Bhikkhu-Pātimokkha Pāli

 

---

 

Suddhapācittiyā
[Index][sbe][than]

Ime kho pan'āyasmanto dvenavuti pācittiyā dhammā uddesaṁ āga-c-chanti.|| ||

1: Musā-vādasikkhāpadaṁ|| ||

Sampajānamusā-vāde, pācittiyaṁ.|| ||

2: Omasavādasikkhāpadaṁ|| ||

Omasavāde, pācittiyaṁ.|| ||

3: Pesuññasikkhāpadaṁ|| ||

Bhikkhupesuññe, pācittiyaṁ.|| ||

4: Padasodhammasikkhāpadaṁ|| ||

Yo pana bhikkhu anupasampannaṁ padaso dhammaṁ vāceyya, pācittiyaṁ.|| ||

5: Sahaseyyasikkhāpadaṁ|| ||

Yo pana bhikkhu anupasampannena uttariṁ^[1] dirattatirattaṁ sahaseyyaṁ kappeyya, pācittiyaṁ.|| ||

6: Dutiyasahaseyyasikkhāpadaṁ|| ||

Yo pana bhikkhu mātu-gāmena sahaseyyaṁ kappeyya, pācittiyaṁ.|| ||

7: Dhammadesanāsikkhāpadaṁ|| ||

Yo pana bhikkhu mātu-gāmassa uttariṁ chappaācavācāhi dhammaṁ deseyya, aññatra viññunā purisaviggahena, pācittiyaṁ.|| ||

8: Bhūtārocanasikkhāpadaṁ|| ||

Yo pana bhikkhu anupasampannassa uttari-manussa-dhammaṁ āroceyya bhūtasmiṁ, pācittiyaṁ.|| ||

9: Duṭṭhullārocanasikkhāpadaṁ|| ||

Yo pana bhikkhu bhikkhussa duṭṭhullaṁ āpattiṁ anupasampannassa āroceyya, aññatra bhikkhusammutiyā, pācittiyaṁ.|| ||

10: Paṭhavikhaṇanasikkhāpadaṁ|| ||

Yo pana bhikkhu paṭhaviṁ khaṇeyya vā khaṇāpeyya vā, pācittiyaṁ.|| ||

Musā-vādāvaggo paṭhamo|| ||

11: Bhūtagāmasikkhāpadaṁ|| ||

Bhūtagāmapātavyatāya, pācittiyaṁ.|| ||

12: Aññavādakasikkhāpadaṁ|| ||

Aññavādake vihesake, pācittiyaṁ.|| ||

13: Ujjhāyanasikkhāpadaṁ|| ||

Ujjhāpanake khīyanake, pācittiyaṁ.|| ||

14: Paṭhamasen'āsanasikkhāpadaṁ|| ||

Yo pana bhikkhu saṅghikaṁ maācaṁ vā pīṭhaṁ vā bhisiṁ vā kocchaṁ vā ajjhokāse santharitvā vā santharāpetvā vā, taṁ pakkamanto n'eva uddhareyya na uddharāpeyya, anāpucchaṁ vā gaccheyya, pācittiyaṁ.|| ||

15: Dutiyasen'āsanasikkhāpadaṁ|| ||

Yo pana bhikkhu saṅghike vihāre seyyaṁ santharitvā vā santharāpetvā vā, taṁ pakkamanto n'eva uddhareyya na uddharāpeyya, anāpucchaṁ vā gaccheyya, pācittiyaṁ.|| ||

16: Anupakhajjasikkhāpadaṁ|| ||

Yo pana bhikkhu saṅghike vihāre jānaṁ pubbūpagataṁ bhikkhuṁ anupakhajja seyyaṁ kappeyya: 'Yassa sambādho bhavissati, so pakkamissatī'-ti. Etad-eva paccayaṁ karitvā anaññaṁ, pācittiyaṁ.|| ||

17: Nikkaḍḍhanasikkhāpadaṁ|| ||

Yo pana bhikkhu bhikkhuṁ kupito anatta-mano saṅghikā vihārā nikkaḍḍheyya vā nikkaḍḍhāpeyya vā, pācittiyaṁ.|| ||

