiñ ca||
paṭicca tela-p-padīpo jhāyeyya,||
tass'eva telassa ca||
vaṭṭiyā ca||
pariyādānā an-āhāro nibbāyeyya,||
evam eva kho, bhikkhave,||
bhikkhū [320] kāya-pariyantikaɱ vedanaɱ vediyamāno||
'kāya-pariyantikaɱ vedanaɱ vediyāmī' ti pajānāti.

Jīvita-pariyantikaɱ vedanaɱ vediyamāno||
'jīvita-pariyantikaɱ vedanaɱ vediyāmī' ti pajānāti.

'Kāyassa bhedā uddhaɱ jīvita-pariyādānā||
idh'eva sabba-vedayitāni sītibhavissantī' ti pajānātī" ti.|| ||

 


Contact:
E-mail
Copyright Statement