Digha Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Digha Nikaya

Sutta 33

Sangiti Suttantam

Adapted from the digital version of the Sri Lanka Buddha Jayanti Tripitaka Series

 


 

Atthi kho avuso tena Bhagavata janata passata arahata SammaSambuddhena sattadhamma sammad-akkhato. Tattha sabbeh'eva sangayitabbam na vivaditabbam, yatha-yidam brahmacariyam addhaniyam assa cira-tthitikam, tad assa bahujana-hitaya bahujana-sukhaya lokanukampaya atthaya hitaya sukhaya deva-manussanam.

Katame satta?

[7.01][pts][wp][bd] Satta ariya-dhanani:
Saddha-dhanam, sila-dhanam, hiri-dhanam, ottappa-dhanam, suta-dhanam caga-dhanam, panna-dhanam.

[7.02][pts][wp][bd] Satta sabbojjhanga:
Sati-sambojjhango, dhamma- [252] vicaya-sambojjhango, viriya-sambojjhango, piti-sambojjhango, passaddhi-sambojjhango, samadhi-sambojjhango, upekkha-sambojjhango.

[7.03][pts][wp][bd] Satta samadhi-parikkhara:
Samma-ditthi, samma-samkappo samma-vaca samma-kammanto, samma-ajivo, samma-vayamo, samma-sati.

[7.04][pts][wp][bd] Satta asaddhamma:
Idh'avuso bhikkhu assaddho hoti, ahiriko hoti, anottappi hoti, appassuto hoti, kusito hoti, muttha-ssati hoti, duppanno hoti.

[7.05][pts][wp][bd] Satta saddhamma:
Idh'avuso bhikkhu saddho hoti, hirima hoti, ottappi hoti, bahussuto hoti, araddha-viriyo hoti, upatthita-sati hoti, pannava hoti.

[7.06][pts][wp][bd] Satta sappurisa-dhamma:
Idh'avuso bhikkhu dhammannu ca hoti, atthannu ca, attannu ca, mattannu ca, kalannu ca, parisannu ca, puggalannu ca.

[7.07][pts][wp][bd] Satata niddasa-vatthuni:
Idh'avuso bhikkhu sikkha-samadane tibbacchando hoti ayatin ca sikkha-samadane avigata-pemo. Dhamma-nisantiya tibbacchado hoti ayatin ca dhamma-nisantiya avigata-pemo. Iccha-vinaye tibbacchado hoti ayatin ca iccha-vinaye avigat-pemo. Patisallane tibbacchando hoti ayatin ca patisallane avigata-pemo. Viriyarambhe tibbavchando hoti ayatin ca viriyarambhe avigata-pemo. Sati-nepakke tibbacchando hoti ayatin ca sati-napakke avigata- [253] pemo. Ditthi-pativedhe tibbacchando hoti ayatin ca ditthi-pativedhe avigata-pemo.

[7.08][pts][wp][bd] Satta sanna:
Anicca-sanna, anatta-sanna, asubha-sanna, adinava-sanna, pahana-sanna, viraga-sanna, nirodha-sanna.

[7.09][pts][wp][bd] Satta balani:
Saddha-balam, viriya-balam, hiri-balam, ottappa-balam, sati-balam, samadhi-balam, panna-balam.

[7.10][pts][wp][bd] Satta vinnana-tthitiyo:
Sant'avuso satta nanatta-kaya nanatta-sannino, seyyatha pi manussa ekacce ca deva ekacce ca vinipatika. Ayam pathama vinnana-tthiti.
Sant'avuso satta nanatta-kaya ekatta-sannino seyyatha pi deva Brahma-kayika pathamabhinibbatta. Ayam dutiya vinnana-tthiti.
Sant'avuso satta ekatta-kaya nanatta-sannino, seyyatha pi deva Abhassara. Ayam tatiya vinnana-tthiti.
Sant'avuso satta ekatta-kaya ekatta-sannino, seyyatha pi deva Subhakinha. Ayam catutthi vinnana-tthiti.
Sant'avuso satta sabbaso rupa-sannanam samatikkama patigha-sannanam attha-gama nanatta-sannanam amanasi-kara 'Ananto akaso' ti akasanancayatanupaga. Ayam pancami vinnana-tthiti.
Sant'avuso satta sabbaso akasanancayatanam samatikkamma 'Anantam vinnanan' ti vinnanancayatanupaga. Ayam chatthi vinnana-tthiti.
Sant'avuso satta sabbaso vinnanancayatanam samatikkamma 'N'atthi kinci' ti akincannayatanupaga. Ayam sattami vinnana-tthiti.

[7.11][pts][wp][bd] Satta puggala dakkhineyyo:
Ubhato bhaga- [254] vimutto, panna-vimutto, kaya-sakkhi, ditthi-ppatto, saddha-vimutto, dhammanusari, saddhanusari.

[7.12][pts][wp][bd] Satta anusaya:
Kamaraganusayo, patighanusayo, ditthanusayo, vicikicchanusayo, mananusayo, bhavaraganusayo, avijjanusayo.

[7.13][pts][wp][bd] Satta samyojanani:
Anunaya-samyojanam, patigha-samyojanam, ditthi-samyojanam, vicikiccha-samyojanam, mana-samyojanam, bhavaraga-samyojanam, avijja-samyojanam.

[7.14][pts][wp][bd] Satta adhikarana-samatha uppannuppannanam adhikarananam samathaya vupasamaya:
Sammukha-vinayo- databbo, sati-vinayo databbo, amulha-vinayo databbo, patinnaya karetabbam, yebhuyyasika, tassa-papiyyasika, tinavattharako.

Ime kho avuso tena Bhagavata janata passata arahata SammaSambuddhena satta dhamma sammad-akkhata. Tattha sabbeh'eva sangayitabbam na vivaditabbam, yathayidam brahmacariyam addhaniyam assa cira-tthitikam, tad assa bahujana-hitaya bahujana-sukhaya lokanukampaya atthaya hitaya sukhaya deva-manussanam.


 [Ones and Twos]  [Threes]  [Fours]  [Fives]  [Sixes]  [Sevens]  [Eights]  [Nines]  [Tens]


Contact:
E-mail
Copyright Statement