18: Vehāsakūṭisikkhāpadaṁ|| ||

Yo pana bhikkhu saṅghike vihāre uparivehāsakuṭiyā āhaccapādakaṁ maācaṁ vā pīṭhaṁ vā abhinisīdeyya vā abhinipajjeyya vā, pācittiyaṁ.|| ||

19: Mahallakavihārasikkhāpadaṁ|| ||

Mahallakaṁ pana bhikkhunā vihāraṁ kārayamānena, yāva dvārakosā aggalaṭṭhapanāya ālokasandhiparikammāya dvatticchadanassa pariyāyaṁ, appaharite ṭhitena adhiṭṭhātabbaṁ. Tato ce uttariṁ appaharite pi ṭhito adhiṭṭhaheyya, pācittiyaṁ.|| ||

20: Sappāṇasikkhāpadaṁ|| ||

Yo pana bhikkhu jānaṁ sappāṇakaṁ udakaṁ tiṇaṁ vā mattikaṁ vā siāceyya vā siācāpeyya vā, pācittiyaṁ.|| ||

Bhūtagāmavaggo dutiyo|| ||

21: Ovādasikkhāpadaṁ|| ||

Yo pana bhikkhu asammato bhikkhuniyo ovadeyya, pācittiyaṁ.|| ||

22: Atthaṅgatasikkhāpadaṁ|| ||

Sammato pi ce bhikkhu atthaṅgate suriye bhikkhuniyo ovadeyya, pācittiyaṁ.|| ||

23: Bhikkhunūpassayasikkhāpadaṁ|| ||

Yo pana bhikkhu bhikkhun'ūpassayaṁ upsaṅkamitvā bhikkhuniyo ovadeyya, aññatra samayā, pācittiyaṁ.|| ||

Tatthāyaṁ samayo: gilānā hoti bhikkhunī - ayaṁ tattha samayo.|| ||

24: Āmisasikkhāpadaṁ|| ||

Yo pana bhikkhu evaṁ vadeyya: 'āmisahetu bhikkhū^[2] bhikkhuniyo ovadantī'-ti, pācittiyaṁ.|| ||

25: Cīvaradānasikkhāpadaṁ|| ||

Yo pana bhikkhu aññātikāya bhikkhuniyā cīvaraṁ dadeyya, aññatra pārivaṭṭakā, pācittiyaṁ.|| ||

26: Cīvarasibbanasikkhāpadaṁ|| ||

Yo pana bhikkhu aññātikāya bhikkhuniyā cīvaraṁ sibbeyya vā sibbāpeyya vā, pācittiyaṁ.|| ||

27: Saṁvidhānasikkhāpadaṁ|| ||

Yo pana bhikkhu^[3] bhikkhuniyā saddhiṁ saṁvidhāya ekaddhāna-maggaṁ paṭipajjeyya antamaso gāmantaram-pi, aññatra samayā, pācittiyaṁ.|| ||

Tatthāyaṁ samayo: sattha-gamanīyo hoti Maggo sāsaṅkasammato sappaṭi-bhayo - ayaṁ tattha samayo.|| ||

28: Nāvābhirūhatasikkhāpadaṁ|| ||

Yo pana bhikkhu bhikkhuniyā saddhiṁ saṁvidhāya ekaṁ nāvaṁ abhirūheyya uddhagāminiṁ^[4] vā adhogāminiṁ vā, aññatra tiriyaṁ taraṇāya, pācittiyaṁ.|| ||

29: Paripācitasikkhāpadaṁ|| ||

Yo pana bhikkhu jānaṁ bhikkhunīparipācitaṁ piṇḍa-pātaṁ bhuājeyya, aññatra pubbe gihīsamārambhā, pācittiyaṁ.|| ||

30: Rahonisajjasikkhāpadaṁ|| ||

Yo pana bhikkhu bhikkhuniyā saddhiṁ eko ekāya raho nisajjaṁ kappeyya, pācittiyaṁ.|| ||

Bhikkhunovādavaggo tatiyo|| ||

31: āvasathapiṇḍasikkhāpadaṁ|| ||

Agilānena bhikkhunā eko āvasathapiṇḍo bhuājitabbo. Tato ce uttariṁ bhuājeyya, pācittiyaṁ.|| ||

32: Gaṇabhojanasikkhāpadaṁ|| ||

Gaṇabhojane, aññatra samayā, pācittiyaṁ.|| ||

Tatthāyaṁ samayo: gilānasamayo, cīvaradānasamayo, cīvarakārasamayo, addhānagamanasamayo, nāvābhirūhanasamayo, mahāsamayo, samaṇabhattasamayo - ayaṁ tattha samayo.|| ||

33: Paramparabhojanasikkhāpadaṁ:|| ||

Paramparabhojane, aññatra samayā, pācittiyaṁ.|| ||

Tatthāyaṁ samayo: gilānasamayo, cīvaradānasamayo, cīvarakārasamayo - ayaṁ tattha samayo.|| ||

34: Kāṇamātusikkhāpadaṁ|| ||

Bhikkhuṁ pan'eva kulaṁ upagataṁ pūvehi vā manthehi vā abhihaṭṭhuṁ pavāreyya. ākaṅkha-mānena bhikkhunā dvattipattapūrā paṭiggahetabbā. Tato ce uttariṁ paṭiggaṇheyya, pācittiyaṁ.|| ||

Dvattipattapūre paṭiggahetvā tato nīharitvā bhikkhūhi saddhiṁ saṁvibhajitabbaṁ. Ayaṁ tattha sāmīci.|| ||

35: Paṭhamapavāraṇasikkhāpadaṁ|| ||

Yo pana bhikkhu bhuttāvī pavārito anatirittaṁ, khādanīyaṁ vā bhojanīyaṁ vā khādeyya vā bhuājeyya vā, pācittiyaṁ.|| ||

36: Dutiyapavāraṇasikkhāpadaṁ|| ||

Yo pana bhikkhu bhikkhuṁ bhuttāviṁ pavāritaṁ anatirittena khādanīyena vā bhojanīyena vā abhihaṭṭhuṁ pavāreyya: 'Handa bhikkhu khāda vā bhuāja vā'-ti, jānaṁ āsādanāpekkho, bhuttasmiṁ, pācittiyaṁ.|| ||

37: Vikālabhojanasikkhāpadaṁ|| ||

Yo pana bhikkhu vikāle khādanīyaṁ vā bhojanīyaṁ vā khādeyya vā bhuājeyya vā, pācittiyaṁ.|| ||

38: Sannidhikārasikkhāpadaṁ|| ||

Yo pana bhikkhu^[5] sannidhikārakaṁ khādanīyaṁ vā bhojanīyaṁ vā khādeyya vā bhuājeyya vā, pācittiyaṁ.|| ||

39: Paṇītabhojanasikkhāpadaṁ|| ||

Yāni kho pana tāni paṇītabhojanāni, seyyath'īdaṁ: sappi, navanītaṁ, telaṁ, madhu, phāṇitaṁ, maccho, maṁsaṁ, khīraṁ, dadhi. Yo pana bhikkhu eva-rūpāni paṇītabhojanāni agilāno attano atthāya viññāpetvā bhuājeyya, pācittiyaṁ.|| ||

40: Dantaponasikkhāpadaṁ|| ||

Yo pana bhikkhu adinnaṁ mukhadvāraṁ āhāraṁ āhareyya, aññatra udakadantaponā, pācittiyaṁ.|| ||

41: Acelakasikkhāpadaṁ|| ||

Yo pana bhikkhu acelakassa vā paribbājakassa vā paribbājikāya vā sahatthā khādanīyaṁ vā bhojanīyaṁ vā dadeyya, pācittiyaṁ.|| ||

42: Uyyojanasikkhāpadaṁ|| ||

Yo pana bhikkhu bhikkhuṁ: 'Eh'āvuso gāmaṁ vā nigamaṁ vā piṇḍāya pavisissāmā'-ti. Tassa dāpetvā vā adāpetvā vā uyyojeyya: 'Gacch'āvuso na me tayā saddhiṁ kathā vā nisajjā vā phāsu hoti, ekakassa me kathā vā nisajjā vā phāsu hotī'-ti. Etad-eva paccayaṁ karitvā anaññaṁ, pācittiyaṁ.|| ||

43: Sabhojanasikkhāpadaṁ|| ||

Yo pana bhikkhu sabhojane kule anupakhajja nisajjaṁ kappeyya, pācittiyaṁ.|| ||

44: Paṭhamarahonisajjasikkhāpadaṁ|| ||

Yo pana bhikkhu^[6] mātu-gāmena saddhiṁ raho paṭi-c-channe āsane nisajjaṁ kappeyya, pācittiyaṁ.|| ||

45: Dutiyarahonisajjasikkhāpadaṁ|| ||

Yo pana bhikkhu mātu-gāmena saddhiṁ eko ekāya raho nisajjaṁ kappeyya, pācittiyaṁ.|| ||

46: Cārittasikkhāpadaṁ|| ||

Yo pana bhikkhu nimantito sabhatto samāno santaṁ bhikkhuṁ anāpucchā purebhattaṁ vā pacchā-bhattaṁ vā kulesu cārittaṁ āpajjeyya, aññatra samayā, pācittiyaṁ.|| ||

Tatthāyaṁ samayo: cīvaradānasamayo, cīvarakārasamayo - ayaṁ tattha samayo.|| ||

47: Mahānāmasikkhāpadaṁ|| ||

Agilānena bhikkhunā cātumāsa-p-paccayapavāraṇā sāditabbā, aññatra punapavāraṇāya, aññatra niccapavāraṇāya. Tato ce uttariṁ sādiyeyya, pācittiyaṁ.|| ||

48: Uyyuttasenāsikkhāpadaṁ|| ||

Yo pana bhikkhu uyyuttaṁ senaṁ dassanāya gaccheyya, aññatra tathā-rūpa-p-paccayā, pācittiyaṁ.|| ||

49: Senāvāsasikkhāpadaṁ|| ||

Siyā ca tassa bhikkhuno kocid-eva paccayo senaṁ gamanāya, dirattatirattaṁ tena bhikkhunā senāya vasitabbaṁ. Tato ce uttariṁ vaseyya, pācittiyaṁ.|| ||

50: Uyyodhikasikkhāpadaṁ|| ||

Dirattatirattaṁ ce bhikkhu senāya vasamāno uyyodhikaṁ vā balaggaṁ vā senābyūhaṁ vā anīkadassanaṁ vā gaccheyya, pācittiyaṁ.|| ||

Acelakavaggo paācamo|| ||

51: Surāpānasikkhāpadaṁ|| ||

Surāmerayapāne, pācittiyaṁ.|| ||

52: Aṅgulipatodakasikkhāpadaṁ|| ||

Aṅgulipatodake, pācittiyaṁ.|| ||

53: Hassadhammasikkhāpadaṁ|| ||

Udake hassadhamme, pācittiyaṁ.|| ||

54: Anādariyasikkhapadaṁ|| ||

Anādariye, pācittiyaṁ.|| ||

55: Bhiṁsāpanakasikkhāpadaṁ|| ||

Yo pana bhikkhu bhikkhuṁ bhiṁsāpeyya, pācittiyaṁ.|| ||

56: Jotisikkhapadaṁ|| ||

Yo pana bhikkhu agilāno visibbanāpekkho jotiṁ samādaheyya vā samādahāpeyya vā, aññatra tathā-rūpa-p-paccayā, pācittiyaṁ.|| ||

57: Nahātasikkhāpadaṁ|| ||

Yo pana bhikkhu orenaddhamāsaṁ nahāyeyya, aññatra samayā, pācittiyaṁ.|| ||

Tatthāyaṁ samayo: diyaḍḍho māso seso gimhānan-ti, vassānassa paṭhamo māso, iccete aḍḍhateyyamāsā, uṇhasamayo, pariḷāhasamayo, gilānasamayo, kammasamayo, addhānagamanasamayo, vāta-vuṭṭhisamayo - ayaṁ tattha samayo.|| ||

58: Du-b-baṇṇakarasikkhāpadaṁ|| ||

Navaṁ pana bhikkhunā cīvaralābhena tiṇṇaṁ du-b-baṇṇa-karaṇānaṁ aññataraṁ du-b-baṇṇa-karaṇaṁ ādātabbaṁ, nīlaṁ vā kaddamaṁ vā kā'asāmaṁ vā. Anādā ce bhikkhu tiṇṇaṁ du-b-baṇṇa-karaṇānaṁ aññataraṁ du-b-baṇṇa-karaṇaṁ navaṁ cīvaraṁ paribhuājeyya, pācittiyaṁ.|| ||

59: Vikappanasikkhāpadaṁ|| ||

Yo pana bhikkhu bhikkhussa vā bhikkhuniyā vā sikkhamānāya vā sāmaṇerassa vā sāmaṇeriyā vā sāmaṁ cīvaraṁ vikappetvā apaccuddhārakaṁ paribhuājeyya, pācittiyaṁ.|| ||

60: Cīvarāpanidhānasikkhāpadaṁ|| ||

Yo pana bhikkhu^[7] bhikkhussa pattaṁ vā cīvaraṁ vā nisīdanaṁ vā sūcigharaṁ vā kāya-bandhanaṁ vā apanidheyya vā apanidhāpeyya vā antamaso hassāpekkho pi, pācittiyaṁ.|| ||

Surāpānavaggo chaṭṭho|| ||

61: Saāciccapāṇasikkhāpadaṁ|| ||

Yo pana bhikkhu saācicca pāṇaṁ jīvitā voropeyya, pācittiyaṁ.|| ||

62: Sappāṇakasikkhāpadaṁ|| ||

Yo pana bhikkhu jānaṁ sappāṇakaṁ udakaṁ paribhuājeyya, pācittiyaṁ.|| ||

63: Ukkoṭanasikkhāpadaṁ|| ||

Yo pana bhikkhu jānaṁ yathā-dhammaṁ nihatādhikaraṇaṁ punakammāya ukkoṭeyya, pācittiyaṁ.|| ||

64: Duṭṭhullasikkhāpadaṁ|| ||

Yo pana bhikkhu bhikkhussa jānaṁ duṭṭhullaṁ āpattiṁ paṭicchādeyya, pācittiyaṁ.|| ||

65: Ūnavīsati-vassasikkhāpadaṁ|| ||

Yo pana bhikkhu jānaṁ ūnavīsati-vassaṁ puggalaṁ upasampādeyya, so ca puggalo anupasampanno, te ca bhikkhū gārayhā. Idaṁ tasmiṁ pācittiyaṁ.|| ||

66: Theyyasatthasikkhāpadaṁ|| ||

Yo pana bhikkhu jānaṁ theyyasatthena saddhiṁ saṁvidhāya ekaddhāna-maggaṁ paṭipajjeyya antamaso gāmantaram-pi, pācittiyaṁ.|| ||

67: Saṁvidhānasikkhāpadaṁ|| ||

Yo pana bhikkhu mātu-gāmena saddhiṁ saṁvidhāya ekaddhāna-maggaṁ paṭipajjeyya antamaso gāmantaram-pi, pācittiyaṁ.|| ||

68: Ariṭṭhasikkhāpadaṁ|| ||

Yo pana bhikkhu evaṁ vadeyya: 'Tath'āhaṁ Bhagavatā dhammaṁ desitaṁ ājānāmi. Yathā yeme antarāyikā dhammā vuttā Bhagavatā, te paṭisevato nālaṁ antarāyāyā'-ti. So bhikkhu bhikkhūhi evam-assa vacanīyo: 'Mā āyasmā evaṁ avaca. Mā Bhagavantaṁ abbh'ācikkhi, na hi sādhu Bhagavato abbha-k-khānaṁ, na hi Bhagavā evaṁ vadeyya. An-eka-pariyāyena āvuso antarāyikā dhammā antarāyikā vuttā Bhagavatā, alaā-ca pana te paṭisevato antarāyāyā'-ti. Evaā-ca pana so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāvatatiyaṁ samanubhāsitabbo tassa paṭinissaggāya. Yāvatatiyaṁ ce samanubhāsiyamāno tam-paṭinissajjeyya iccetaṁ kusalaṁ. No ce paṭinissajjeyya, pācittiyaṁ.|| ||

69: Ukkhittasambhogasikkhāpadaṁ|| ||

Yo pana bhikkhu jānaṁ tathāvādinā bhikkhunā akaṭānudhammena taṁ diṭṭhiṁ appaṭinissaṭṭhena saddhiṁ sambhuājeyya vā saṁvaseyya vā saha vā seyyaṁ kappeyya, pācittiyaṁ.|| ||

70: Kaṇṭakasikkhāpadaṁ|| ||

Samaṇuddeso pi ce evaṁ vadeyya: 'Tath'āhaṁ Bhagavatā dhammaṁ desitaṁ ājānāmi. Yathā yeme antarāyikā dhammā vuttā Bhagavatā, te paṭisevato nālaṁ antarāyāyā'-ti. So samaṇ'uddeso bhikkhūhi evam-assa vacanīyo: 'Mā āvuso samaṇ'uddesa evaṁ avaca. Mā Bhagavantaṁ abbh'ācikkhi, na hi sādhu Bhagavato abbha-k-khānaṁ, na hi Bhagavā evaṁ vadeyya. An-eka-pariyāyena āvuso samaṇ'uddesa antarāyikā dhammā antarāyikā vuttā Bhagavatā, alaā-ca pana te paṭisevato antarāyāyā'-ti. Evaā-ca pana so samaṇ'uddeso bhikkhūhi vuccamāno tatheva paggaṇheyya, so samaṇ'uddeso bhikkhūhi evam-assa vacanīyo: 'Ajja-t-agge te āvuso samaṇ'uddesa na c'eva so Bhagavā Satthā apadisitabbo, yam-pi c'aññe samaṇ'uddesā labhanti bhikkhūhi saddhiṁ dirattatirattaṁ sahaseyyaṁ, sā pi te n'atthi, cara pare vinassā'-ti. Yo pana bhikkhu^[8] jānaṁ tathānāsitaṁ samaṇ'uddesaṁ upalāpeyya vā upaṭṭhāpeyya vā sambhuājeyya vā saha vā seyyaṁ kappeyya, pācittiyaṁ.|| ||

Sappāṇakavaggo sattamo|| ||

71: Sahadhammikasikkhāpadaṁ|| ||

Yo pana bhikkhu bhikkhūhi saha-dhammikaṁ vuccamāno evaṁ vadeyya: 'Na tāvāhaṁ āvuso etasmiṁ sikkhā-pade sikkhissāmi, yāva na aññaṁ bhikkhuṁ vyattaṁ vinaya-dharaṁ paripucchāmī'-ti, pācittiyaṁ.|| ||

Sikkhamānena bhikkhave bhikkhunā aññātabbaṁ paripucchitabbaṁ paripaāhitabbaṁ. Ayaṁ tattha sāmīci.|| ||

72: Vilekhanasikkhāpadaṁ|| ||

Yo pana bhikkhu Pātimokkhe uddissamāne evaṁ vadeyya: 'Kiṁ pan'imehi khuddānukhuddakehi sikkhā-padehi uddiṭṭhehi, yāva-d-eva kukkuccāya, vihesāya, vilekhāya saṁvaṭṭantī'-ti. Sikkhāpadavivaṇṇake, pācittiyaṁ.|| ||

73: Mohanasikkhāpadaṁ|| ||

Yo pana bhikkhu anvaddhamāsaṁ Pātimokkhe uddissamāne evaṁ vadeyya: 'Idān'eva kho ahaṁ jānāmi, ayam-pi kira dhammo suttāgato suttapariyāpanno anvaddhamāsaṁ uddesaṁ āga-c-chatī'-ti. Taā-ce bhikkhuṁ aññe bhikkhū jāneyyum: 'Nisinnapubbaṁ iminā bhikkhunā dvatti-k-khattuṁ Pātimokkhe uddissamāne. Ko pana vādo bhiyyo na ca tassa bhikkhuno aññāṇakena mutti atthi. Yaā-ca tattha āpattiṁ āpanno, taā-ca yathādhammo kāretabbo, uttariṁ cassa moho āropetabbo: 'Tassa te āvuso alābhā, tassa te dulladdhaṁ. Yaṁ tvaṁ Pātimokkhe uddissamāne, na sādhukaṁ atthikatvā mana-sikarosī'-ti. Idaṁ tasmiṁ mohanake, pācittiyaṁ.|| ||

74: Pahārasikkhāpadaṁ|| ||

Yo pana bhikkhu bhikkhussa kupito anatta-mano pahāraṁ dadeyya, pācittiyaṁ.|| ||

75: Talasattikasikkhāpadaṁ|| ||

Yo pana bhikkhu bhikkhussa kupito anatta-mano talasattikaṁ uggireyya, pācittiyaṁ.|| ||

76: Amūlakasikkhāpadaṁ|| ||

Yo pana bhikkhu bhikkhuṁ amūlakena saṅghā-disesena anuddhaṁseyya, pācittiyaṁ.|| ||

77: Saāciccasikkhāpadaṁ|| ||

Yo pana bhikkhu bhikkhussa saācicca kukkuccaṁ upadaheyya: 'Itissa muhuttam-pi aphāsu bhavissatī'-ti. Etad-eva paccayaṁ karitvā anaññaṁ, pācittiyaṁ.|| ||

78: Upassutisikkhāpadaṁ|| ||

Yo pana bhikkhu bhikkhūnaṁ bhaṇḍanajātānaṁ kalahajātānaṁ vivādāpannānaṁ upassutiṁ tiṭṭheyya: 'Yaṁ ime bhaṇissanti, taṁ sossāmī'-ti. Etad-eva paccayaṁ karitvā anaññaṁ, pācittiyaṁ.|| ||

79: Kammapaṭibāhanasikkhāpadaṁ|| ||

Yo pana bhikkhu dhammikānaṁ kammānaṁ chandaṁ datvā pacchā khīyanadhammaṁ āpajjeyya, pācittiyaṁ.|| ||

80: Chandaṁadatvāgamana-sikkhāpadaṁ|| ||

Yo pana bhikkhu saṅghe vinicchayakathāya vattamānāya chandaṁ adatvā uṭṭhāy āsanā pakkameyya, pācittiyaṁ.|| ||

81: Dabbasikkhāpadaṁ|| ||

Yo pana bhikkhu samaggena saṅghena cīvaraṁ datvā pacchā khīyanadhammaṁ āpajjeyya: 'Yathāsanthutaṁ bhikkhū saṅghikaṁ lābhaṁ pariṇāmentī'-ti, pācittiyaṁ.|| ||

82: Pariṇāmana-sikkhāpadaṁ|| ||

Yo pana bhikkhu jānaṁ saṅghikaṁ lābhaṁ pariṇataṁ puggalassa pariṇāmeyya, pācittiyaṁ.|| ||

Sahadhammikavaggo aṭṭhamo|| ||

83: Rājantarapurasikkhāpadaṁ|| ||

Yo pana bhikkhu^[9] rañño khattiyassa muddhāvisittassa anikkhantarājake anīgataratanake pubbe appaṭisaṁvidito indakhīlaṁ atikkāmeyya, pācittiyaṁ.|| ||

84: Ratanasikkhāpadaṁ|| ||

Yo pana bhikkhu ratanaṁ vā ratanasammataṁ vā, aññatra ajjhārāmā vā ajjhāvasathā vā uggaṇheyya vā uggaṇhāpeyya vā, pācittiyaṁ.|| ||

Ratanaṁ vā pana bhikkhunā ratanasammataṁ vā ajjhārāme vā ajjhāvasathe vā uggahetvā vā uggahāpetvā vā nikkhipitabbaṁ: 'Yassa bhavissati, so harissatī'-ti. Ayaṁ tattha sāmīci.|| ||

85: Vikālagāmappavesanasikkhāpadaṁ:^[10]|| ||

Yo pana bhikkhu santaṁ bhikkhuṁ anāpucchā vikāle gāmaṁ paviseyya, aññatra tathā-rūpā accāyikā karaṇīyā, pācittiyaṁ.|| ||

86: Sūcigharasikkhāpadaṁ|| ||

Yo pana bhikkhu^[11] aṭṭhimayaṁ vā danta-mayaṁ vā visāṇamayaṁ vā sūcigharaṁ kārāpeyya, bhedanakaṁ, pācittiyaṁ.|| ||

87: Maācasikkhāpadaṁ|| ||

Navaṁ pana bhikkhunā maācaṁ vā pīṭhaṁ vā kārayamānena aṭṭhaṅgulapādakaṁ kāretabbaṁ Sugataṅgulena, aññatra heṭṭhimāya aṭaniyā. Taṁ atikkāmayato, chedanakaṁ, pācittiyaṁ.|| ||

88: Tūlonaddhasikkhāpadaṁ|| ||

Yo pana bhikkhu maācaṁ vā pīṭhaṁ vā tūlonaddhaṁ kārāpeyya, uddālanakaṁ, pācittiyaṁ.|| ||

89: Nisīdanasikkhāpadaṁ|| ||

Nisīdanaṁ pana bhikkhunā kārayamānena pamāṇikaṁ kāretabbaṁ. Tatridaṁ pamāṇaṁ: dīghaso dve vidatthiyo Sugatavidatthiyā, tiriyaṁ diyaḍḍhaṁ, dasā vidatthi. Taṁ atikkāmayato, chedanakaṁ, pācittiyaṁ.|| ||

90: Kaṇḍupaṭicchādisikkhāpadaṁ|| ||

Kaṇḍupaṭicchādiṁ pana bhikkhunā kārayamānena pamāṇikā kāretabbā. Tatridaṁ^[12] pamāṇaṁ: dīghaso catasso vidatthiyo Sugatavidatthiyā, tiriyaṁ dve vidatthiyo. Taṁ atikkāmayato, chedanakaṁ, pācittiyaṁ.|| ||

91: Vassikasāṭikasikkhāpadaṁ|| ||

Vassikasāṭikaṁ pana bhikkhunā kārayamānena pamāṇikā kāretabbā. Tatridaṁ^[13] pamāṇaṁ: dīghaso cha vidatthiyo Sugatavidatthiyā, tiriyaṁ aḍḍhateyyā. Taṁ atikkāmayato, chedanakaṁ, pācittiyaṁ.|| ||

92: NandatTherasikkhāpadaṁ|| ||

Yo pana bhikkhu Sugatacīvarappamāṇaṁ cīvaraṁ kārāpeyya atirekaṁ vā, chedanakaṁ, pācittiyaṁ.|| ||

Tatridaṁ^[14] Sugatassa Sugatacīvarappamāṇaṁ: dīghaso nava vidatthiyo Sugatavidatthiyā, tiriyaṁ cha vidatthiyo. Idaṁ Sugatassa Sugatacīvarappamāṇaṁ.|| ||

Rājavaggo navamo|| ||

Uddiṭṭhā kho āyasmanto dvenavuti pācittiyā dhammā.||
Tatthāyasmante pucchāmi: kaccittha parisuddhā?||
Dutiyam-pi pucchāmi: kaccittha parisuddhā?||
Tatiyam-pi pucchāmi: kaccittha parisuddhā?||
Parisuddhetthāyasmanto, tasmā tuṇhī, evam-etaṁ dhārayāmi.|| ||

Pācittiyā niṭṭhitā|| ||

 

---

 

Next: Pāṭidesanīyā

 

---

^[1] BJT note: Uttari - ChS.

^[2] BJT note: Therā bhikkhū - ChS.

^[3] Editor's note: BJT, Bhikkhū - printer's error.

^[4] BJT note: Uddhaṁ gāmaniṁ - ChS.

^[5] Editor's note: BJT, Bhikkhū - printer's error.

^[6] Editor's note: BJT, Bhikkhū - printer's error.

^[7] Editor's note: BJT, Bhikkhū - printer's error.

^[8] Editor's note: BJT, Bhikkhū - printer's error.

^[9] Editor's note: BJT, Bhikkhū - printer's error.

^[10] Editor's note: BJT, against its normal practice writes the title as two words: Vikāle gāmappavesanasikkhāpadaṁ.

^[11] Editor's note: BJT, Bhikkhū - printer's error.

^[12] Editor's note: BJT, Tatrīdaṁ - BJT wavers between Tatridaṁ & tatrīdaṁ, for the sake of consistency the former spelling has been preferred here.

^[13] Editor's note: BJT, Tatrīdaṁ - see note above.

^[14] Editor's note: BJT, Tatrīdaṁ - see note above.